• 2020-02-27 07:22:26
  • ការអប់រំ

ភ្ញាក់ផ្អើល! ការសិក្សាបង្ហាញថា មនុស្ស​ស្រី​​មិន​​​ចូល​ចិត្ត​​​ធ្វើ​ម្ហូប​​អាច​​ជោគជ័យ​ក្នុង​ជីវិត​ច្រើន​ជាង​អ្នក​ពូកែ​ធ្វើ​ម្ហូប

  • 2020-02-27 07:22:26
  • ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្ស​​គ្រប់​គ្នា​​គិត​ថា​មនុស្ស​ស្រី​​ត្រូវ​តែ​ចេះ​ធ្វើ​ម្ហូប​ដើម្បី​សុភមង្គល​គ្រួសារ។ ប៉ុន្តែ​ការ​សិក្សា​ស្រាវជ្រាវ​បាន​​បង្ហាញ​លទ្ធផល​ផ្សេង។ តើ​បណ្ដាល​មក​ពី​មូលហេតុ​អ្វី?

មនុស្ស​ស្រី​ជា​ច្រើន​ត្រូវ​បាន​អប់រំ​តាំង​ពី​តូច​ថា ជា​កូន​ស្រី​ត្រូវ​ចេះ​សព្វ​​ការងារ​ផ្ទះ ជា​ពិសេស​រឿង​ធ្វើ​ម្ហូប រហូត​មាន​ពាក្យ​ថា​ “មនុស្ស​ស្រី​ដែល​មិន​ចេះ​ធ្វើ​ម្ហូប មិន​បាច់​ចង់​បាន​ប្ដី” “មនុស្ស​ស្រី​បង្វិល​ចង្ក្រាន​មិន​ជុំ”... ។ ប៉ុន្តែ​ធាតុ​ពិត​បច្ចុប្បន្ន​ មនុស្ស​ស្រី​ត្រូវ​តែ​សម្ងំ​ក្នុង​ចង្ក្រាន​បាយ​ទៀត​មែន​ទេ? ប្រាកដ​ណាស់​គឺ អត់​ទេ។ ជា​ពិសេស​បើ​ផ្អែក​តាម​លទ្ធផល​នៃ​ការ​ស្រាវជ្រាវ​ថ្មី​ៗ និង​ការ​សិក្សា​ពី​អ្នក​វិទ្យាសាស្ត្រ​នៃ​ប្រទេស​ស៊ុយអែត​បាន​បង្ហាញ​ថា មនុស្ស​ស្រី​ដែល​មិន​ចេះ​ធ្វើ​ម្ហូប និង​មិន​ចូលចិត្ត​ធ្វើ​ម្ហូប​ច្រើន​តែ​ទទួល​បាន​ភាព​ជោគជ័យ​ក្នុង​អាជីព​ការងារ និង​អាច​រក​លុយ​បាន​ច្រើន​ជាង​មនុស្ស​ស្រី​ដែល​ពូកែ​ការងារ​ផ្ទះ។

ការ​ស្រាវជ្រាវ​នោះ​បាន​សិក្សា​លើ​មនុស្ស​ស្រី​ចំនួន ៣ពាន់​នាក់ ដែល​មាន​អាយុ​ចន្លោះ ២០ទៅ៤៥​ឆ្នាំ ទាំង​អ្នក​រៀបការ និង​មិន​ទាន់​រៀបការ។ លទ្ធផល​បាន​បង្ហាញ​ថា​មនុស្ស​ស្រី​ដែល​មិន​ទាន់​រៀបការ ហើយ​មិន​ចូលចិត្ត ឬ​មិន​ចេះ​ដាំ​ស្ល ភាគ​ច្រើន​មាន​ចំណេះដឹង​ខ្ពង់ខ្ពស់ និង​អាច​រក​លុយ​បាន​ច្រើន​បំផុត។ មួយ​​ក្រុម​ទៀត​គឺ​​ស្ត្រី​ដែល​រៀបការ ប៉ុន្តែ​​​ពួក​គេ​ចំណាយ​ពេល​ច្រើន​ដើម្បី​​ធ្វើ​ការងារ​ផ្ទះ។ ពួក​គេ​ក៏​មាន​​អាជីព​ផ្ទាល់​ខ្លួន​ដែរ ប៉ុន្តែ​ចំណូល​បាន​ទាប។

ផ្អែក​តាម​លទ្ធផល​នៃ​ការ​សិក្សា ក្រុម​អ្នក​ជំនាញ​បាន​សន្និដ្ឋាន​ជា​សរុប​​ថា នៅ​ពេល​​មនុស្ស​ស្រី​មាន​ផ្នត់​គំនិត​ថា​ការ​ចម្អិន​ម្ហូប​គ្រាន់​តែ​ជា​ផ្នែក​តូច​មួយ​នៃ​ជីវភាព​រស់​នៅ ឬ​គ្រាន់​តែ​ជា​ការ​កម្សាន្ត ពួក​គេ​នឹង​​មិន​បង្ខំ​ខ្លួន​ឯង​ឲ្យ​តស៊ូ​ជាមួយ​ការងារ​ក្នុង​ផ្ទះ​បាយ ឬ​ឈឺ​ក្បាល​ក្នុង​ការ​គិត​ថា​ថ្ងៃ​នេះ​ធ្វើ​ម្ហូប​អី ថ្ងៃ​នោះ​ធ្វើម្ហូប​អី​ឡើយ។ ពួក​គេ​ចំណាយ​ពេល​កសាង​អាជីព​របស់​ខ្លួន និង​រក​ចំណូល ហើយ​ប្រើ​ចំណូល​ដែល​ពួក​គេ​រក​បាន​នោះ​ទិញ​អ្វី​ដែល​ឆ្ងាញ់​ៗ​ញ៉ាំ​តាម​ការ​ចូល​ចិត្ត។

មនុស្ស​ស្រី​ដែល​មិន​ចូលចិត្ត​ធ្វើ​ម្ហូប មិន​មែន​មាន​ន័យ​ថា​ពួក​គេ​មិន​ចេះ​ធ្វើ​ម្ហូប​អ្វី​មួយ​មុខ​ទាល់​តែ​សោះ​នោះ​ទេ ប៉ុន្តែ​ចេះ​តែ​មួយ​មុខ​ពីរ​មុខ​គឺ​គ្រប់គ្រាន់​ហើយ​សម្រាប់​នាង​។ មនុស្ស​ស្រី​ឆ្លាត​ និង​ជោគជ័យ​តែង​ដឹង​ពី​តម្លៃ​នៃ​ពេល​វេលា​របស់​ខ្លួន ដែល​ជា​ហេតុ​ធ្វើ​ឲ្យ​ពួក​គេ​​កាន់​តែ​ទាក់​ទាញ​ក្នុង​សម្រាប់​ប្រុស​ៗ និង​ធ្វើ​ឲ្យ​ប្រុស​ៗ​មាន​អារម្មណ៍​ថា​មាន​សំណាង​បើ​បាន​ញ៉ាំ​អាហារ​ដែល​នាង​ធ្វើ​ផ្ទាល់។

ដូច្នេះ​ហើយ​មនុស្ស​ស្រី​គួរ​កុំ​ដាក់​សម្ពាធ​ខ្លួន​ជាមួយ​រឿង​ធ្វើ​ម្ហូប​នេះ​ខ្លាំង​ពេក។ ត្រូវ​រក​លុយ​ឲ្យ​បាន​ច្រើន មាន​អាជីព​នឹងនរ​មួយ​សិន រឿង​​ប្ដី​សី​​សឹម​គិត​តាម​ក្រោយ ៕

ប្រភព៖ Kanha ប្រែសម្រួល ៖ ស្វាយ វ៉ាន់ថន

មតិយោបល់
អត្ថបទពេញនិយម