• 2020-09-07 03:30:10
  • ការអប់រំ

ទិដ្ឋភាព ថ្ងៃដំបូង​បើកឲ្យចូលរៀនឡើងវិញ របស់ប្អូនៗថ្នាក់ទី៩ និងថ្នាក់ទី១២

  • 2020-09-07 03:30:10
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រសួងបានចេញចេញសេចក្តីប្រកាសអនុញ្ញាតិ សម្រាប់ការបើកសាលា​មួយចំនួន​ឡើងវិញដើម្បីប្អូនៗថ្នាក់ទី៩ និងទី១២ បានត្រៀមខ្លួន សម្រាប់ការប្រឡង នាងពេលខាងមុខនេះ។

នៅថ្ងៃទី ០៧ ខែកញ្ញា ឆ្នាំ២០២០ នេះ ជាថ្ងៃដែលសាលារដ្ឋ ត្រូវបានបើកទ្វារ ឲ្យសិស្សានុសិស្ស បានចូលរៀន ឡើងវិញ ក្រោយពីការបិទសាលាមួយរយៈ ដោយសារតែបញ្ហាកូវីដ១៩។

ការបើកសាលារៀនមួយចំនួន នៅព្រឹកនេះ យើងសង្កេតឃើញថា នៅតាមសាលារដ្ខនិមួយៗ មានការពិនិត្យសុខភាព យ៉ាងហ្មត់ចត់ ដោយមានការវាស់កំដៅ និងលាងដៃដោយអាល់កុល នៅមុខក្លោងទ្វារចូលសាលា។

គួរបញ្ជាក់ដែរថា ការប្រឡងឌីប្លូម​នៅ ​ថ្ងៃ​ទី​៣០ ​ខែ​វិច្ឆិកា និង ប្រឡង​បាក់ឌុប​នៅ ថ្ងៃ​ទី​២១​ ខែ​ធ្នូ ឆ្នាំ២០២០៕

ខាងក្រោមនេះ ជារូបភាព ដែលក្រុមការងារ Sabay បានផ្តិតយក នៅសាលារដ្ឋមួយ នៅរាជធានីភ្នំពេញ៖

គួរបញ្ជាក់ថា សាលារៀន​ទាំងអស់ ក្នុងប្រទេសកម្ពុជា នឹង​បើក​ដំណើរការឡើងវិញ តាម​ ៣ដំណាក់​កាល រួមមាន៖

  • ដំណាក់កាលទី ១ គឺបើក​សម្រាប់តែសាលារៀន ដែល​មាន​ស្តង់ដារសុវត្ថិភាព​ខ្ពស់។

  • ដំណាក់កាលទី ២ នឹង​បើក​ដំណើរការ សម្រាប់​សាលារៀន ដែល​មាន​ស្តង់ដារមធ្យម

  • ដំណាក់កាលទី ៣ នឹង​បើក​ចំពោះសាលារៀន ដែល​មាន​ស្តង់ដារអប្បបរមា។ ដូច្នេះជារួម ការបើកដំណើរការ​ឡើងវិញនេះ គឺមិនមែន​គ្រប់សាលារៀនទាំងរដ្ឋ និងឯកជន អាច​បើកទ្វារទទួលសិស្សានុសិស្សរួមគ្នានោះទេ៕

អត្ថបទ ៖​ Art

មតិយោបល់
អត្ថបទពេញនិយម