- 2020-09-08 07:30:28
- ការអប់រំ
"ដេកគិត" ចង់ឲ្យពលរដ្ឋកម្ពុជាពិចារណាឡើងវិញ លើសកម្មភាពប្រចាំថ្ងៃរបស់ខ្លួន
- 2020-09-08 07:30:28
- ចំនួនមតិ 0 | ចំនួនចែករំលែក 0
"ដេកគិត" ចង់ឲ្យពលរដ្ឋកម្ពុជាពិចារណាឡើងវិញ លើសកម្មភាពប្រចាំថ្ងៃរបស់ខ្លួន
ចន្លោះមិនឃើញ
"ដេកគិត" គឺជាផ្លេតហ្វម (Platform) ថ្មីមួយ ដែលត្រូវបានបង្កើតឡើងក្នុងគោលបំណងជម្រុញឲ្យប្រជាជនកម្ពុជាមានការគិតពិចារណាឡើងវិញ ទៅលើសកម្មភាពដែលបុគ្គលម្នាក់ៗបានធ្វើ ថាតើវាជះឥទ្ធិពលទៅលើសុខុមាលភាពរបស់ភពផែនដីបែបណាខ្លះ។
បើតាមការលើកឡើងពីក្រុម ដេកគិត បានឲ្យដឹងថាដើមហេតុនៃការបង្កើត "ដេកគិត" គឺព្រោះតែគេបានសង្កេតឃើញថា ប្រជាជនកម្ពុជាភាគច្រើន មិនទាន់បានយល់ដឹងស៊ីជម្រៅអំពីបញ្ហាបរិស្ថាននៅឡើយទេ ដោយពួកគេមិនបានដឹងថាទម្លាប់នៃការរស់របស់ពួកគេមួយចំនួនបានធ្វើឲ្យប៉ះពាល់ទៅដល់សុខុមាលភាពរបស់ភពផែនដី ដែលជាផ្ទះតែមួយរបស់មនុស្សគ្រប់រូប។
ដើម្បីឆ្លើយតបនឹងគោលបំណងពីខាងលើ “ដេកគិត" នឹងធ្វើការផលិតនូវមាតិកាថ្មីៗ តាមរយៈវីដេអូស៊េរី អត្ថបទខ្លី និងរូបភាពក្រាហ្វិចអប់រំ ដែលនិយាយអំពីបញ្ហាបរិស្ថានដែលយើងទាំងអស់គ្នាកំពុងជួបប្រទះ ហើយត្រូវបានគេមើលរំលង។ មិនតែប៉ុណ្ណោះ “ដេកគិត" ក៏នឹងបង្ហាញអំពីដំណោះស្រាយដែលមានលក្ខណៈសកល និងសមស្របទៅនឹងបរិបទនៃការរស់នៅរបស់ប្រជាជនកម្ពុជា ដើម្បីអោយអ្នកអានមានឱកាសក្នុងការគិត និងឆ្លុះ បញ្ចាំងឡើងវិញអំពីទម្លាប់នៃការរស់នៅរបស់ខ្លួន។
សម្រាប់ព័ត៌មានបន្ថែមអំពី "ដេកគិត" អាចចូលទៅកាន់ទំព័រ Facebook ផ្លូវការរបស់ "ដេកគិត" ដែលមានឈ្មោះថា "ដេកគិត_Dekkit” ឬអាចចុចលើតំណភ្ជាប់នេះ៕