និន្ទេសល្អ ជាកម្លាំងចិត្ត សម្រាប់យើងផ្ទាល់ និងគ្រួសារ ដូច្នេះ ដើម្បី ទទួលបានពិន្ទុល្អ គួរណាអនុវត្តដូចខាងក្រោម ៖

មករៀនទៀងទាត់ ៖ ដើម្បីរៀនពូកែ ចាំបាច់ត្រូវមករៀនទៀងទាត់ ត្រូវចេះស្តាយម៉ោងរៀន ត្រូវហ៊ានលះបង់ ការសប្បាយផ្សេងៗ ត្រូវទម្លាប់ខ្លួនស្រលាញ់ការសិក្សា ជាងអ្វីផ្សេងៗ។

កុំទុកកិច្ចការចោល ៖ ពេលគ្រូដាក់ការងារអោយធ្វើ កុំទម្លាប់ពន្យាពេល ត្រូវធ្វើអោយហើយ បើការងារលំបាកខ្លាំង ត្រូវធ្វើបន្តិចម្តងៗ

ក្លាហាន ៖ ហ៊ានសួរ ហ៊ានឆ្លើយ ធ្វើដូច្នេះ គ្រូឆាប់ស្គាល់មុខ ហើយចាប់អារម្មណ៌មកលើយើង។

កត់ត្រា ៖ កុំពឹងខួរក្បាលតែម្យ៉ាង មិនពូកែទេ ត្រូវមានប៊ិច សៀវភៅ ជាប់ខ្លួន ដើម្បីទុកកត់ត្រា។

សេពគប់អ្នករៀន ៖ ចូលចិត្តអ្នករៀន គេអាចជួយយើង យើងមានឱកាសរៀនពីគេ បានបន្ថែម ហើយសួរគេ បើមិនចេះ កុំខ្លាចអន់។

ផ្ចិតផ្ចង់ការងារ ៖ ធ្វើអោយអស់ពីសមត្ថភាព កុំធ្វើអោយរួចតែពីដៃ ត្រូវដឹងពីការប្រឹងប្រែងរបស់អ្នក តាមរយៈកិច្ចការរបស់អ្នក។

យល់បំណងគ្រូ ៖ តាមសង្កេត ស្វែងយល់ ពីទឹកចិត្តគ្រូ សួររៀមច្បង ពីអធ្យាស្រ័យរបស់គ្រូ វាជួយអ្នកអោយធ្វើការងារបានល្អ។

ផ្ចង់គំនិតវិជ្ជមាន ៖ ត្រូវមានភាពជឿជាក់ មានក្តីសង្ឃឹម លើការប្រឹងប្រែង អ្នកពិតជាអាចទៅរួច ប្រសិនអ្នកប្រឹងប្រែង។ បើគេធ្វើបាន អ្នកក៏អាចធ្វើបាន។

កំណត់គោលដៅ ៖ ត្រូវតាំងចិត្តយកនិន្ទេសA អោយបាន ហើយប្រឹងប្រែងមករៀនអោយទៀងទាត់ និងអានអោយបានច្រើន ៕