- 2023-03-31 16:37:05
- ការអប់រំ
កញ្ញា ប៊ន សេដ្ឋារដ្ឋ៖ ឈ្នះពានរង្វាន់រូបថតកាយរិទ្ធិរៀមច្បង លើកទី១ ឆ្នាំ២០២៣
- 2023-03-31 16:37:05
- ចំនួនមតិ 0 | ចំនួនចែករំលែក 0
កញ្ញា ប៊ន សេដ្ឋារដ្ឋ៖ ឈ្នះពានរង្វាន់រូបថតកាយរិទ្ធិរៀមច្បង លើកទី១ ឆ្នាំ២០២៣
ចន្លោះមិនឃើញ
កញ្ញា ប៊ន សេដ្ឋារដ្ឋ និស្សិតមកពីសកលវិទ្យាល័យជាតិមានជ័យ ព្រឹកមិញនេះឈ្នះពានរង្វាន់លេខ១ នៃកម្មវិធីប្រកួតប្រជែងរូបថតកាយរឹទ្ធិរៀមច្បងថ្នាក់ជាតិលើកទី១ ឆ្នាំ២០២៣ ដែលរៀបចំឡើងនៅវិទ្យាស្ថានជាតិអប់រំក្រោមអធិបតីភាពឯកឧត្ដម ស សុខា រដ្ឋលេខាធិការក្រសួងអប់រំ ។
ប៊ន សេដ្ឋារដ្ឋ បានឲ្យដឹងថា ខ្លួនពិតជាមានចិត្តសប្បាយរីករាយដែលបានឈ្នះពានរង្វាន់លេខ ១ នៃការប្រកួតប្រជែងរូបថតកាយរឹទ្ធិរៀមច្បងថ្នាក់ជាតិលើកទី១ ឆ្នាំ២០២៣ នេះ។ រូបគេប្ដេជ្ញាខំប្រឹងប្រែងស្រាវជ្រាវបន្តទៀតពាក់ព័ន្ធទៅនិងការថតរូបដែលផ្សារភ្ជាប់អត្ថន័យជាមួយប្រធានបទផ្សេងៗនេះដើម្បីមានសមត្ថភាពប្រជែងពានរង្វាន់ថ្នាក់តំបន់នៅអាស៊ីប៉ាស៊ីហ្វិកខាងមុខ។
និស្សិតមកពីខេត្តបន្ទាយមានជ័យខាងលើនេះបន្ថែមទៀតថា កម្មវិធីប្រកួតរូបថតនេះល្អគឺបានជួយដល់យុវជនដែលស្រឡាញ់ការថតរូបមានឱកាសបញ្ចេញសមត្ថភាពទេពកោសល្យរបស់ខ្លួន។ មួយវិញទៀតក៏បានផ្ដល់ឱកាសឲ្យយុវជនបានចូលរួមក្នុងកិច្ចការសង្គមផងដែរ។
បញ្ជាក់ដែរថា កម្មវិធីប្រកួតប្រជែងរូបថតកាយរឹទ្ធិរៀមច្បងថ្នាក់ជាតិលើកទី១ ឆ្នាំ២០២៣ នេះគឺកញ្ញា ប៊ន សេដ្ឋារដ្ឋ បានលើកយកប្រធានបទ «ទឹកស្អាត និងអនាម័យផ្សារភ្ជាប់ និងសន្តិភាព» មកប្រកួតប្រជែង និងបានឈ្នះពានលេខ១។
ចំពោះចំណាត់ថ្នាក់ទាំង៣រួមមាន៖
លេខ១ កញ្ញា ប៊ន សេដ្ឋារដ្ឋ ទទួលបានពាន១ មេដាយមាស១ និងថវិកា១,២០០, ០០០រៀល
លេខ២ លោក នូវ សុថានីត និងកញ្ញា ឌី សុក្ខារី ទទួលបានមេដាយប្រាក់១ និងថវិកា ៨០០,០០០រៀល
លេខ៣ លោក គង់ ធីរសក្កិត ទទួលបានមេដាយសំរឹទ្ធ១ និងថវិកា ៥០០,០០០រៀល
ឯកឧត្ដម ស សុខា ក៏បានឧបត្ថម្ភក្រុមដែលចូលរួមប្រកួតប្រជែងទាំង៥ នូវថវិកាមួយក្រុមៗ ១លានរៀលផងដែរ៕
