- 2024-03-18 12:27:23
- ព័ត៌មាន
ពូទីននឹងក្លាយជាមេដឹកនាំយូរជាងគេនៅរុស្ស៊ី ក្រោយឈ្នះការបោះឆ្នោតប្រធានធិបតី
- 2024-03-18 12:27:23
- ចំនួនមតិ 0 | ចំនួនចែករំលែក 0
ពូទីននឹងក្លាយជាមេដឹកនាំយូរជាងគេនៅរុស្ស៊ី ក្រោយឈ្នះការបោះឆ្នោតប្រធានធិបតី
ចន្លោះមិនឃើញ
លោក វ្ល៉ាឌីមៀរ ពូទីន បានឈ្នះការបោះឆ្នោតប្រធានាធិបតីនៅរុស្ស៊ី ដែលធ្វើឡើងចាប់ពីថ្ងៃទី១៥ ដល់ទី១៧ ខែមីនានេះ។
បើយោងតាមការបូកសរុបរបស់មូលនិធិសាធារណៈមតិរបស់រុស្ស៊ី លោកពូទីន ដែលជាបេក្ខជនឯករាជ្យគ្មានគណបក្ស ទទួលបានសន្លឹកឆ្នោត ៨៧% នៃចំនួនអ្នកទៅបោះឆ្នោតសរុប។ បេក្ខជនដែលប្រកួតប្រជែងជាមួយលោករួមមាន បេក្ខជនមកពីគណបក្សកុម្មុយនិស្ត បេក្ខជនមកពីគណបក្សប្រជាជនថ្មី និងមកពីគណបក្សសេរីប្រជាធិបតេយ្យ។ បេក្ខជនទាំង ៣រូបនេះ មិនមានប្រជាប្រិយភាព ឬ មានឈ្មោះបោះសំឡេងនោះទេ។
សូមជម្រាបផងដែរថា លោកពូទីន ឡើងកាន់រុស្ស៊ីជាប្រធានស្ដីទីនៅឆ្នាំ១៩៩៩ ហើយឈ្នះឆ្នោតដំបូងនៅឆ្នាំ២០០០។ តាំងពីរុស្ស៊ីមានប្រជាធិបតេយ្យនៅឆ្នាំ១៩៩១ រុស្ស៊ីមានការបោះឆ្នោត ៨លើក ដោយក្នុងនោះលោកពូទីនធ្វើជាប្រធានាធិបតី ៥លើក។
ដំបូងឡើយ រុស្ស៊ីកំណត់អាណត្តិប្រធានាធិបតីត្រឹម ២អាណត្តិជាប់គ្នា។ ហេតុដូច្នេះហើយ កាលពីឆ្នាំ២០០៨ លោកពូទីនបានចុះមកធ្វើជានាយករដ្ឋមន្ត្រី ហើយឆ្នាំ២០១២ លោកបានឈរមកធ្វើជាប្រធានាធិបតីវិញ។
លុះក្រោយមក នៅឆ្នាំ២០២០ រុស្ស៊ីបានកែរដ្ឋធម្មនុញ្ញ ដោយបន្ថែមអាណត្តិប្រធានាធិបតីពី៤ឆ្នាំ ទៅ៦ឆ្នាំ។ នេះបានសេចក្ដីថា ពូទីននឹងឡើងធ្វើប្រធានាធិបតីរហូតដល់ឆ្នាំ២០៣០ ហើយអាចទៅដល់ ២០៣៦ ប្រសិនបើកាលៈទេសៈនយោបាយ និងស្ថានភាពរបស់លោកពូទីនតម្រូវ។
នេះបានសេចក្ដីថា លោកពូទីននឹងក្លាយជាមេដឹកនាំរុស្ស៊ីយូរជាងគេនៅរុស្ស៊ីក្នុងឆ្នាំ២០៣០ ដោយលោកនឹងកាន់រុស្ស៊ីបាន ៣១ឆ្នាំ។ កំណត់ត្រាចាស់គឺកាន់ដោយ លោក ចូសេហ្វ ស្តាលីន ដោយលោកកាន់សូវៀតពីឆ្នាំ១៩២២ ដល់លោកស្លាប់នៅឆ្នាំ១៩៥២៕
