អាហារូបករណ៍ទៅកូរ៉េ សម្រាប់សិស្សទើបចប់បាក់ឌុប

2016-09-23 15:34:21
ការអប់រំ

2016-09-23 15:34:21
ចំនួនមតិ 0 | ចំនួនចែករំលែក 0

ចន្លោះមិនឃើញ

សាធារណៈរដ្ឋកូរ៉េ បានសម្រេចផ្តល់អាហារូបករណ៍ថ្នាក់បរិញ្ញាប័ត្រក្នុងឆ្នាំសិក្សា ២០១៦-២០១៧ ដល់សិស្សនិស្សិតកម្ពុជា ជាពិសេសសិស្សដែលទើបបញ្ចប់ការប្រលងសញ្ញាប័ត្រទុតិយភូមិកាលពីពេលថ្មីៗនេះ។

របៀបនៃការដាក់ពាក្យ

បេក្ខជនត្រូវអានសេចក្តីណែនាំពីអាហារូបករណ៍ឱ្យបានល្អិតល្អន់ជាមុនសិន និងត្រូវបំពេញពាក្យតាមអនឡាញ នៅទីនេះ ។

កាលបរិចេ្ឆទដាក់ពាក្យ និងឈប់ទទួលពាក្យ

ទទួលពាក្យចាប់ពីថ្ងៃទី ២៦ ខែកញ្ញារហូតដល់ថ្ងៃទី៧ ខែតុលា ឆ្នាំ២០១៦ទើបផុតកំណត់។

ដំណើរការនៃការជ្រើសរើស

-ជុំទី ១៖ បន្ទាប់ពីបំពេញគ្រប់តម្រូវការក្នុងពាក្យសុំអាហារូបករណ៍ បេក្ខជនដែលត្រូវបានគណៈកម្មការជ្រើសរើសនៅជុំទីមួយ(ជាប់ជុំទីមួយ) ត្រូវមកសម្ភាសន៍នៅស្ថានទូតសាធារណៈរដ្ឋកូរ៉េប្រចាំកម្ពុជានៅថ្ងៃទី ២០ ខែតុលា ដោយឡែកលទ្ធផលនឹងប្រកាសនៅថ្ងៃទី ២៦ ខែតុលា។

-ជុំទី ២៖ [NIIED Selection ]ការសម្ភាសន៍ផ្ទាល់មាត់ ជាមួយគណៈកម្មការអាហារូបករណ៍ NIIED នឹងធ្វើឡើងនៅកំឡុងខែវិច្ឆិការ ហើយលទ្ធផលនឹងប្រកាសនៅថ្ងៃទី ១៨ ខែវិចិ្ឆការ។

-ជុំទី ៣៖ [University Selection] បេក្ខជនដែលមានឧកាសអាចឆ្លងផុតជុំទីពីរ នឹងត្រូវបានសម្ភាសន៍ជុំចុងក្រោយជាមួយគណៈកម្មការរបស់សាកលវិទ្យាល័យនៅសាធារណៈកូរ៉េ នៅថ្ងៃទី ២៨-២៩ ខែវិច្ឆិការហើយលទ្ធផលនឹងប្រកាសនៅថ្ងៃទី ៦ ខែមករាឆ្នាំ ២០១៧។

បញ្ជាក់៖ រាល់ការប្រកាសលទ្ធផល នឹងបិទផ្សាយនៅស្ថានទូតកូរ៉េប្រចាំកម្ពុជានិង នៅលើគេហទំព័ររបស់ស្ថានទូតសាធារណៈរដ្ឋកូរ៉េ Korean Embassy ។

អត្ថបទ៖ រក្សា

ប្រភព៖ mofa.go.kr