សិស្សនិទ្ទេស Aពីរនាក់ មកពីវិទ្យាល័យជាស៊ីមតាកែវ ទើបទទួលរង្វាន់ម៉ូតូ ម្នាក់១គ្រឿង

2017-01-07 07:22:57
ការអប់រំ

2017-01-07 07:22:57
ចំនួនមតិ 0 | ចំនួនចែករំលែក 0

ចន្លោះមិនឃើញ

សិស្សពូកែនិទ្ទេស A ប្រចាំឆ្នាំ ២០១៥-២០១៦ ពីរនាក់មកពីវិទ្យាល័យជាស៊ីមតាកែវបានទទួលរង្វាន់ម៉ូតូម៉ាក Honda Waveម្នាក់១គ្រឿង តាមការសន្យាពីថ្នាក់ដឹកនាំខេត្ត។ ពិធីនេះប្រារព្ធធ្វើឡើងកាលពីថ្ងៃទី ០៥ ខែមករា ២០១៧ កន្លងទៅនេះ នៅមជ្ឈមណ្ឌលគរុកោសល្យភូមិភាគតាកែវដោយមានការចូលរួមពីសិស្សានុសិស្ស មាតា-បិតា ព្រមទាំងលោកគ្រូ-អ្នកគ្រូ ជាច្រើនមកពីវិទ្យាល័យជាស៊ីមតាកែវ។

មុត វុត្ថា បេក្ខជននិទ្ទេសAតែម្នាក់គត់ដែលមានលំដាប់ពិន្ទុ៩៩.៩៥៤ ជាពិន្ទុខ្ពស់ជាងគេក្នុងចំណោមនិទ្ទេសAទាំង១១ នាក់ ប្រចាំខេត្តតាកែវបានប្រាប់ Sabayថា៖ “ខ្ញុំមានអារម្មណ៏រំភើបណាស់ដោយបានឃើញលោកគ្រូ-អ្នកគ្រូ ព្រមទាំងសិស្សានុសិស្សមកចូលរួមអបអរលើកទឹកចិត្តដល់ខ្ញុំបាទយ៉ាងច្រើនបែបនេះ។ ហើយខ្ញុំនឹងបន្តខិតខំប្រឹងប្រែងមិនអោយពួកគាត់អស់សង្ឃឹមឡើយ ម្យ៉ាងទៀតវាជាអនាគតរបស់ខ្ញុំផង។”

ចំណែកបក្ខជននិទ្ទេសAម្នាក់ទៀត លឹម ញ៉នលីហាក់ ដែលមានលំដាប់ពិន្ទុ ៩៩.៦០៧ ប្រាប់ថា លោកពិតជាមានមោទនភាពណាស់ចំពោះការខិតខំប្រឹងប្រែងនេះ។ “ទីបំផុតខ្ញុំបានសម្រេចបំណងឪពុក-ម្តាយ ដែលតែងស្រម័យឃើញខ្ញុំទទួលបានលទ្ធផលល្អបែបនេះ។ហើយខ្លួនខ្ញុំផ្ទាល់ក៏ចង់ក្លាយជាវេជ្ជបណ្ឌិតមួយរូបឥឡូវបានបន្តប្រលងចូលរៀនមហាវិទ្យាល័យវិទ្យាសាស្ត្រសុខាភិបាលឆ្នាំទី ១ រយៈពេល ២ខែហើយ”។ លីហាក់បញ្ជាក់។

សូមបញ្ជាក់ថា នេះជាការប្រគល់រង្វាន់លើកទឹកចិត្តចុងក្រោយបំផុតដល់បក្ខជននិទ្ទេស Aទាំងពីរនាក់ក្នុងក្រុងដូនកែវ ក្នុងចំណោមបេក្ខជននិទ្ទេសA ទាំង១១នាក់ប្រចាំខេត្តតាកែវ។