តុក្កតាគុជសីហ៍មានអត្ថន័យសំខាន់នឹកស្មានមិនដល់ អ្នកទិញទាំងអស់គួរដឹង

2017-04-14 08:28:57
ការអប់រំ

2017-04-14 08:28:57
ចំនួនមតិ 0 | ចំនួនចែករំលែក 0

ចន្លោះមិនឃើញ

តុក្កតាមាន់ ឬគុជសីហ៍ តំណាងឱ្យឆ្នាំថ្មី ឆ្នាំរកា និងតំណាងក្នុងព្រឹត្តិការណ៍អង្គរសង្ក្រាន្តឆ្នាំ២០១៧ ឃើញថាមានចំនួនអ្នកសម្រុកទៅទិញយ៉ាងច្រើនកុះករ ទោះបីជាតម្លៃមួយស្មើនឹង ៦០,០០០រៀលក៏ដោយ។ ក្រៅពីជារូបតំណាងក្នុងឆ្នាំថ្មី និងក្នុងព្រឹត្តិការណ៍នេះ ប៉ុន្តែគុជសីហ៍ មានអត្ថន័យផ្សេងមួយទៀត គឺតំណាងឱ្យសម្ដេចវិបុលបញ្ញា សុខ អាន ដែលបានឃ្លាតឆ្ងាយពីប្រជាជនខ្មែរ ហើយលោកជាវីរជនមួយរូបរបស់ជាតិខ្មែរផងដែរ។ នេះតាមការឱ្យដឹងពី ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា។

ឯកឧត្ដម ហ៊ុន ម៉ានី ក៏បានបញ្ជាក់ថា ការជ្រើសរើសយក សត្វមាន់តំណាងឱ្យឆ្នាំរកា ឬគុជសីហ៍ នៅក្នុងព្រឹត្តិការណ៍អង្គរសង្ក្រាន្ត ដោយហេតុថា សម្ដេចវិបុលបញ្ញា សុខ អាន ស្រឡាញ់គុជសីហ៍នេះខ្លាំងណាស់។ ដូច្នេះហើយបានជ្រើសរើសធ្វើរូប គុជសីហ៍ ក្នុងព្រឹត្តិការណ៍ដ៏អស្ចារ្យនេះ ដើម្បីរំលឹកទៅដល់ សម្ដេចវិបុលបញ្ញា សុខ អាន និងជាការដឹងគុណក្នុងការបំពេញកាតព្វកិច្ច បម្រើដល់ផលប្រយោជន៍ជាតិ ដែលមានសមិទ្ធផលជាច្រើនរាប់មិនអស់៕