- 2018-07-17 09:52:26
- សេដ្ឋកិច្ច
ក្រៅពីម្ហូបសុខភាពឆ្ងាញ់ៗ ហាងអាហារល្បីនេះ កំពុងដាក់ទិសដៅយកលេខ១ ប្រចាំប្រទេស
- 2018-07-17 09:52:26
- ចំនួនមតិ 0 | ចំនួនចែករំលែក 0
ក្រៅពីម្ហូបសុខភាពឆ្ងាញ់ៗ ហាងអាហារល្បីនេះ កំពុងដាក់ទិសដៅយកលេខ១ ប្រចាំប្រទេស
ចន្លោះមិនឃើញ
ក្រោយសម្រេចបានជោគជ័យលើសាខាផ្ទាល់ខ្លួន និងចែកចាយសិទ្ធិអាជីវកម្ម ភោជនីយដ្ឋាន Park Cafe បានសម្រេចបើកសាខាថ្មីមួយទៀត ដើម្បីបំពេញតម្រូវការអតិថិជន ដែលចង់បានអាហារមានគុណភាពខ្ពស់ ផ្ដល់នូវសុខភាពល្អ និងរសជាតិជាតិឈ្ងុយឆ្ងាញ់។
ហាងថ្មីនេះ ជាសាខាទី១៤ ដែលមានទីតាំងនៅលើផ្លូវ សុធារស ទល់មុខអគារភ្នំពេញសេនធ័រ ឬសាកលវិទ្យាល័យបៀលប្រាយ និងមានបម្រើសេវាកម្មម្ហូប ភេសជ្ជៈគ្រប់មុខមិនខុសពីសាខាមុនៗឡើយ។
លោក ហេង សេងលី អគ្គនាយកគ្រប់គ្រងក្រុមហ៊ុន បានឲ្យដឹងថា មូលហេតុដែលនាំឲ្យមានទីតាំងថ្មីនៅទីនេះ ព្រោះក្រុមហ៊ុនយល់ឃើញថានេះជាតំបន់ដែលអំណោយផលសម្រាប់អាជីវកម្មខ្លួន ត្បិតមានការិយាល័យ និងសាលានៅជុំវិញនេះជាច្រើន។
ដោយផ្ដោតលើការមិនប្រើប្រាស់ប៊ីចេង Park Cafe បង្កើតឡើងដំបូងនៅឆ្នាំ ២០០៤ និងទទួលបានភាពល្បីល្បាញខ្លាំងរហូតលក់បានសិទ្ធអាជីវកម្មជាច្រើនកន្លែងទៀត។ គិតមកដល់ពេលនេះ មានម្ចាស់អាជីវកម្មចំនួន៨ហើយ ដែលទទួលបានសិទ្ធពាណិជ្ជកម្មខាងលើ យកលក់បន្តខណៈសាខាខ្លះបានបើកដំណើរការផ្លូវការ ខ្លះកំពង់សាងសង់ និងខ្លះទៀតកំពុងរៀបចំគូរប្លង់។ នេះបើតាមការបញ្ជាក់របស់ អគ្គនាយកគ្រប់គ្រង ដដែលលើកឡើង។
លោកបានបញ្ជាក់ថា Park Cafe នៅតែមានវិធានការចែកចាយសិទ្ធិពាណិជ្ជកម្មបន្តទៀត ជាមួយចក្ខុវិស័យពង្រីកខ្លួនឲ្យក្លាយជាភោជនីយដ្ឋានលំដាប់លេខ១ តាមរយៈការអភិវឌ្ឍន៍គុណភាពម្ហូបអាហារ សេវាកម្ម អនាម័យ ព្រមទាំងបន្ថែមសាខាឲ្យបាន ៦០ ក្នុងរាជធានីភ្នំពេញ និងបណ្ដាខេត្តធំៗមួយចំនួន នៅឆ្នាំ២០២២ និងរំពឹងថាខ្លួនអាចបង្កើតការងារបន្ថែមជូនប្រជាជនកម្ពុជាប្រមាណ ១៣៥០ នាក់ទៀត លើអ្នកដែលបម្រើការងារបច្ចុប្បន្នប្រមាណ ៤៥០ នាក់៕
