- 2018-08-29 02:41:42
- សេដ្ឋកិច្ច
ក្រុមហ៊ុនអាកាសចរណ៍ល្បី ជំរុញឲ្យចាប់ជំនាញអាកាសយានិក ព្រោះហេតុផលមួយ
- 2018-08-29 02:41:42
- ចំនួនមតិ 0 | ចំនួនចែករំលែក 0
ក្រុមហ៊ុនអាកាសចរណ៍ល្បី ជំរុញឲ្យចាប់ជំនាញអាកាសយានិក ព្រោះហេតុផលមួយ
ចន្លោះមិនឃើញ
ក្រុមហ៊ុនអាកាសចរល្បីឈ្មោះ Boeing បានព្យាករណ៍ថាត្រឹមរយៈពេលពីរទសវត្សទៀតប៉ុណ្ណោះ ចំនួនអ្នកបើកបរយន្តហោះ, អ្នកបច្ចេកទេស និងអ្នកបម្រើលើយន្តហោះជាច្រើននាក់ នឹងមានតម្រូវការកើនឡើងជាចាំបាច់។
យោងតាមការព្យាករណ៍របស់ក្រុមហ៊ុន Boeing ឲ្យដឹងថា ការកើនឡើងសេដ្ឋកិច្ចក្នុងតំបន់អាស៊ី នឹងជំរុញឲ្យមានការកើនឡើងជីវភាពរបស់ប្រជាជនហើយតម្រូវការការធ្វើដំណើរក៏កើនឡើងតាមនោះដែរ។ ដូច្នេះនៅត្រឹមឆ្នាំ ២០៣៧ គេនឹងត្រូវការអ្នកបើកយន្តហោះជាង ២៤០ ០០០ នាក់ និងអ្នកបម្រើលើយន្តហោះ ៣១៧ ០០០ នាក់បន្ថែមទៀត។ ជាមួយគ្នាដែរ ប្រទេសចិននឹងត្រូវការពាក់កណ្ដាលនៃចំនួនបន្ថែមនេះដើម្បីបម្រើដល់ដំណើរការនៃជើងហោះហើរជុំវិញអាស៊ីអាគ្នេយ៍។
លើសពីនេះទៀត ដោយសារក្រុមហ៊ុនមួយចំនួន កំពុងជួបវិបត្តិខ្វះខាតអ្នកបើកបរយន្តហោះ ស្របពេលដែលបុគ្គលិកចាស់ៗនឹងចូលនិវត្តក្នុងរយៈពេលត្រឹមជាង ១ទសវត្សទៀតប៉ុណ្ណោះ។ ហេតុដូច្នេះហើយ នេះគឺជាឱកាសល្អសម្រាប់យុវវ័យទាំងឡាយដែលមានបំណង និងការស្រឡាញ់ផ្នែកអាកាសយានិកនេះ គួរចាប់យកវាឲ្យបាននិងត្រៀមខ្លួនរួចជាស្រេចដើម្បីបំពេញតម្រូវការដែលនឹងកើនឡើងក្នុងរយៈពេលដ៏ខ្លីខាងមុខនេះ៕
