- 2019-05-29 04:37:00
- ការអប់រំ
ស្វែងយល់ ៥ចំណុច ដើម្បីកសាងឥទ្ធិពលរបស់ខ្លួន នៅកន្លែងការងារ
- 2019-05-29 04:37:00
- ចំនួនមតិ 0 | ចំនួនចែករំលែក 0
ស្វែងយល់ ៥ចំណុច ដើម្បីកសាងឥទ្ធិពលរបស់ខ្លួន នៅកន្លែងការងារ
ចន្លោះមិនឃើញ
មានមធ្យោបាយជាច្រើនដើម្បីពង្រឹង និងពង្រីកឥទ្ធិពលរបស់ខ្លួននៅកន្លែងការងារ ក៏ដូចជាធ្វើឲ្យការងាររបស់យើងមានភាពរីកចម្រើន។ ប៉ុន្ដែនៅថ្ងៃនេះ Sabay ចែករំលែក ៥វិធីដើម្បីធ្វើឲ្យខ្លួនឯងមានឥទ្ធិពលនៅកន្លែងធ្វើការ ។ តើវិធីសាស្ត្រទាំង ៥នោះមានអ្វីខ្លះ សូមអានខាងក្រោមនេះ៖
១. គំនិតដ៏អស្ចារ្យ
ត្រូវបង្ហាញគំនិតដ៏អស្ចារ្យរបស់អ្នក ដោយមានគោលគំនិតរបស់ខ្លួនប្រកបដោយភាពជឿជាក់។ ដូច្នេះការធ្វើការងារត្រូវធ្វើអ្វីដែលយើងមានជំនាញ និងអាចធ្វើបានល្អបំផុតដែលអាចធ្វើបាន ហើយក៏ត្រូវមានភាពច្នៃប្រឌិត និងការមិនបោះបង់ ដោយត្រូវមានរបៀបធ្វើការផ្ទាល់ខ្លួន ប្រកបដោយការពេញចិត្ត និងជឿជាក់ ផងដែរ។ មួយទៀតដើម្បីបានគំនិតដ៏អស្ចារ្យនោះ ត្រូវឧស្សាហ៍អានសៀវភៅ និងស្ដាប់ឲ្យបានច្រើនផងដែរ។
២. ការរៀបចំខ្លួន ធ្វើឲ្យគ្រប់គ្នាទទួលស្គាល់យើង
ដើម្បីទទួលបានឥទ្ធិពលនៅកន្លែងធ្វើការ យើងត្រូវធ្វើឲ្យមនុស្សជុំវិញខ្លួនរបស់យើងមានអារម្មណ៍និងមើលឃើញយើងអស្ចារ្យ និងរឹងមាំគ្រប់គ្រាន់។ ហើយយើងក៏ត្រូវចេះជួយមនុស្សនៅជុំវិញខ្លួនដែលទន់ខ្សោយជាងយើង និងមិនត្រូវប្រកាន់គំនិតច្រណែន និងមិនត្រូវបង្ហាញអ្នកដទៃថាយើងភ័យខ្លាចនៅពេលមានបញ្ហា។
៣. ក្លាហាន និងមិនចុះចាញ់
ក្រោយជួបបញ្ហាតូចធំ យើងមិនត្រូវឆ្លេឆ្លានោះទេ ផ្ទុយទៅវិញត្រូវធ្វើឲ្យធម្មតា ហើយព្យាយាមរកមូលហេតុនៃបញ្ហា តម្រៀបបញ្ហា វិភាគបញ្ហា និងធ្វើការដោះស្រាយ។ បើពុំដូច្នេះទេ នៅពេលមានបញ្ហាបែរយើងឆ្លេឆ្លា គឺបង្ហាញពីភាពភ័យខ្លាច និងកម្សោយរបស់យើង ដែលធ្វើឲ្យមនុស្សជុំវិញខ្លួនរបស់យើងបាត់បង់ នូវការជឿជាក់ ឬយើងមិនអាចក្លាយជាបង្គោលសម្រាប់ពួកគេ នោះឡើយ។
៤. ការស្វែងរកការគាំទ្រ
ត្រូវបង្កើតទំនាក់ទំនងល្អបំផុតជាមួយមនុស្សជុំវិញខ្លួនជាពិសេសមនុស្ស ដែលលំបាកបំផុត និងបុគ្គលិកមួយចំនួន ដែលមិនចូលចិត្តយើងឲ្យក្លាយទៅជាការគាំទ្រវិញ។ មួយទៀតត្រូវបង្កើតទំនាក់ទំនងល្អរវាងថ្នាក់លើ និងថ្នាក់ក្រោម ដើម្បីគាំទ្ររាល់គំនិត និងគម្រោងរបស់យើងផងដែរ។
៥. ការប្រកួតប្រជែងនៅក្នុងឱកាសការងារ
មនុស្សដែលមានសមត្ថភាព និងមានភាពច្បាស់លាស់រមែងមិនខ្លាច មិនចុះចាញ់ គ្រប់ស្ថានភាពហើយពួកគេរមែងធ្វើការផ្លាស់ប្ដូរនៅអ្វីដែលថ្មីនៅចំពោះមុខ រួមទាំងការអភិវឌ្ឍខ្លួន ដើម្បីឡើងតំណែង ផងដែរ។ ដូច្នេះនៅក្នុងការផ្លាស់ប្ដូរអ្វីមួយរមែងមានសម្ពាធពីបរិស្ថានជុំវិញខ្លួន និងមនុស្សពូកែៗជាច្រើនទៀត ប៉ុន្តែរាល់ការប្រកួតប្រជែងដោយច្បាមយកឱកាសណាមួយ មិនត្រូវជាន់ពន្លិចអ្នកដទៃ ឬធ្វើឲ្យគេរងការឈឺចាប់ នោះឡើយ ព្រោះនឹងធ្វើឲ្យយើងកាន់តំណែងមិនបានយូរ ផ្ទុយទៅវិញត្រូវបង្ហាញសមត្ថភាពខាងក្នុងខ្លួនរបស់យើងឲ្យខ្លាំង និងការជ្រោមជ្រែងមនុស្សជុំវិញខ្លួនប្រកបដោយភាពវិជ្ជមាន៕
