- 2019-08-22 00:46:00
- ចរាចរណ៍
មុនបន្តដំណើរទៅអឺរ៉ុប ចូលទស្សនាទីក្រុងដូហាជាមួយ Free Transit Visa
- 2019-08-22 00:46:00
- ចំនួនមតិ 0 | ចំនួនចែករំលែក 0
មុនបន្តដំណើរទៅអឺរ៉ុប ចូលទស្សនាទីក្រុងដូហាជាមួយ Free Transit Visa
ចន្លោះមិនឃើញ
ជាធម្មតា ក្នុងការហោះហើរទៅកាន់គោលដៅអឺរ៉ុប ឬអាមេរិក អ្នកដំណើរទាំងអស់តែងតែត្រូវឈប់ប្ដូរជើងហោះហើរ (Stopover) ក្នុងទីក្រុងណាមួយជាក់ជាមិនខាន ។ ឱកាសល្អ សម្រាប់អ្នកធ្វើដំណើរ តាមជើងហោះហើរអាកាសចរណ៍កាតា អ៊ែវ៉េ (Qatar Airways) នឹងទទួលបានការផ្ដល់ទិដ្ឋាការ Transit Visa ដោយឥតគិតថ្លៃ សម្រាប់អ្នកចង់ចូលកម្សាន្តក្នុងទីក្រុងដូហា។
ទីក្រុងដូហា (Doha) នៃប្រទេសកាតា កំពុងក្លាយជាទីពេញនិយមរបស់ភ្ញៀវទេសចរមកពីគ្រប់បណ្តាប្រទេសនានា។ ទីក្រុងដ៏ទំនើប និងស៊ីវិល័យមួយនេះ ប្រមូលផ្ដុំទៅដោយវប្បធម៌ ប្រពៃណី និងទំនៀមទម្លាប់ជាច្រើននៃតំបន់មជ្ឈិមបូព៌ា ហើយអ្វីទាំងនេះ អាចជាបទពិសោធន៍ដ៏ថ្មីស្រឡាងមួយ ដែលទាក់ទាញភ្ញៀវទេសចរមកទស្សនា ប្រទេសដ៍តូចមួយនេះ។
អ្នកដំណើរអាចដាក់ពាក្យស្នើរសុំទិដ្ឋាការ Transit Visa ដោយឥតគិតថ្លៃរហូតដល់៩៦ម៉ោង (៤ថ្ងៃ) នោះលោកអ្នកអាចដើរទស្សនាកម្សាន្តក្នុងទីក្រុងដ៏ទាន់សម័យមួយនេះ ដើម្បីទទួលយកបទពិសោធន៍ថ្មីៗ មុននឹងបន្តជើងហោះហើរទៅកាន់គោលដៅផ្សេងៗទៀត។
តំបន់ទេសចរណ៍សំខាន់ៗក្នុងទីក្រុងមួយនេះ មានច្រើនដូចជា សារមន្ទីរសិល្បៈឥស្លាម សារមន្ទីរជាតិ ផ្សារ Waqif កោះសិប្បនិម្មិតThe Pearl Qatar ភូមិវប្បធម៌ វាលខ្សាច់សាហ្វារី កោះBanana ផ្សារទំនើប Qatar Villagio ផ្សារទំនើប Doha Festival City ផ្សារទំនើប Gulf។
ដើម្បីស្វែងរកពត៌មានក្នុងការរៀបចំ និងដាក់ពាក្យសុំទិដ្ឋាការ ឬតាមដានអំពីពាក្យសុំរបស់លោកអ្នក សូមចូលទៅកាន់គេហទំព័រ÷ https://transitvisa.qatarairways.com
លក្ខខណ្ឌសម្រាប់ការស្នើរសុំទិដ្ឋាការ៖
1. លិខិតឆ្លងដែនថតចម្លង ដែលមានសុពលភាពយ៉ាងតិច ០៦ខែ
2. កក់សំបុត្រយន្តហោះ ជាមួយក្រុមហ៊ុនអាកាសចរណ៍ កាតាអ៊ែវ៉េ (Qatar Airways)
3. ការឈប់ប្ដូរជើងហោះហើរ យ៉ាងតិចចាប់ពី៥ម៉ោងឡើងទៅ យ៉ាងណាមិញ សម្រាប់អ្នកដែលមានបំណងចង់ទៅលេងប្រទេសកាតាផ្ទាល់ ទិដ្ឋាការទេសចរណ៍ (Tourist Visa) មានតម្លៃត្រឹមតែ 42ដុល្លារប៉ុណ្ណោះ។
សម្រាប់ពត៌មានបន្ថែម សូមចូលទៅកាន់គេហទំព័រខាងក្រោម÷ https://qatar.vfsevisa.com
សម្រាប់ការកក់សំបុត្រ ជាមួយអាកាសចរណ៍កាតា អ៊ែរវ៉េ សូមចូលទៅកាន់គេហទំព័រ÷ www.qatarairways.com/kh ឬទាក់ទងមកកាន់ការិយាល័យកាតាអ៊ែវ៉េ ដែលនៅជិតលោកអ្នកបំផុត ឬក៍ភ្នាក់ងារទេសចរណ៍ ។