កាន់តែស្រួល! ពេទ្យមកពីសិង្ហបុរី នឹងបើកដំណើរការនៅកម្ពុជាឆាប់នេះ

2019-09-06 02:57:24
សេដ្ឋកិច្ច

2019-09-06 02:57:24
ចំនួនមតិ 0 | ចំនួនចែករំលែក 0

ចន្លោះមិនឃើញ

Singapore Medical Center (SGMC) បានរៀបចំសន្និសីទកាសែតកាលពីម្សិលមិញនេះ នៅអគារ The Bridge ដែលជាទីតាំងផ្ទាល់របស់ SGMC ដោយបានប្រកាសថាពួកគេនឹងបើកទ្វារទទួលអ្នកជម្ងឺសម្រាប់សេវាសុខភាពទូទៅនៅថ្ងៃទី ២៣ ខែកញ្ញា ឆ្នាំ ២០១៩ ហើយសេវាកម្មមានដូចជា ការវះកាត់ ដែលនឹងចាប់ផ្ដើមនៅថ្ងៃទី ១៨ ខែវិច្ឆិកា ឆ្នាំ ២០១៩។

ការសាងសង់មជ្ឈមណ្ឌលនេះគឺអស់ជិត ៨ លានដុល្លារ បើតាមលោកវេជ្ជបណ្ឌិត Anthony Tan នាយកប្រត្តិបត្តិ DrMap បានលើកឡើង ដោយលោកបានបន្តទៀតថា SGMC នឹងអនុញ្ញាតឲ្យប្រជាជនកម្ពុជា និងជនបរទេសរស់នៅក្នុងប្រទេសកម្ពុជាទទួលយកសេវាកម្មសុខាភិបាលដែលមានស្ដង់ដារអន្តរជាតិ។

លោកវេជ្ជបណ្ឌិត Anthony Tan

SGMC នឹងផ្ដល់នូវសេវាកម្មវេជ្ជសាស្រ្ត និងថែទាំសុខភាពគ្រប់ផ្នែក ដែលមានចាប់ពីសេវាកម្មវេជ្ជសាស្រ្តទូទៅ ពិនិត្យសុខភាព និងការថតឆ្លុះធ្វើរោគវិនិច្ឆ័យ សេវាកម្មសុខភាពស្រ្តី ផ្នែកកែសម្ផស្ស ការវះកាត់ទូទៅ ការព្យាបាលដោយកាំរស្មីឡាស៊ែរ ការព្យាបាលដោយអ៊ីយ៉ុងអវិជ្ជមាន និងកាំរស្មីអ៊ីនហ្រ្វា (NIFI) ការព្យាបាលដោយប្រើកំអែខ្សាច់ភ្នំភ្លើង (Volcanic Sand Bath Therapy) ការព្យាបាលដោយផ្ដល់ជាតិទឹកសេរ៉ូម IV និងសេវាកម្មអាហារូបត្ថម្ភជាដើម។

លោក Anthony បានគូសបញ្ជាក់បន្ថែមទៀតថា៖ «យើងជាមជ្ឈមណ្ឌលវេជ្ជសាស្រ្តដែលមានចំណេះដឹង និងបទពិសោធន៍ពាក់ព័ន្ធនឹងស្តង់ដារសុវត្ថិភាព និងសុខុមាលភាពតាមរយៈ DrMap ដែលជាប្រភពដំបូងគេនៃការរៀបចំនីតិវិធី។ គណៈកម្មាធិការវេជ្ជសាស្រ្តរបស់យើងធ្វើការត្រួតពិនិត្យ និងអនុម័តជាចុងក្រោយដើម្បីធានាថាស្ដង់ដារជាតិ និងអន្តរជាតិត្រូវបានគោរពយ៉ាងត្រឹមត្រូវបំផុត។»

លោកវេជ្ជបណ្ឌិត Roy Koh Kiok Miang ដែលជាគ្រូពេទ្យឯកទេសផ្នែកវះកាត់ប្រព័ន្ធប្រសាទ និងជាសមាជិកនៃគណៈកម្មាធិការវេជ្ជសាស្រ្តរបស់ SGMC បានថ្លែងថា ៖«ក្នុងនាមជាមន្ទីរពេទ្យមួយ យើងសូមធានាថា រាល់វិធីសាស្រ្តទាំងអស់សុទ្ធតែប្រកបទៅដោយក្រមសីលធម៌ខ្ពស់ អនុវត្តតាមនីតិវិធីវេជ្ជសាស្រ្ត និងអ្នកជំងឺ ព្រមទាំងស្តង់ដារសុវត្ថិភាពផងដែរ។ លើសពីនេះទៅទៀត មុនពេលនីតិវិធីថ្មីណាមួយត្រូវបានអនុញ្ញាតឱ្យប្រើប្រាស់ SGMC ធ្វើការត្រួតពិនិត្យយ៉ាងលម្អិតបំផុតដើម្បីធានាថា គោរពស្តង់ដារទាំងអស់»៕

អត្ថបទ៖ សុខ វេងឈាង