- 2019-09-17 02:22:08
- សេដ្ឋកិច្ច
មូលហេតុមួយនាំឲ្យអាម៉េរិកជាប្រទេសមានប្រេងបម្រុងទុកប្រើធំជាងគេលើលោក
- 2019-09-17 02:22:08
- ចំនួនមតិ 0 | ចំនួនចែករំលែក 0
មូលហេតុមួយនាំឲ្យអាម៉េរិកជាប្រទេសមានប្រេងបម្រុងទុកប្រើធំជាងគេលើលោក
ចន្លោះមិនឃើញ
សហរដ្ឋអាម៉េរិកសព្វថ្ងៃនេះមានបម្រុងប្រេងទុកប្រើ៦៤០លានប៉ារ៉ែល ដែលអាចឲ្យសហរដ្ឋអាម៉េរិកប្រើក្នុងប្រទេសបានរយៈពេល៣១ថ្ងៃបើទោះបីជាគ្មានការនាំចូលប្រេងពីប្រទេសដទៃ។
ចំនួនប្រេងដែលអាម៉េរិកស្ដុកទុកនេះត្រូវគេជឿងថាមានចំនួនច្រើនជាងគេនៅលើពិភពលោក។ ហេតុអ្វីបានជាសហរដ្ឋអាម៉េរិកស្តុកទុកប្រេងក្នុងចំនួនដ៏ច្រើនបែបនេះ?
អ្នកនយោបាយអាម៉េរិកមានគំនិតនេះឡើងកាលពីពីទសវត្សរ៍ឆ្នាំ១៩៧០ ជាពេលដែលបណ្ដាប្រទេសនៅតំបន់អារ៉ាប់ដូចជាអឺរ៉ង់ អឺរ៉ាក់ កូវ៉េត កាតា និងអារ៉ាប់ប៊ីសាអូឌីត មិនព្រមនាំប្រេងចូលអាម៉េរិក ព្រោះខឹងនឹងអាម៉េរិកក្នុងឆ្នាំ១៩៧៣គាំទ្រអ៊ីស្រាអែល ក្នុងសង្គ្រាមអារ៉ាប់ អ៊ីស្រាអែល។
សង្រ្គាមបានបញ្ចប់ក្នុងរយៈពេលបីសប្ដាហ៍ក្នុងខែតុលា ឆ្នាំ១៩៧៣ ប៉ុន្តែការមិននាំប្រេងទៅអាម៉េរិកបានបន្តរហូតដល់ខែមីនា ឆ្នាំ១៩៧៤។ តម្លៃប្រេងនៅអាម៉េរិកបានឡើងពី៣ដុល្លារក្នុងមួយបារ៉ែលទៅដល់១២ដុល្លារក្នុងមួយបារ៉ែលនៅពេលនោះ។ ការណ៍នេះបានធ្វើឲ្យសហរដ្ឋអាម៉េរិកជួបនឹងបញ្ហាខ្វះប្រេងប្រើប្រាស់។ នៅឆ្នាំ១៩៧៥ សភាអាម៉េរិកបានអនុម័តច្បាប់មួយស្ដីពីការបម្រុងប្រេងទុកប្រើប្រាស់នាគ្រាមានអាសន្ន។
បច្ចុប្បន្ននេះអាម៉េរិកមានកន្លែងស្តុកទុកប្រេងចំនួនបួនកន្លែងនៅក្រោមដីជំរៅប្រហែលមួយគីឡូម៉ែត្រដែលគេសង់ជារូងក្រោមដី ដែលគេជឿថាវិធីនេះមានសុវត្ថិភាពខ្ពស់ និងតម្លៃថោកជាងស្តុកទុកក្នុងស៊ីតែនប្រេងធម្មតា។
បើតាមការឲ្យដឹងពីភ្នាក់ងារព័ត៌មានប្រេងរបស់អាម៉េរិកនៅឆ្នាំ២០១៨ ប្រទេសនេះប្រើប្រេង២២លានបារ៉ែលក្នុងមួយថ្ងៃ ហើយបើគណនាទៅប្រេងដែលអាម៉េរិកបម្រុងទុកនេះអាចប្រើបានរហូតដល់៣១ថ្ងៃ។
បុន្តែថាប្រេងដែលស្តុកនេះជាប្រេងឆៅនៅឡើយដែលត្រូវការចម្រាញ់មុននឹងអាចយកទៅប្រើប្រាស់សំរាប់យានយន្តបាន។ មួយវិញទៀតការយកប្រេងនេះពីកន្លែងស្តុកទុកត្រូវចំណាយពេលយ៉ាងហោចណាស់ពីរសប្ដាហ៍ទើបបានទៅដល់ទីផ្សារ និងយកម្តងៗក៏មិនបានច្រើនប៉ុន្មានដែរ៕
