- 2019-12-12 02:28:27
- ព័ត៌មាន
ដឹងឲ្យហើយ! កោះមួយនៅជប៉ុន ចាប់ផ្ដើមយកពន្ធពីអ្នកទេសចរ
- 2019-12-12 02:28:27
- ចំនួនមតិ 0 | ចំនួនចែករំលែក 0
ដឹងឲ្យហើយ! កោះមួយនៅជប៉ុន ចាប់ផ្ដើមយកពន្ធពីអ្នកទេសចរ
ចន្លោះមិនឃើញ
ការធ្វើដំណើរកម្សាន្ដទៅកាន់កន្លែងដែលគ្រប់គ្នាប្រាថ្នា កំពុងចាប់ផ្ដើមឡើងថ្លៃបន្ដិចម្ដងៗ ក្រោយពេលដែលកោះ Miyajima បោះឆ្នោតសម្រេចគិតលុយភ្ញៀវទេសចរបន្ថែមទៀតសម្រាប់ការទៅទស្សនានៅទីនោះ។
កោះដែលត្រូវបានគេហៅឈ្មោះថា Itsukushima ស្ថិតនៅចម្ងាយប៉ុន្មានគីឡូម៉ែត្រប៉ុណ្ណោះពី Hiroshima តាមរយៈការឆ្លងសាឡាង ហើយជាតំបន់ធ្វើដំណើរកម្សាន្ដពេលថ្ងៃដ៏ពេញនិយមសម្រាប់ទេសចរ។ នៅទីនោះក៏មានទីសក្ការបូជាអាយុកាលតាំងពីទសវត្សទី ១២ ដែលភ្ញៀវទេសចរចូលចិត្តថតថ្ងៃលិចពណ៌ទឹកក្រូចយ៉ាងស្រស់ស្អាត។ ច្បាប់ថ្មីដែលនឹងត្រូវយកពន្ធបន្ថែមពីភ្ញៀវទេសចរនេះ ត្រូវបានធ្វើឡើងក្រោយពេលដែលលោក Taro Matsumoto ជាប់ឆ្នោតជាអភិបាលក្រុងថ្មីនៃទីក្រុង Hatsukaichi នៃអាណាខេត្ត Hiroshima។
នៅក្នុងសន្និសីទកាសែតមួយ លោក Matsumoto ឲ្យអ្នកសារព័ត៌មានដឹងថា "នេះជាការចាំបាច់ដើម្បីធានានូវប្រភពចំណូលថ្មីដើម្បីបន្ដធ្វើការថែរក្សាគុណភាពនៃកោះនេះជាកន្លែងពេញនិយមសម្រាប់ទេសចរ។” ហើយលោកសង្ឃឹមថាពន្ធថ្មី នឹងត្រូវបានប្រមូលចាប់ពីរដូវផ្ការីកឆ្នាំ ២០២១ទៅ។
គួរឲ្យដឹងថា ជាមួយការប្រមូលពន្ធថ្មីនេះភ្ញៀវទេសចរ នឹងត្រូវបង់ថ្លៃ ១០០យ៉េន (១ដុល្លារ) សម្រាប់ការចូលទៅកាន់លើកោះ ហើយពន្ធផ្សេងៗទៀតនឹងត្រូវបានប្រមូលតាមរយៈការដំឡើងថ្លៃសាឡាង, ថ្លៃចូលទស្សនា និងការប្រើប្រាស់កន្លែងសាធារណផ្សេងៗនៅលើកោះ៕