• 2021-05-25 06:54:54
  • សេដ្ឋកិច្ច

អេសស៊ីជី បន្តគាំទ្រកិច្ចប្រឹងប្រែងប្រយុទ្ធប្រឆាំងកូវីដ-១៩ នៅកម្ពុជា

  • 2021-05-25 06:54:54
  • ចំនួនមតិ 0 | ចំនួនចែករំលែក 0

ចន្លោះមិនឃើញ

អេសស៊ីជី (SCG) ដែលជាក្រុមហ៊ុនផលិតស៊ីម៉ងត៍និងគ្រឿងសំណង់ដ៏ធំបំផុតមួយនៅក្នុងទីផ្សារអាស៊ាន បានបន្តចូលរួមចំណែកជាមួយរាជរដ្ឋាភិបាលកម្ពុជា នៅក្នុងការប្រយុទ្ធប្រឆាំងជំងឺកូវីដ-១៩ ជាមួយនឹងការផ្ដល់ជំនួយគិតទឹកប្រាក់ជាង ១សែនដុល្លារអាមេរិក ដល់ក្រសួងសុខាភិបាល។

ថ្មីៗនេះ អេសស៊ីជី បានប្រគល់អំណោយជា Negative Pressure Room ចំនួន ១, សម្ភារៈឧបករណ៍សម្រាប់បម្រើដល់ការងារចាក់វ៉ាក់សាំង ជូនទៅក្រសួងសុខាភិបាលកម្ពុជា និងបញ្ជរ/ទូយកសំណាកអ្នកជំងឺកូវីដ-១៩ ឬហៅថា SWOP ចំនួន ៥ ដែលបានប្រគល់ទៅឲ្យមន្ទីរពេទ្យមិត្តភាពខ្មែរ-សូវៀត (មន្ទីរពេទ្យរុស្ស៊ី)។ ទន្ទឹមនឹងនេះដែរ ក្រុមហ៊ុន អេសស៊ីជី ក៏បានរួមវិភាគទានជាប្រាក់ចំនួន ៥០០០០ដុល្លារអាមេរិក សម្រាប់ការទិញវ៉ាក់សាំងចាក់ជូនប្រជាជនកម្ពុជាផងដែរ ។ សរុបជាទឹកប្រាក់នៃជំនួយទាំងនេះ គឺប្រមាណជាង ១សែនដុល្លារអាមេរិក។

លោក រ៉ាត់ឆាយុត កាសេមឆៃសិរី (Ratchayut Kasemchaisiri) នាយកក្រុមហ៊ុន អេសស៊ីជី ប្រចាំកម្ពុជាបានមានប្រសាសន៍ថា អេសស៊ីជី គាំទ្រយ៉ាងខ្លាំងក្លាដល់កិច្ចប្រឹងប្រែង​របស់កម្ពុជាក្នុងការប្រយុទ្ធប្រឆាំងនឹងជំងឺកូវីដ-១៩ តាមរយៈវិភាគទាននិងជំនួយដែលអាចធ្វើទៅបាន ជូនទៅក្រសួងសុខាភិបាលកម្ពុជា។

លោក រ៉ាត់ឆាយុត មានប្រសាសន៍ដូច្នេះថា៖ «យើងមានប្រតិបត្តិការអាជីវកម្មនៅកម្ពុជាជាច្រើនឆ្នាំមកហើយ ហើយយើងតែងតែយកចិត្តទុកដាក់ចំពោះប្រជាជនកម្ពុជា ។ តាមរយៈការរួមចំណែករបស់ អេសស៊ីជី ក៏ដូចជាវិស័យឯកជនទាំងមូល យើងសង្ឃឹមថា អាចចែករំលែកបន្ទុកខ្លះជាមួយរាជរដ្ឋាភិបាលកម្ពុជា នៅក្នុងការប្រយុទ្ធប្រឆាំងនឹងការឆ្លងរាលដាលនៃជំងឺកូវីដ-១៩។»

គួរបញ្ជាក់ថា ការប្រគល់សម្ភារៈបរិក្ខារពេទ្យសម្រាប់បម្រើកិច្ចការយកសំណាកអ្នកជំងឺកូវីដ១៩ ដែលបានធ្វើឡើងនៅមន្ទីរពេទ្យមិត្តភាពខ្មែរ-សូវៀត (ពេទ្យរុស្ស៊ី) កាលពីថ្ងៃទី២០ ខែឧសភា ឆ្នាំ២០២១ ក៏មានការចូលរួមសហការពីក្រុមហ៊ុន KUBOTA ផងដែរ។

គួររំឭកថា កាលពីឆ្នាំទៅមិញ អេសស៊ីជី ក៏បានបរិច្ចាគប្រអប់សុវត្ថិភាពវេជ្ជសាស្ត្រ (surgical shield box) ចំនួន៥០ឈុត ដល់ក្រសួងសុខាភិបាលកម្ពុជា និងបានចែកជូននូវទឹកអាល់កុលលាងដៃ និងម៉ាស ដល់ប្រជាជនទូទៅផងដែរ ដើម្បីចូលរួមចំណែកក្នុងការប្រយុទ្ធប្រឆាំងការឆ្លងរាលដាលនៃវីរុសកូវីដ១៩ នៅកម្ពុជា៕

មតិយោបល់
អត្ថបទពេញនិយម
អត្ថបទថ្មី