- 2015-11-06 15:33:19
- សេដ្ឋកិច្ច
៨ប្រទេស ដែលអ្នកអាចចាយលុយដុល្លារអាមេរិកបាន
- 2015-11-06 15:33:19
- ចំនួនមតិ 0 | ចំនួនចែករំលែក 0
៨ប្រទេស ដែលអ្នកអាចចាយលុយដុល្លារអាមេរិកបាន
ចន្លោះមិនឃើញ
ប្រទេសនីមួយៗតែងមានរូបិយវត្ថុជាតិ ឬលុយជាតិជាផ្លូវការដែលបង្កើតឡើងក្នុងគោលដៅជួយសម្រួលដល់ប្រតិបត្តិការទូទាត់ ទិញទំនិញ ពាណិជ្ជកម្ម និងជាមធ្យោបាយសេដ្ឋកិច្ចសម្រួលដល់ជីវភាពប្រជាជន។ ដោយឡែកប្រទេសមួយចំនួនអាចចរាចរក្រដាសប្រាក់ដុល្លារបានផងដែរ ដោយយោងតាមសារព័ត៌មាន USA Today បានបង្ហាញពីប្រទេសមួយចំនួនដូចខាងក្រោម៖
១. ប្រទេស British Virgin (កោះរបស់អង់គ្លេស)
ប្រទេសជាដែនកោះដែលស្ថិតនៅអាមេរិកខាងជើងមួយនេះ គឺប្រើប្រាស់រូបិយប័ណ្ណដុល្លារជាលុយជាតិតែម្ដង។ ការដែលប្រើប្រាស់នេះគឺចាប់ផ្ដើមពីក្រុមប្រជាជននៃកោះពីរ គឺ Seamless និង British Virgin សម្រាប់សម្រួលដល់ការទូទាត់ទំនិញ និងប្រតិបត្តិការសេដ្ឋកិច្ចផ្សេងៗទៀត។
២. អេក្វាឌ័រ
ប្រទេសនៅអាមេរិកខាងត្បូងមួយនេះមានដំណើរប្រែប្រួលរូបិយប័ណ្ណច្រើនដង។ ប្រវត្តិប្រើប្រាស់លុយដំបូងក្នុងប្រទេសនេះគឺប្រើលុយប៉េសូ បន្ទាប់មកដូរមកជារូបិយប័ណ្ណហ្វ្រង់កូ រួចដូរជា លុយប៉េសូវិញ។ នៅក្នុងឆ្នាំ២០០០ ដើម្បីឲ្យសេដ្ឋកិច្ចប្រទេសមានស្ថិរភាព រដ្ឋាភិបាល អេក្វាឌ័រ បានបោះឆ្នោតរើសយកលុយដុល្លារអាមេរិកមកប្រើប្រាស់ជាផ្លូវការរហូតមកដល់បច្ចុប្បន្ន។
៣. ប្រទេសប៉ាណាម៉ា
ប្រទេសប៉ាណាម៉ា ស្ថិតនៅចំចំណុចព្រំប្រទល់ទ្វីបអាមេរិកកណ្ដាល និងអាមេរិកខាងត្បូង។ បច្ចុប្បន្នក្នុងប្រទេសនេះអាចប្រើប្រាស់បានទាំងលុយដុល្លារអាម៉េរិកាំង និងលុយជាតិ Balboa ។ សម្រាប់តម្លៃអត្រាប្ដូរគឺស្មើគ្នាជាធម្មតា ដោយ១ដុល្លារអាមេរិកស្មើតម្លៃ១ Balboa ។
៤. ប្រទេសបាហាម៉ា
ដូចទៅនឹងប្រទេសប៉ាណាម៉ាដែរ ប្រទេសនៅទ្វីបអាមេរិកខាងជើងមួយនេះអាចប្រើប្រាស់លុយដុល្លារបាន ហើយមានរូបិយវត្ថុជាតិគឺដុល្លារ បាហាម៉ា ( Bahamian dollar)។ សម្រាប់តម្លៃអត្រាប្ដូរគឺស្មើគ្នាជាធម្មតាដូចនៅប្រទេសបាណាម៉ាដែរ ដោយតម្លៃ១ដុល្លារអាមេរិកស្មើតម្លៃ១ ដុល្លារ បាហាម៉ា។
៥. ដែនកោះ Turks and Caicos (ចក្រភពអង់គ្លេស)
ជាប្រទេសដែនកោះមួយដែលជារបស់ចក្រភពអង់គ្លេស Turks and Caicos ជាដែនកោះសម្រាប់អ្នកទេសចរជាច្រើនជាងអ្នកជំនួញ។ ទំនិញរបស់របរទិញពីហាងនៅទីនោះគឺមិនមានគិតពន្ធបន្ថែម (Value-added tax) នោះទេ។ សម្រាប់រូបិយប័ណ្ណជាផ្លូវការគឺដុល្លារអាមេរិក។
៦. ប្រទេសកម្ពុជា
សម្រាប់ប្រទេសកម្ពុជា មានរូបិយវត្ថុជាតិគឺលុយរៀលជាផ្លូវការ ប៉ុន្តែលុយដុល្លារក៏អាចប្រើប្រាស់ក្នុងប្រតិបត្តិការទូទាត់ក្នុងធនាគារ ឬទិញឥវ៉ាន់នៅតាមផ្សារក្នុងប្រទេសបានផងដែរ។ លុយដុល្លារអាមេរិកបានហូរចូលក្នុងប្រទេសកម្ពុជាតាំងពីឆ្នាំ១៩៩៣ តាមរយៈការជួយរៀបចំស្តារសេដ្ឋកិច្ច និងសន្តិភាពក្នុងប្រទេសឡើងវិញ ដោយជំនួយពីអង្គការសហប្រជាជាតិ ( United Nations Transitional Authority in Cambodia) ។
៧. ប្រទេសនីការ៉ាហ្គា
ជាប្រទេសស្ថិតអាមេរិកកណ្ដាល មានរូបិយវត្ថុជាតិគឺ Córdoba ប៉ុន្តែលុយដុល្លារអាមេរិកគឺគេទទួលយកនឹងអាចប្រើប្រាស់យ៉ាងទូលំទូលាយក្នុងប្រទេសនេះ។ ដោយឡែកក្នុងប្រទេសមួយនេះបើចាយដុល្លារទៅទិញទំនិញ គឺអ្នកលក់នឹងគិតតម្លៃថ្លៃជាងលុយក្នុងស្រុក។
៨. ប្រទេសបេលី
ជាប្រទេសស្ថិតនៅភាគខាងកើតនៃអាមេរិកកណ្ដាល មានលុយជាតិប្រើប្រាស់ផ្លូវការគឺ Belize dollar ប៉ុន្តែជាលុយដុល្លារអាចប្រើប្រាស់បានក្នុងប្រទេសនេះបាន។ បេលី ធ្លាប់ជាប្រទេសដែលមានជនជាតិអង់គ្លេសមកតាំងទីលំនៅប៉ុន្តែប្រទេសនេះពុំមានប្រើប្រាស់លុយផោន ឬ Sterling (លុយបុរាណអង់គ្លេស) នោះទេ ផ្ទុយទៅវិញប្រទេសមួយអាចចាយវាយលុយដុល្លារអាមេរិកបាន៕
ក្រៅពីប្រទេសទាំង៨ខាងលើ ក៏មានប្រទេសមួយចំនួនទៀតដែលអ្នកអាចចាយលុយដុល្លារបានផងដែរ ក្នុងនោះវៀតណាមក៏ត្រូវបានវិបសាយខាងលើរាប់បញ្ចូលផងដែរ៕
ចុចអាន៖ រូបមនុស្សស្រីលើកដំបូង នឹងមានលើក្រដាសប្រាក់១០ដុល្លារថ្មី
ចុចអាន៖ ឥណ្ឌូណេស៊ី ហាមឃាត់មិនឲ្យប្រើរូបិយប័ណ្ណបរទេស
ប្រែសម្រួល៖ មាន រតនា ប្រភព៖ usatoday