- 2018-08-03 02:36:31
- ព័ត៌មាន
អ្នកកាសែតជប៉ុនបាត់ខ្លួន៣ឆ្នាំ ស្រាប់តែលេចមុខក្នុងវីដេអូជំរិតទារប្រាក់ ១០លានដុល្លារ
- 2018-08-03 02:36:31
- ចំនួនមតិ 0 | ចំនួនចែករំលែក 0
អ្នកកាសែតជប៉ុនបាត់ខ្លួន៣ឆ្នាំ ស្រាប់តែលេចមុខក្នុងវីដេអូជំរិតទារប្រាក់ ១០លានដុល្លារ
ចន្លោះមិនឃើញ
លោក Jumpei Yasuda អ្នកកាសែត Freelance ជនជាតិជប៉ុន ដែលជឿជាក់ថាត្រូវបានគេចាប់ជំរិត ខណៈកំពុងយកការណ៍ក្នុងប្រទេសស៊ីរី នៅចន្លោះថ្ងៃទី ២០ ទៅ ២៣ ខែកក្កដា ឆ្នាំ២០១៥ ស្រាប់តែលេចមុខនៅក្នុងវីដេអូចាប់ជំរិតមួយ និងសុំជំនួយជាបន្ទាន់។
នៅក្នុងវីដេអូឃ្លិបមានរយៈពេល ២០វិនាទីមួយខ្សែ ដែលត្រូវបានបង្ហោះកាលពីថ្ងៃអង្គារ កន្លងទៅនេះ បង្ហាញឲ្យឃើញលោក Yasuda បានពាក់អាវពណ៌ទឹកក្រូច និង លត់ជង្គង់នៅលើដី ខណៈបុរសស្លៀកឈុតខ្មៅ និងកាន់កាំភ្លើងវែង ២នាក់កំពុងឈរក្បែរ។
លោក Yasuda និយាយថា «ខ្ញុំស្ថិតក្នុងស្ថានភាពដ៏អាក្រក់។ សូមជួយខ្ញុំឥឡូវនេះ»។
គួរបញ្ជាក់ថា អ្នកចាប់ជំរិតលោក Yasuda ធ្លាប់បានព្រមានថា ពួកគេនឹងប្រគល់អ្នកកាសែតរូបនេះទៅឲ្យក្រុមរដ្ឋអ៊ីស្លាម ISIS ប្រសិនបើរដ្ឋាភិបាលជប៉ុន មិនព្រមចាប់ផ្ដើមការចរចាក្នុងរយៈពេលមួយខែ។
យ៉ាងណាមិញ អាជ្ញាធរជប៉ុនជឿថា បច្ចុប្បន្នលោក Yasuda កំពុងត្រូវក្រុមភេរវករមួយមានឈ្មោះថា Nusra Front ចាប់ជំរិត ដែលជាបក្សពួករបស់ក្រុម Jabhat Fatah al-Sham និងជាប់ពាក់ព័ន្ធជាមួយក្រុមរបស់ Al-Qaeda។ ក្រុមនេះត្រូវគេរាយការណ៍ថា បានស្នើសុំឲ្យរដ្ឋាភិបាលជប៉ុន បង់ថ្លៃលោះលោក Yasuda ចំនួន ១០លានដុល្លារ៕
សូមទស្សនាវីដេអូខាងក្រោម៖