ស្លុតចិត្ត! ធុំក្លិនស្អុយមិនបាត់ ស្រាប់តែរកឃើញសពមនុស្ស ១៥៧នាក់ រលួយនៅក្នុងឡានមួយគ្រឿង (វីដេអូ)

2018-09-19 01:54:11
ព័ត៌មាន

2018-09-19 01:54:11
ចំនួនមតិ 0 | ចំនួនចែករំលែក 0

ចន្លោះមិនឃើញ

មន្ត្រីម៉ិកស៊ីកូ បានសន្យាថា នឹងធ្វើការស៊ើបអង្កេត បន្ទាប់ពីឡានដឹកទំនិញមួយគ្រឿងដែលផ្ទុកសាកសពមនុស្ស ចំនួន ១៥៧នាក់ ចតទុកចោលកណ្ដាលផ្លូវ នៅក្នុងរដ្ឋ Jalisco ស្របពេលដែលប្រទេសនេះកំពុងប្រឈមនឹងការកើនឡើងកំណត់ត្រាឃាតកម្ម។

សាកសពរលួយ និងធុំក្លិនស្អុយទាំងនោះត្រូវបានដឹកតាមឡានដឹកទំនិញ ដែលមានទូក្លាស្សេ ក្រោយពីកន្លែងដាក់សពអស់កន្លែងដាក់។ បើទោះបីជាសាកសពទាំងនោះត្រូវបានដាក់ក្លាស្សេ ប៉ុន្តែវាមិនអាចជួយបានច្រើនឡើយ ពោលគឺត្រឹមរក្សាសាកសពមិនឲ្យរលួយប៉ុណ្ណោះ ស្របពេលដែលសាកសពជាច្រើន បានរលួយខ្លាំងពីមុនមករួចជាស្រេចទៅហើយ។

ពលរដ្ឋដែលរស់នៅក្នុងទីក្រុង Guadalajara នៃរដ្ឋខាងលើ បាននាំគ្នាត្អូញត្អែរអំពីក្លិនស្អុយ ដែលបានជំរុញឲ្យមន្ត្រីមូលដ្ឋានធ្វើការស៊ើបអង្កេតថា ហេតុអ្វីបានជាឡានដឹកសពខាងលើ ត្រូវគេបោះបង់ចោលនៅទីនោះ។

គួរបញ្ជាក់ឲ្យដឹងថា ប្រទេសម៉ិកស៊ីកូ បានកើតមានករណីឃាតកម្មសម្លាប់មនុស្សចំនួន ១៦ ០០០នាក់ ក្នុងរយៈពេល ៦ខែដំបូងនៃឆ្នាំ២០១៨ នេះ ដែលវាជាចំនួនដ៏ខ្ពស់បំផុតមួយ បើគិតចាប់តាំងពីកំណត់ត្រានៅក្នុងឆ្នាំ១៩៩៧ និងជាការកើនឡើងចំនួន ១៧ភាគរយ បើប្រៀបធៀបនឹងឆ្នាំ២០១៧៕