ទូកលិចនៅខេត្តភូកេត សម្លាប់ទេសចរចិន៤៧នាក់ ឥឡូវនេះរកឃើញហើយ

2018-11-18 07:32:16
ព័ត៌មាន

2018-11-18 07:32:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមមន្ត្រីថៃកាលពីថ្ងៃសៅរ៍ ទី១៧ ខែវិច្ឆិកា ឆ្នាំ២០១៨ ម្សិលមិញនេះ បានរកឃើញទូកដែលក្រឡាប់ និងលិចចូលសមុទ្រនៃខេត្តភូកេត កាលពីខែកក្កដា បង្កឲ្យភ្ញៀវទេសចរចិនស្លាប់អស់ ៤៧នាក់។

គួររំលឹកឲ្យដឹងថា ទូកទេសចរចំនួន ២គ្រឿងបានលិចកាលពីថ្ងៃទី០៥ ខែកក្កដា ឆ្នាំ២០១៨ ប៉ុន្តែអ្នកទេសចរនៅលើទូកមួយត្រូវបានជួយសង្គ្រោះ ខណៈមួយទៀតបានលិចបាត់។ ទូកនោះត្រូវបានស្រង់ចេញពីក្រោមទឹកសមុទ្រជម្រៅ ៤៥ម៉ែត្រ ដោយកប៉ាល់ស្ទូចរបស់ក្រុមហ៊ុនសិង្ហបុរី។

ប្រតិបត្ដិការនោះបានប្រឈមនឹងឧបសគ្គជាច្រើន។ ក្រុមហ៊ុនទីមួយដែលជួលឲ្យជួយសង្គ្រោះទូក បានបាត់បង់សមាជិកនៃក្រុមរបស់ខ្លួនម្នាក់ ក្នុងអំឡុងពេលប្រតិបត្តិការ ហើយមិនបានជោគជ័យក្នុងការស្រង់ទូកឡើងមកលើឡើយ។

យ៉ាងណាមិញ រហូតមកដល់ពេលនេះ មនុស្សចំនួន៥នាក់ត្រូវបានចោទប្រកាន់ រួមទាំងម្ចាស់ និងអ្នកបើកទូក ២នាក់ផងដែរ។ ពួកគេត្រូវបានចោទប្រកាន់ពីបទធ្វេសប្រហែស ដែលបណ្ដាលឲ្យមានការស្លាប់ ខណៈទោសអតិបរមាអាចជាប់គុករយៈពេល ១០ឆ្នាំ៕