- 2018-12-24 02:36:27
- ព័ត៌មាន
ទុក្ខជាន់លើទុក្ខ! ឥណ្ឌូនេស៊ី អាចជួបរលកយក្សស៊ូណាមិម្តងទៀត ក្រោយភ្នំភ្លើងផ្ទុះឡើងជាថ្មី (វីដេអូ)
- 2018-12-24 02:36:27
- ចំនួនមតិ 0 | ចំនួនចែករំលែក 0
ទុក្ខជាន់លើទុក្ខ! ឥណ្ឌូនេស៊ី អាចជួបរលកយក្សស៊ូណាមិម្តងទៀត ក្រោយភ្នំភ្លើងផ្ទុះឡើងជាថ្មី (វីដេអូ)
ចន្លោះមិនឃើញ
អ្នករស់នៅតំបន់ឆ្នេរជិតភ្នំភ្លើង Anak Krakatau របស់ប្រទេសឥណ្ឌូនេស៊ី ត្រូវបានគេព្រមានឲ្យចាកចេញពីតំបន់នោះ ខណៈមានការភ័យខ្លាចថា វាអាចបង្កជារលកយក្សស៊ូណាមិជាថ្មី។
គួររំលឹកឲ្យដឹងថា កាលពីថ្ងៃសៅរ៍ ទី២២ ខែធ្នូ ឆ្នាំ២០១៨ កន្លងទៅនេះ រលកយក្សស៊ូណាមិបានវាយប្រហារលើទីប្រជុំជន នៃតំបន់ឆ្នេរសមុទ្រនៅកោះ Sumatra និង Java ដោយបានសម្លាប់មនុស្សយ៉ាងតិច ២២២នាក់ និងរបួស ៨៤៣នាក់។ គេជឿជាក់ថា ការផ្ទុះរបស់ភ្នំភ្លើង Anak Krakatau បង្កឲ្យមានការរអិលបាក់ដីក្រោមបាតសមុទ្រ ហើយបង្កើតជារលកយក្សតែម្ដង។
យ៉ាងណាមិញ កាលពីថ្ងៃអាទិត្យ ទី២៣ ខែធ្នូ ឆ្នាំ២០១៨ ម្សិលមិញនេះ ភ្នំភ្លើង Anak Krakatau បានផ្ទុះឡើងសារជាថ្មីម្ដងទៀត ដោយព្រួសផេះ និងផ្សែងទៅលើអាកាសយ៉ាងខ្មួលខ្មាញ់។
បើតាមខ្សែវីដេអូមួយដែលថតពីលើយន្តហោះ បង្ហាញឲ្យឃើញទិដ្ឋភាពគួរឲ្យរន្ធត់នៃការផ្ទុះរបស់ភ្នំភ្លើងនោះ។ ទោះបីជាយ៉ាងណា ប្រធានាធិបតីឥណ្ឌូនេស៊ី លោក Joko Widodo បានសម្ដែងការសោកស្ដាយយ៉ាងខ្លាំងចំពោះជនរងគ្រោះ ហើយបានជំរុញឲ្យប្រជាជនមានការអត់ធ្មត់ ខណៈក្រុមជួយសង្គ្រោះកំពុងដុតដៃដុតជើង ធ្វើការយ៉ាងសស្រាក់ដើម្បីជួយដល់ពួកគេ៕
វីដេអូភ្នំភ្លើង Anak Krakatau បានផ្ទុះឡើងសារជាថ្មី៖
ចុចអាន៖