- 2018-12-30 01:37:00
- ព័ត៌មាន
២១ នាក់ សំណាងបំផុត ទទួលរង្វាន់ពី Wing មុនឆ្លងឆ្នាំថ្មី
- 2018-12-30 01:37:00
- ចំនួនមតិ 0 | ចំនួនចែករំលែក 0
២១ នាក់ សំណាងបំផុត ទទួលរង្វាន់ពី Wing មុនឆ្លងឆ្នាំថ្មី
ចន្លោះមិនឃើញ
ក្នុងរយៈពេលប្រហែលមួយខែក្រោយប្រកាសអំពីកម្មវិធី "ធ្វើប្រតិបត្តិការដើម្បីឈ្នះរង្វាន់" ធនាគារឯកទេស Wingបានធ្វើការចាប់រង្វាន់ជាលើកដំបូង ដើម្បីស្វែងរកអ្នកឈ្នះរង្វាន់ចំនួន ២១ នាក់ ដែលនឹងទទួលបានរង្វាន់ជាច្រើនបន្ទាប់ពីធ្វើប្រតិបត្តិការតាមរយៈគណនី Wing។
អ្នកមានសំណាងទាំង២១នាក់នេះ ស្ថិតនៅក្នុងចំណោមអតិថិជនរាប់ពាន់នាក់របស់ Wing ដែលតែងតែធ្វើប្រតិបត្តិការជាប្រចាំដូចជា WingទៅWing Wingវេរលុយ ផ្ទេរប្រាក់ទៅក្រៅប្រទេស បញ្ចូលទឹកប្រាក់ទូរសព្ទ, ទូទាត់វិក្កយបត្រឬដកប្រាក់ ពីគណនី Wing។ រង្វាន់សម្រាប់អ្នកឈ្នះរង្វាន់ទាំង២១នាក់រួមមាន ទូរទស្សន៍ Smart TV ទំហំ ៣២ អ៊ីញ៖ ៧រង្វាន់ ម៉ាស៊ីនបោកគក់ ៧រង្វាន់ ទូទឹកកក ៧ រង្វាន់។
លោក ម៉ានូ រ៉ាចាន់ អគ្គនាយកពាណិជ្ជកម្ម Wing បាននិយាយថា៖ "ក្នុងពេលដែល Wing បន្តណែនាំពីផលិតផលនិងសេវាកម្មដែលប្រកបដោយភាពច្នៃប្រឌិត ដើម្បីជួយបង្កើនជីវភាពរស់នៅប្រចាំថ្ងៃរបស់ប្រជាពលរដ្ឋកម្ពុជា យើងមិនដែលភ្លេចឡើយ នូវការសំដែងសេចក្តីថ្លែងអំណរគុណដល់អតិថិជនរាប់លាននាក់របស់យើង ដែលតែងតែជួយWingឱ្យបន្តឆ្ពោះទៅមុខជានិច្ច ទោះបីជាក្នុងស្ថានភាពដ៏លំបាកក៏ដោយ។ ខ្ញុំក៏សូមជូនពរដល់អតិថិជនទាំងអស់ ក៏ដូចជាក្រុមគ្រួសាររបស់ពួកគេ នូវភាពសប្បាយរីករាយ និងភាពរុងរឿងនៅក្នុងឆ្នាំ២០១៩ ខាងមុខនេះ"។
កម្មវិធី "ធ្វើប្រតិបត្តិការដើម្បីឈ្នះរង្វាន់" គឺជាផ្នែកមួយដែលធ្វើឡើងដើម្បីសម្តែងសេចក្តីថ្លែងអំណរគុណដល់អតិថិជនចំពោះការគាំទ្រលើផលិតផល និងសេវាកម្មរបស់Wing ក្នុងរយៈពេល ១០ ឆ្នាំកន្លងមកនេះ។ កម្មវិធីនេះ ធ្វើឡើងចាប់ពីថ្ងៃទី ២០ ខែវិច្ឆិកា ឆ្នាំ ២០១៨ រហូតដល់ថ្ងៃទី ២៨ ខែកុម្ភៈ ឆ្នាំ ២០១៩ ដោយរាល់អតិថិជនដែលធ្វើប្រតិបត្តិការដូចជា WingទៅWing Wingវេរលុយ ផ្ទេរប្រាក់ទៅក្រៅប្រទេស បញ្ចូលទឹកប្រាក់ទូរសព្ទ ទូទាត់វិក្កយបត្រ ឬដកប្រាក់ពីគណនី Wing នឹងមានឱកាសឈ្នះរង្វាន់ម៉ូតូ ១រង្វាន់ និងសម្ភារៈប្រើប្រាស់ក្នុងផ្ទះជាច្រើនទៀត រួមមាន ទូរទស្សន៍ Smart TVចំនួន ១៥រង្វាន់ ទូទឹកកកចំនួន ១៣រង្វាន់ និងម៉ាស៊ីនបោកគក់ ចំនួន ១៣ រង្វាន់។
ការចាប់ឆ្នោតតាមប្រព័ន្ធអេឡិចត្រូនិក លើកទីពីរ និងទីបី នឹងប្រព្រឹត្តទៅនៅកាលបរិច្ឆេទខាងក្រោម៖
ការចាប់ឆ្នោតលើកទី២៖ ថ្ងៃទី ២៨ ខែមករា ឆ្នាំ២០១៩
- ទូរទស្សន៍ Smart TV ទំហំ ៣២ អ៊ីញ៖ ៤រង្វាន់ - ម៉ាស៊ីនបោកគក់៖ ៣រង្វាន់ - ទូរទឹកកក៖ ៣ រង្វាន់
ការចាប់ឆ្នោតលើកទី ៣៖ ថ្ងៃទី ០៧ ខែមីនា ឆ្នាំ២០១៩ រង្វាន់
- ម៉ូតូ ហុងដា Zoomer X៖ ១ រង្វាន់ - ទូរទស្សន៍ Smart TV ទំហំ ៣២ អ៊ីញ៖ ៤រង្វាន់ - ម៉ាស៊ីនបោកគក់៖ ៣រង្វាន់ - ទូរទឹកកក៖ ៣រង្វាន់ សម្រាប់ព័ត៌មានបន្ថែមអំពីកម្មវិធីប្រូម៉ូសិននេះ សូមទាក់ទងតាមរយៈទូរសព្ទលេខ 023 999 989 ឬចូលទៅកាន់៖ https://bit.ly/2DLDO8x៕