- 2019-04-30 03:55:35
- ព័ត៌មាន
វេទិកាផ្លូវសូត្រសមុទ្រ “ខ្សែក្រវាត់មួយ ផ្លូវមួយ” បានប្រារព្ធឡើងដោយជោគជ័យ នៅភ្នំពេញ
- 2019-04-30 03:55:35
- ចំនួនមតិ 0 | ចំនួនចែករំលែក 0
វេទិកាផ្លូវសូត្រសមុទ្រ “ខ្សែក្រវាត់មួយ ផ្លូវមួយ” បានប្រារព្ធឡើងដោយជោគជ័យ នៅភ្នំពេញ
ចន្លោះមិនឃើញ
វេទិកាផ្លូវសូត្រសមុទ្រ “ខ្សែក្រវាត់មួយ ផ្លូវមួយ” នៅភ្នំពេញ និងកម្មវិធីចូលកាន់តំណែងអាណត្តិទី ៣ នៃសមាគមមិត្តភាពសភាពាណិជ្ជចិនហ្វូជាននៅកម្ពុជាបានប្រារព្ធឡើងដោយជោគជ័យ នៅសាលប្រជុំជាន់ទី៥ នៃទីស្នាក់ការកណ្តាលក្រុមហ៊ុន ព្រីនស៍ រៀល អ៊ីស្ទេត គ្រុប កោះពេជ្រ រាជធានីភ្នំពេញ កាលពីថ្ងៃទី ២៥ ខែមេសា ឆ្នាំ ២០១៩ កន្លងទៅនេះ។
សូមចុចអាន៖ ការអនុវត្តគម្រោង ផ្លូវសូត្រ នឹងធ្វើឲ្យកម្ពុជារីកចម្រើន
នៅក្នុងពិធីខាងលើនេះ មានការចូលរួម ពីឯកឧត្ដម ឯក សំអុល ប្រធានសមាគមមិត្តភាព កម្ពុជា-ចិន ឯកឧត្តម សំ សិរីរតន៍ រដ្ឋលេខាធិការក្រសួងពាណិជ្ជកម្ម លោកឧកញ៉ា ទ្បៅ ម៉េងឃិន សមាជិកព្រឹទ្ធសភានៃព្រះរាជាណាចក្រកម្ពុជា លោក Zheng Huiwen អនុប្រធានសមាគមផ្លាស់ប្ដូរក្រៅប្រទេសខេត្តហ្វូជាន លោក Lin Zhengjia អនុប្រធានសហព័ន្ធជនជាតិចិននៅក្រៅប្រទេសខេត្តហ្វូជាន លោកបណ្ឌិត Xu Ningning ប្រធានប្រតិបត្តិនៃសមាគមន៍ពាណិជ្ជកម្មចិន-អាស៊ាន លោកបណ្ឌិត Lin Wenguang ប្រធានស្ថាបនិកសមាគមពាណិជ្ជកម្មពិភពលោក លោកបណ្ឌិត Chen Yongquan នាយកប្រតិបត្តិនៃវិទ្យាស្ថានស្រាវជ្រាវ “ខ្សែក្រវាត់មួយ ផ្លូវមួយ”អាស៊ាន លោក ឈាវ គួរស៊ីញ ប្រធានសមាគមមិត្តភាពសភាពាណិជ្ជចិនហ្វូជាននៅកម្ពុជា និងឥស្សរជនមកពីបណ្ដាប្រទេសនៃផ្លូវសូត្រសមុទ្របានចូលរួមក្នុងវេទិកានេះ។
ឯកឧត្តម សំ សិរីរតន៍ រដ្ឋលេខាធិការក្រសួងពាណិជ្ជកម្ម បានឡើងថ្លែងសុន្ទរកថា មិត្តភាពរវាងចិន និងកម្ពុជាមានភាពស្ថិតស្ថេរយូរអង្វែងណាស់មកហើយ និងបានក្លាយជាដៃគូសហការយុទ្ធសាស្រ្តលើគ្រប់វិស័យ ហើយការផ្លាស់ប្តូរសេដ្ឋកិច្ច និងវប្បធម៌ក៏ទទួលបាននូវលទ្ធិផលជាផ្លែផ្កាផងដែរ។ លោកបានចង្អុលបង្ហាញថា ប្រទេសកម្ពុជាបានកំពុងអភិវឌ្ឍយ៉ាងឆាប់រហ័ស ពោរពេញដោយឱកាស និងសក្តានុពលវិនិយោគយ៉ាងធំធេងក្នុងគ្រប់វិស័យ។
ក្នុងនាមរដ្ឋាភិបាលកម្ពុជា ឯកឧត្តម បានសំដែងការស្វាគមន៍ និងលើកទឹកចិត្តដល់ក្រុមហ៊ុន និងរូបវន្តបុគ្គលជនជាតិចិន កាន់តែច្រើនថែមទៀតមកវិនិយោគនៅកម្ពុជា។ រាជរដ្ឋាភិបាលនឹងបន្តការអនុវត្តគោលនយោបាយបើកចំហ និងអនុគ្រោះ ដើម្បីបង្កើតបរិយាកាសវិនិយោគល្អប្រសើរ និងប្រកបដោយទំនុកចិត្តសម្រាប់វិនិយោគិន និងធុរជន។
លោកបណ្ឌិត Xu Ningning ប្រធានប្រតិបត្តិនៃសមាគមន៍ពាណិជ្ជកម្មចិន-អាស៊ាន បានថ្លែងក្នុងសុន្ទរកថា ប្រទេសចិន ប្រទេសក្នុងតំបន់អាស៊ាន និងបណ្តាប្រទេសនៅតាមដងទន្លេមេគង្គបានរក្សានូវកិច្ចសហប្រតិបត្តិការសេដ្ឋកិច្ច និងពាណិជ្ជកម្មយ៉ាងរឹងមាំ។
នៅក្រោមស្ថានភាពថ្មីនេះ យុទ្ធសាស្ដ្រអភិវឌ្ឍន៍របស់កម្ពុជា និងចិនមានភាពស៊ីសង្វាក់គ្នាយ៉ាងខ្លាំង។ ប្រទេសទាំងពីរកំពុងពន្លឿនការតភ្ជាប់នូវយុទ្ធសាស្រ្ត “ចតុកោណ” របស់កម្ពុជា និងគំនិតផ្តួចផ្តើម “ខ្សែក្រវាត់មួយ ផ្លូវមួយ” របស់ប្រទេសចិន ដែលសក្តានុពលនៃកិច្ចសហប្រតិបត្តិការមានទំហំយ៉ាងធំធេង។ សហគ្រាស ដែលមកវិនិយោគទុននៅក្នុងប្រទេសកម្ពុជាគួរតែយល់ដឹងច្បាស់ពីទីផ្សារកម្ពុជាដោយសង្កត់ធ្ងន់ទៅលើការធ្វើមូលដ្ឋានីយកម្ម និងបន្តបង្កើនសមត្ថភាពរបស់ខ្លួន។
សហគ្រាសមិនត្រឹមតែជាអ្នកទទួលបានអត្ថប្រយោជន៍ពីការកសាង “ខ្សែក្រវាត់មួយ ផ្លូវមួយ” និងកិច្ចសហប្រតិបត្តិការមិត្តភាពរវាងកម្ពុជា និងចិនប៉ុណ្ណោះទេ ថែមទាំងជាអ្នកអនុវត្ត និងផ្សព្វផ្សាយនៃការកសាង “ខ្សែក្រវាត់មួយ ផ្លូវមួយ” និងកិច្ចសហប្រតិបត្តិការមិត្តភាពកម្ពុជា-ចិន ផងដែរ។
លោកបណ្ឌិត Lin Wenguang ប្រធានស្ថាបនិកសមាគមពាណិជ្ជកម្មពិភពលោក បានថ្លែងថាគំនិតផ្តួចផ្តើម “ខ្សែក្រវាត់មួយ ផ្លូវមួយ” បានទទួលការឆ្លើយតបពីបណ្តាប្រទេស និងតំបន់ចំនួនជាង ១៤០ ។ យើងគួរធ្វើការសិក្សា និងចូលរួមយ៉ាងសកម្មក្នុងការស្ថាបនាហេដ្ឋារចនាសម្ព័ន្ធនៃប្រទេសឥណ្ឌូនេស៊ី និងកម្ពុជា ហើយជួយណែនាំវិនិយោគគិនចិនឲ្យមកធ្វើវិនិយោគនៅឥណ្ឌូនេស៊ី និងកម្ពុជា។
លោកបណ្ឌិត Chen Yongquan នាយកប្រតិបត្តិនៃវិទ្យាស្ថានស្រាវជ្រាវ “ខ្សែក្រវាត់មួយ ផ្លូវមួយ”អាស៊ាន បានចូលរួមសំដែងការអបអរសាទរ និងឡើងថ្លែងនូវសុន្ទរកថា។ បន្ទាប់មក វេទិកានេះបានរៀបចំកិច្ចពិភាក្សាតុមូល ដែលអនុញ្ញាតឲ្យភ្ញៀកិត្តិយសជាច្រើនធ្វើការពិភាក្សាយ៉ាងស៊ីជម្រៅលើឱកាសសហប្រតិបត្តិការវិនិយោគនៅកម្ពុជា និងការស្ថាបនានូវតំបន់ស្នូលនៃផ្លូវសូត្រសមុទ្រ “ខ្សែក្រវាត់មួយ ផ្លូវមួយ” ។