- 2017-09-15 23:30:00
- សេដ្ឋកិច្ច
តិកនិកទិញ បន្លែ ត្រី សាច់ ទុកសម្រាប់ពេលបុណ្យភ្ជុំបិណ្ឌ
- 2017-09-15 23:30:00
- ចំនួនមតិ 0 | ចំនួនចែករំលែក 0
តិកនិកទិញ បន្លែ ត្រី សាច់ ទុកសម្រាប់ពេលបុណ្យភ្ជុំបិណ្ឌ
ចន្លោះមិនឃើញ
នាយកដ្ឋានប្រយុទ្ធនឹងជំងឺឆ្លងបានលើកឡើងពីការបារម្ភចំពោះសុខភាពប្រជាពលរដ្ឋក្នុងអំឡុងពេលពិធីបុណ្យភ្ជុំបិណ្ឌខាងមុខនេះ។ ការបារម្ភរួមមានការទទួលទានចំណីអាហារដែលខ្វះអនាម័យ ការចម្អិនអាហារ និងទុកដាក់ចំណីអាហារមិនបានត្រឹមត្រូវ ដែលអាចបណ្តាលឲ្យពុល និងគ្រោះថ្នាក់ដល់អាយុជីវិត។
ទន្ទឹមគ្នានេះ បន្លែ ត្រី សាច់ ដែលលក់លើទីផ្សារក៏ច្រើនហូរហែ ខណៈគុណភាពមិនអាចមើលនឹងភ្នែកបានឡើយ។ លោកវេជ្ជបណ្ឌិត លី សូវ៉ាន់ ប្រធាននាយកដ្ឋានប្រយុទ្ធនឹងជំងឺឆ្លង បានផ្ដល់ការណែនាំពីវិធីសាស្ត្រងាយៗមួយចំនួនដល់បងប្អូនប្រជាពលរដ្ឋ មុនជ្រើសរើស បន្លែ ត្រី សាច់ សម្រាប់បរិភោគនៅតាមផ្សារនានា គួរអនុវត្តដូចខាងក្រោម៖
ទី១. មានទំនុកចិត្តជាមួយអ្នកលក់
បើលោកអ្នកធ្លាប់ទិញបន្លែ ត្រី សាច់ នៅកន្លែង ឬ តូបណាមួយ ហើយគួរតែស្គាល់អ្នកលក់ឲ្យបានច្រើន តាមរយៈការនិយាយលេងជាដើម។ មួយវិញទៀត ទំនិញដែលកន្លែងម៉ូយ កន្លងមកធ្លាប់ជួបបញ្ហាអាហារ អ្វីដែរឬអត់? បើអត់ លោកអ្នកគួរកុំប្ដូរម៉ូយ ឬកន្លែងទិញច្រើនពេក វាអាចនឹងពិបាកឲ្យអ្នកស្វែងរកកន្លែងលក់ល្អ និងទុកចិត្តបាន។
ទី២. ប្រភពទំនិញច្បាស់លាស់
បើលោកអ្នកក្លាយជាម៉ូយរបស់អ្នកលក់ណាហើយ នោះអ្នកលក់ដែលជាអ្នកប្រចាំនៅផ្សារជាបុគ្គលអាចផ្ដល់ពត៌មានច្បាស់ការដល់អ្នក។ លោកអ្នកនឹងដឹងថា កន្លែងណាដែលមានលក់ បន្លែ ត្រី សាច់ ល្អៗ។
ទី៣. តម្លៃ
គ្រប់ទំនិញតែងមានតម្លៃផ្សេងៗគ្នា ហើយតម្លៃក៏អាស្រ័យលើប្រភេទទំនិញផងដែរ។ តួយ៉ាង បន្លែខ្លះ អ្នកលក់លក់ឲ្យតម្លៃថោកជាងបន្លែអ្នកធ្លាប់ទិញសព្វមួយដង ត្រង់ចំណុចនេះ លោកអ្នកគួរតែប្រុងប្រយ័ត្នវិញ ព្រោះវាអាចជារបស់នៅសល់ ឬប្រើជាតិគីមីច្រើន បានផលច្រើន ដើម្បីលក់ចំណេញ។
ទី៤. ត្រូវចេះចាប់ភ្លឹក
ត្រូវចេះចាប់ភ្លឹក បន្លែ ត្រី សាច់ ដែលលក់លើទីផ្សារ ពិសេសទំនិញដែលត្រូវទិញ យកមកធ្វើម្ហូបរយៈពេលយូរក្នុងកំឡុងពេលបុណ្យភ្ជុំបិណ្ឌខាងមុខ។ ឧទាហរណ៍ សាច់ជ្រូកមួយចំនួនលក់នៅផ្សារ មើលនឹងភ្នែកមិនដឹងថាល្អ ឬមិនល្អទេ ហេតុនេះ គួរតែយកចិត្តទុកដាក់ឲ្យខ្ពស់៕