- 2020-03-12 07:19:06
- ការអប់រំ
៥ចំនុច អ្នកម្ដាយគួរដឹងដើម្បីការពារកូនពីជម្ងឺកូរ៉ូណា
- 2020-03-12 07:19:06
- ចំនួនមតិ 0 | ចំនួនចែករំលែក 0
៥ចំនុច អ្នកម្ដាយគួរដឹងដើម្បីការពារកូនពីជម្ងឺកូរ៉ូណា
ចន្លោះមិនឃើញ
ការអនុវត្តងាយៗ ដែលអ្នកម្តាយគ្រប់រូបគួរយកចិត្តទុកដាក់ដើម្បីការពារនូវវីរុសផ្លូវដង្ហើមថ្មី COVID-19 ចំពោះកូនៗរបស់លោកអ្នក។ ការអនុវត្តទាំង៥ ចំនុចនេះគឺដើម្បីការពារកូនពីការឆ្លងនូវវីរុសកូរ៉ូណា និង ជម្ងឺផ្លូវដង្ហើមផ្សេងៗទៀត ៖
អោយកូនពាក់ម៉ាស់ជាប្រចាំ
ត្រូវទម្លាប់អោយកូនពាក់ម៉ាស់ ជាពិសេសពេលទៅសាលារៀន និង ពេលចេញទៅក្រៅ នៅតាមទីកន្លែងដែលមានមនុស្សច្រើន ព្រោះថាវីរុសផ្លូវដង្ហើមឆ្លងតាមដំណក់ទឹកតូចៗដែលចេញពីការក្អក ឬ កណ្ដាស់។ ចូរប្រាប់កូនពីរបៀបការពារផ្សេងទៀតដែលអាចធ្វើបាន ដូចជា គ្របមាត់និងច្រមុះ ដោយប្រើកែងដៃ ឬ ក្រដាស ក្រម៉ា កន្សែង នៅពេលក្អកឬកណ្តាស់ហើយបោះចោលជាលិកាទៅក្នុងធុងសំរាមបិទជិតអោយបានត្រឹមត្រូវ។
លាងដៃកូនជាមួយសាប៊ូ ឬ ទឹកអាល់កុលលាងដៃ
ទិញទឹកលាងដៃ ដាក់ជាប់និងកាបូបស្ពាយរបស់កូន ដើម្បីសម្លាប់មេរោគក្រោយការប៉ះពាល់ ឬ ចាប់កាន់របស់របរនៅតាមទីសាធារណៈ ឬ ប្រាប់កូនរបស់អ្នកអោយលាងសំអាតដៃ ជាមួយសាប៊ូជាប្រចាំ។ ចៀសវាង ការយកដៃទៅប៉ះជាមួយផ្នែកផ្សេងៗទៀតនៃរាងកាយ ដូចជា ច្រមុះ មាត់ ដែលជាកន្លែងងាយឆ្លងជំងឺផ្លូវដង្ហើម។
ចៀសវាងនាំកូនទៅកន្លែងដែលមានមនុស្សច្រើន
កន្លែងដែលមានមនុស្សច្រើន ជាកន្លែងប្រមូលផ្ដុំមេរោគ ដូច្នេះចៀសវាង នាំកូនទៅលែងតាមទីកន្លែងដែលមានមនុស្សកុះករ អ៊ូអរ ប្រសិនបើក្នុងករណីចាំបាច់ ត្រូវពាក់ដើម្បីការពារពួកគាត់។ ចៀសវាងកុំប៉ះពាល់ជិតស្និទ្ធជាមួយមនុស្សដែលមានប្រវត្តិមិនច្បាស់លាស់ ឬ អ្នកមានជម្ងឺផ្ដាសាយ។
ចៀសវៀង ការនាំកូនទៅកន្លែងដែលមានផ្ទុះវីរុស
ប្រសិនណាមានគម្រោងទៅដើរលែងកំសាន្តនៅក្រៅប្រទេស ឬ ប្រទេសដែលមានផ្ទុះវីរុស គួរណាស់តែផ្អាកសិន។
ឲ្យកូនញ៉ាំអាហារដែលឆ្អិនល្អ
ចម្អិនអាហារអោយបានឆ្អិនល្អ ដូចជា សាច់ ស៊ុត និង ចៀសវាងប៉ះពាល់សត្វព្រៃ ឬ កន្លែងចិញ្ចឹមសត្វដោយមិនមានរបស់ការពារខ្លួន។ ទៅជួបគ្រូពេទ្យជាបន្ទាន់ ប្រសិនបើរកឃើញថាកូនរបស់អ្នកក្តៅខ្លួន ក្អក ឬ មានអារម្មណ៍ថាពិបាកដកដង្ហើម
សូមអានបន្ថែមដើម្បីស្វែងយល់ពីវិធីការពារកូរ៉ូណា
ប្រភព ៖ UNICEF