- 2020-03-14 00:45:00
- ការអប់រំ
ថៅកែសូឡា៖ បេះដូងអតិថិជនជាការធ្វើយុទ្ធសាស្ត្រទីផ្សារដ៏ល្អបំផុត
- 2020-03-14 00:45:00
- ចំនួនមតិ 0 | ចំនួនចែករំលែក 0
ថៅកែសូឡា៖ បេះដូងអតិថិជនជាការធ្វើយុទ្ធសាស្ត្រទីផ្សារដ៏ល្អបំផុត
ចន្លោះមិនឃើញ
លោក ហៀក សុភាព ម្ចាស់អាជីវកម្មអំពូល SP សូឡា បានប្រាប់គន្លឹះល្អៗជាច្រើនទាក់ទងនឹងការរកស៊ី ពេលបង្ហាញមុខក្នុងវីដេអូនៃកម្មវិធី “Hilux Hero | ទម្រាំមានថ្ងៃនេះ" ដែលជាភាគទីបី។
អ្នកខេត្តព្រៃវែងរូបនេះបានរៀបរាប់ថាក្នុងការរកស៊ីរបស់លោក អតិថិជនគឺជាអ្នកធ្វើទីផ្សារដ៏ល្អបំផុត តាមរយៈការធ្វើឲ្យអតិថិជនមានទំនុកចិត្តលើផលិតផលរបស់ខ្លួន បន្ទាប់មកអតិថិជននឹងចាប់ផ្ដើមនិយាយលើកសរសើរអំពីផលិតផលនោះទៅកាន់អ្នកដទៃទៀត។ នេះជាការធ្វើទីផ្សារដ៏ល្អ ដោយមិនចាំបាច់ចំណាយលើការជួលមនុស្សដើរផ្សព្វផ្សាយ។
ករណីដែលការរកស៊ីដើរដល់ចំណុចខាត ម្ចាស់អាជីវកម្មត្រូវរកឲ្យឃើញអំពីមូលហេតុដែលធ្វើឲ្យខាត មិនត្រូវបន្តការប្រថុយប្រថាន បើមិនដូច្នោះទេអាចនឹងលង់ខ្លួន។ បុរសវ័យ ៤៩ ឆ្នាំនេះណែនាំ គួរតែរកចំណុច Break-Event Point ដែលយ៉ាងហោចណាស់ត្រូវស្រង់ដើមឲ្យបានមកវិញដែរ ដូចជាការលក់ឡៃឡុងជាដើម។
អ្វីដែលសំខាន់មួយទៀតលោក ហៀក សុភាព បានផ្ដាំផ្ញើថា អ្នកដែលរកស៊ីជោគជ័យ គឺត្រូវធ្វើខ្លួនជាថោកែផង ជាកម្មករផង និងជាទាសករផង។ មានន័យថាមិនត្រូវប្រកាន់ខ្លួនលើមុខតំណែងរបស់ខ្លួន ត្រូវស្គាល់ឲ្យច្បាស់ពីការងារដទៃទៀតដែលពាក់ព័ន្ធ។
ចង់ដឹងចំណេះដឹងល្អៗលម្អិតទាក់ទងនឹងការរកស៊ីដែលលោក ហៀក សុភាព បានលើកឡើង ទស្សនាវីដេអូខាងក្រោមនេះ ដែលក្នុងនោះលោកក៏បានលើកសរសើរ និងប្រាប់ហេតុផលដែលជ្រើសយករថយន្ត Toyota Hilux Rally ស៊េរីឆ្នាំ ២០១៩ ជាមធ្យោបាយធ្វើដំណើរក្នុងជីវិតការរកស៊ីផងដែរ ៖