- 2018-08-08 03:23:06
- សេដ្ឋកិច្ច
ថៃ ទិញរថភ្លើងថ្មីសន្លាង ២២គ្រឿង មានលក្ខណៈពិសេសសម្រួលដល់អ្នកដំណើរ
- 2018-08-08 03:23:06
- ចំនួនមតិ 0 | ចំនួនចែករំលែក 0
ថៃ ទិញរថភ្លើងថ្មីសន្លាង ២២គ្រឿង មានលក្ខណៈពិសេសសម្រួលដល់អ្នកដំណើរ
ចន្លោះមិនឃើញ
ក្រុមហ៊ុនប្រតិបត្តិការរថភ្លើងលើអាកាសរបស់ទីក្រុងបាងកក ប្រកាសនៅថ្ងៃនេះថារថភ្លើងថ្មីចំនួន ២២ គ្រឿងត្រូវបានយកមកដល់ក្នុងប្រទេសហើយ។
រថភ្លើងដែលទើបមកដល់ ២២គ្រឿងនៅថ្ងៃនេះ ត្រូវបានបញ្ជាទិញពីក្រុមហ៊ុន Seimens របស់អាល្លឺម៉ង់ ហើយនឹងត្រូវដាក់ឲ្យប្រើប្រាស់នៅពេលដែលស្ថានីយថ្មីចំនួន ៨ទៀតបើកក្នុងខែធ្នូចុងឆ្នាំនេះ។ លើសពីនេះទៀត វានឹងពង្រីកខ្សែរត់ Sukhumvit ដែលធ្វើដំណើរទៅដល់ខេត្ត សាមុទ្រ ប្រាកាន។
យោងតាមមន្ត្រីប្រតិបត្តិការ BTS លោក Surapong Laoha-Unya ដែលបានធ្វើដំណើរទៅកាន់កំពង់ផែ Laemchabang ក្នុងខេត្តឈុនបុរីថ្ងៃនេះដើម្បីពិនិត្យរថភ្លើងថ្មី ឲ្យដឹងថារថភ្លើងថ្មីនីមួយៗ អាចផ្ទុកមនុស្សបាន ១ ៤៦០ នាក់។ ជាមួយគ្នាដែរ វាមានលក្ខណៈពិសេសជាងមុនដោយមានកន្លែងទំនេរសម្រាប់ដាក់រទេះ និងកៅអីរុញជនពិការទៀតផង។ ដោយឡែក វាអាចធ្វើដំណើរក្នុងល្បឿនរហូតដល់ ៨០គីឡូម៉ែត្រក្នុងមួយម៉ោងឯណោះ។
គួរឲ្យដឹងថា រហូតមកទល់ពេលនេះក្រុមហ៊ុន BTS បានចំណាយប្រាក់ជាង ៣៣លានដុល្លាររួចមកហើយក្នុងការទិញរថភ្លើងថ្មីសរុប ៤៦គ្រឿង ក្នុងគោលបំណងពង្រីកខ្សែ Sukhumvit៕
ចុចអាន ៖