- 2018-12-30 06:58:01
- ការអប់រំ
បញ្ជាក់៖ បោះចំណីព្រាបនៅមុខវាំងពិន័យ២ម៉ឺនរៀល មិនមែនជារឿងថ្មីចែសនោះទេ
- 2018-12-30 06:58:01
- ចំនួនមតិ 0 | ចំនួនចែករំលែក 0
បញ្ជាក់៖ បោះចំណីព្រាបនៅមុខវាំងពិន័យ២ម៉ឺនរៀល មិនមែនជារឿងថ្មីចែសនោះទេ
ចន្លោះមិនឃើញ
ថ្មីៗនេះនៅលើបណ្ដាញសង្គមហ្វេសបុក ផ្ទុះការភាន់ច្រឡំមិនច្បាស់លាស់រវាងអាជ្ញាធរ និងពលរដ្ឋម្នាក់ដែលបានបោះចំណី(ពោត) ឲ្យសត្វព្រាបនៅមុខព្រះបរមរាជវាំងត្រូវបានផាកពិន័យ។ តាមពិតទៅ ការផាកពិន័យ ត្រូវបានចាប់អនុវត្តចាប់ពីពាក់កណ្ដាលខែកញ្ញា ២០១៨ មកម្ល៉េះ ខណៈប្រជាពលរដ្ឋមួយចំនួនមិនទាន់ជ្រាបដំណឹងនេះ។
ជាង៣ខែមកហើយ អាជ្ញាធរខណ្ឌដូនពេញ ហាមមិនឲ្យអ្នកលក់ចំណីព្រាប ប្រកបរបរនៅសួនមុខព្រះបរមរាជវាំង ដោយអនុញ្ញាតឲ្យទៅលក់នៅតាមមាត់ទន្លេវិញ។ អាជ្ញាធរបញ្ជាក់ថា ការសម្រេចនេះ ធ្វើឡើងដើម្បីថែរក្សាសោភ័ណភាព និងអនាម័យនៅមុខវាំង។
លោក សុខ ពេញវុធ អភិបាលខណ្ឌដូនពេញ ធ្លាប់បញ្ជាក់កាលថ្ងៃទី ១៦ កញ្ញាកន្លងទៅថា បើសិនជាមានអ្នកចំណីព្រាបនៅលើសួនច្បារ និងផ្លូវមុខព្រះបរមរាជវាំង ហើយអ្នកបោះចោលសំរាម ថង់ប្លាស្ទិកច្រកគ្រាប់ពោត សណ្ដែក ដែលជាចំណីព្រាប នោះត្រូវពិន័យចំនួន ២ម៉ឺនរៀល។ រីឯអ្នកលក់ចំណីព្រាប នៅលើសួនច្បារមុខព្រះបរមរាជវាំង និងលក់គ្រឿងហូបចុក ហើយបោះចោលសំរាមផ្ដេសផ្ដាស ក៏ត្រូវពិន័យចំនួន ៥ម៉ឺនរៀល។
បន្ថែមពីនេះ សម្រាប់ហាងលក់ដូរតាមផ្ទះ និងភោជនីយដ្ឋានយកសំរាមដាក់ខុសម៉ោងកំណត់ត្រូវពិន័យ១៥ម៉ឺនរៀល, សិប្បកម្ម សហគ្រាសត្រូវពិន័យ២០ម៉ឺនរៀល បើសិនជាលើកទីមួយពិន័យហើយនៅតែមិនតាមគោលការនេះទេ ត្រូវបានពិន័យគុណតែម្តង។
យ៉ាងណាក្ដី សាធារណជនឲ្យស្នើអាជ្ញាធររៀបចំដាក់ស្លាកសញ្ញាឲ្យបានត្រឹមត្រូវងាយស្រួល ប្រជាពលរដ្ឋ ពិសេសអ្នកតាមខេត្តឡើងមកលេងភ្នំពេញនៅមុខវាំង បានជ្រាបព័ត៌មាន និងចូលរួមគោរពច្បាប់ទាំងអស់គ្នា៕
