- 2019-01-17 00:00:00
- សុខភាព
ប្រយ័ត្នស៊យធំ! បើគិតថាញ៉ាំអាហារ ៦ មុខនេះទាំងឆៅ អាចប៉ូវសុខភាព
- 2019-01-17 00:00:00
- ចំនួនមតិ 0 | ចំនួនចែករំលែក 0
ប្រយ័ត្នស៊យធំ! បើគិតថាញ៉ាំអាហារ ៦ មុខនេះទាំងឆៅ អាចប៉ូវសុខភាព
ចន្លោះមិនឃើញ
អាហារ មានតួនាទីសំខាន់ក្នុងការផ្តល់សារធាតុចិញ្ចឹម និងផ្ដល់ថាមពលដល់រាងកាយមនុស្ស។ វាត្រូវបានបែកចែកទៅជាប្រភេទផ្សេងៗគ្នា ដោយខ្លះអាចជួយទ្រទ្រង់ដល់ផ្នែកនេះ និងខ្លះទៀតអាចបំប៉ននូវផ្នែកផ្សេងទៀតនៃរាងកាយ។ ប្រភេទខ្លះអាចញ៉ាំបានទាំងពេលឆៅ និងឆ្អិន តែប្រភេទខ្លះទៀតញ៉ាំបានតែពេលឆ្អិនប៉ុណ្ណោះ។ ក្នុងនោះ មានបន្លែ និងសាច់ខ្លះមានរសជាតិឆ្ងាញ់ពេលឆៅ តែបែរជាអាចបង្កគ្រោះថ្នាក់ធំដល់សុខភាព បើសិនជាអ្នកនៅតែបន្តញ៉ាំវាជាប្រចាំ ដោយមិនបានសម្អាត ឬចម្អិនឲ្យឆ្អិនល្អ។ ខាងក្រោមនេះ គឺជាប្រភេទបន្លែ និងសាច់ទាំង៦មុខ ដែលគួរគិតគូរចម្អិនសិន មុនពេលទទួលបើមិនចង់ឲ្យសុខភាពមានបញ្ហា។
១. បន្លែខៀវ ដែលដុះលើដី
បន្លែស្លឹកពណ៌ខៀវដែលត្រូវបានគេដាំនៅលើដីដូចជា ផ្ទី ស្ពៃ សាលាដ...សំបូរទៅដោយសារជាតិចិញ្ចឹម និងវីតាមីន។ តែបើញ៉ាំឆៅ បាក់តេរីក្នុងដីភក់ ដែលតោងជាប់នឹងគល់ឬស្លឹករបស់វា អាចបង្កឲ្យចុកពោះ និងរាក ឬក្អួតចង្អោរ។ ដូចនេះយកល្អគួរចម្អិនមុនពេលបរិភោគ ឬយ៉ាងហោចណាស់ត្រូវលាងសម្អាតឲ្យបានស្អាតល្អ។
២. ស៊ុត ស៊ុតឆៅ ឬចម្អិននៅជ័រព្នៅពិតជាមានរសជាតិឆ្ងាញ់ តែវាងាយស្រួលធ្វើឲ្យអ្នកមានអាការៈពុលចំណី។ ហេតុផល គឺព្រោះតែស៊ុតឆៅអាចផ្ទុកបាក់តេរី ឈ្មោះ Salmonella ដែលនាំឲ្យពុលចំណីបាន ដូចនេះគួរបរិភោគស៊ុតឆ្អិន ១០០% ទើបល្អ។
៣. សាច់គោ
តាមបែបអឺរ៉ុបគេនិយមសាច់ស្តេកដែលនៅជាប់ឈាមតិចៗ ព្រោះគេជឿថាវាជួយប៉ូវដល់សុខភាព ឬប៉ូវកម្លាំងជាដើម។ តែការពិត សាច់គោដែលចម្អិនមិនឆ្អិនអាចធ្វើឲ្យអ្នកមានអាការៈពុលចំណី។ ម៉្យាង ការញ៉ាំសាច់ឆៅអាចបង្កឲ្យឆ្លងមេរោគរលាក មានដំបៅខ្ទុះ ឬមានសត្វល្អិតដូចជាព្រូនជាដើម។ ដូច្នេះគួរចម្អិនឲ្យបានឆ្អិនល្អ ដើម្បីកុំឲ្យមានឆ្លងមេរោគទាំងនោះ។
៤. ឈីស ឈីស ជាអាហារផ្អាប់ ដែលមានផ្ទុក បាក់តេរី Salmonella ដែលអាចធ្វើឲ្យ ពុលចំណីបាន បើញ៉ាំឆៅ ហើយបាក់តេរីនេះអាចធ្វើឲ្យរលូតកូនផងដែរ។ ដូច្នេះស្ត្រីមានផ្ទៃពោះគួរចៀសវាង។
៥. សណ្ដែកបណ្ដុះ
សណ្ដែកបណ្ដុះ គឺល្អចំពោះសុខភាព ព្រោះវាមានវីតាមីនខ្ពស់។ យ៉ាងនេះមែន តែបន្លែប្រភេទនេះត្រូវបានដាំដុះលើដី និងស្ថិតក្នុងកន្លែងដែលមានអាកាសធាតុក្តៅហើយសើម ដូច្នេះវាតែងតែមានប៉ាក់តេរីខ្លះតោងជាប់មកនៅពេលប្រមូលផល។ បន្លែពណ៌សនេះ មានប៉ះពាល់ខ្លាំងទៅលើមនុស្សដែលមានប្រព័ន្ធភាពស៊ាំ និងប្រព័ន្ធរំលាយអាហារខ្សោយដូចជាមនុស្សចាស់ និងកូនក្មេងជាដើម។
៦. អាហារសមុទ្រ
អាហារសមុទ្រជាច្រើនដូចជា ក្ដាមបង្គា ជាពិសេសអយស្ទើ ត្រូវបានមនុស្សទូទាំងពិភពនិយមញ៉ាំឆៅ។ តែអ្នកត្រូវដឹងថា ទាំងនេះគឺជាប្រភេទអាហារមេរោគខ្ពស់ ព្រោះវារស់នៅ និងស៊ីចំណីក្នុងសមុទ្រ ដូចនេះពេលសមុទ្រកខ្វក់ ដូចជាការបង្ហូរលូចូល និងហៀរប្រេងជាដើម។ ដោយសារកង្វក់ទឹកនេះធ្វើឲ្យអាហារសមុទ្រ ជាពិសេសអយស្ទើមានមេរោគ និងអាចឆ្លងទៅមនុស្សពេលបរិភោគឆៅ៕