- 2019-01-30 12:31:37
- ការអប់រំ
៧ចំណុចបញ្ជាក់ថាអ្នកកំពុងដើរលើផ្លូវត្រូវ ល្មមធូរទ្រូងបន្តដំណើរទៅមុខដោយជឿជាក់
- 2019-01-30 12:31:37
- ចំនួនមតិ 0 | ចំនួនចែករំលែក 0
៧ចំណុចបញ្ជាក់ថាអ្នកកំពុងដើរលើផ្លូវត្រូវ ល្មមធូរទ្រូងបន្តដំណើរទៅមុខដោយជឿជាក់
ចន្លោះមិនឃើញ
ពេលចាប់ផ្តើមរៀនធ្វើការសម្រេចចិត្តលើបញ្ហាជីវិតដោយខ្លួនឯង គឺជាពេលវេលាដ៏លំបាកមួយព្រោះនៅក្មេងវ័យ បទពិសោធន៍ជីវិតក៏ខ្ចី ពេលខ្លះអ្នកអាចនៅសង្ស័យជម្រើសរបស់ខ្លួនថាត្រឹមត្រូវឬអត់។ មិនថ្វីទេ ព្រោះពេលខ្លះទោះកំពុងដើរផ្លូវខុស នៅអាចកែសម្រួលបានបើអ្នកដឹងខ្លួនទាន់ពេលវេលា។
អ្នកអាចបន្តដំណើរទៅមុខដោយឥតមន្ទិល ប្រសិនបើពិនិត្យមើលថារាល់ថ្ងៃ ខ្លួនឯងមាន ៧ចំណុចនេះ ដូចជា៖
១. រំភើបនឹងថ្ងៃថ្មី៖ ពេលអ្នកភ្ញាក់ពីដំណេករាល់ព្រឹក មានអារម្មណ៍ថារំភើប និងពេញដោយកម្លាំង ជំរុញ មិនខ្ជិលច្រអូស ឬទម្រន់ឡើយ។ អ្នកដឹងថាថ្ងៃនេះអ្នកត្រូវធ្វើកិច្ចការអ្វីខ្លះ ហើយត្រូវសម្រេចវាបានដោយរបៀបណា។ អ្នកតែងដឹងច្បាស់ពីជំហានបន្ទាប់របស់ខ្លួនដើម្បីឈានទៅសម្រេចគោលដៅកាន់តែធំ។
២. ទោះហត់នឿយ តែពេញចិត្ត៖ ពេលខ្លះអ្នកត្រូវចំណាយទាំងកម្លាំងកាយចិត្ត និងពេលវេលាដើម្បីសម្រេចគោលដៅដែលកំណត់ទុក ហើយទោះរវល់យ៉ាងណា អ្នកហាក់ដូចជាភ្លេចការនឿយហត់អស់រលីង។
៣. ផ្ដោតលើដំណើរការជាជាងលទ្ធផល ៖ អ្នកតែងមានអារម្មណ៍ថាទោះជាបានលទ្ធផលចេញមកបែបណាក៏ដោយ អ្នកនឹងមិនស្តាយក្រោយជាឡើយ សំខាន់គឺអ្នកបានប្រឹងធ្វើវាអស់ពីសមត្ថភាពជានិច្ច។
៤. ពោរពេញដោយជំនឿចិត្ត ៖ បើទោះអ្នកមិនធ្លាប់មានបទពិសោធន៍ធ្វើកិច្ចការនោះពីមុនមកក្តី តែអ្នកពោរពេញដោយកម្លាំងជំរុញ និងភាពជឿជាក់ ហ៊ានទទួលយកការប្រឈមថ្មីដោយភាពអង់អាច។
៥. មានភាពអំណត់ និងប្រឹងអស់ពីលទ្ធភាព ៖ មានការទទួលខុសត្រូវខ្ពស់ចំពោះរាល់ការងាររបស់ខ្លួន ធ្វើវាឲ្យអស់ពីសមត្ថភាព និងល្អបំផុតនៅពេលនេះដើម្បីបង្កើតអនាគតតាមគម្រោងផែនការច្បាស់លាស់។ សម្លឹងទៅមុខដោយវិជ្ជមាន ហើយមើលទៅអតីតជាមេរៀន។
៦. ចង់ចេះចង់ដឹងមិនឈប់ឈរ៖ អ្នកតែងខិតខំស្វែងរកចំណេះដឹងបន្ថែមរាល់ថ្ងៃ និងមានអារម្មណ៍ថាខ្លួនឯងមានចម្ងល់ជាច្រើនដែលត្រូវស្វែងរកចម្លើយ។ អ្វីដែលអ្នកចេះក្នុងថ្ងៃនេះ វានឹងហួសសម័យក្នុងថ្ងៃស្អែក បើអ្នកឈប់រៀនសូត្រអ្នកនឹងត្រូវគាំងនៅមួយកន្លែង។
៧. មិនខ្លាចភាពលំបាក ៖ ទោះការងារនោះហាក់ដូចជាលំបាកខ្លាំងយ៉ាងណាក៏ដោយ ក៏អ្នកជម្នះចង់ធ្វើវា។ ក្នុងកម្រិតណាមួយនោះអ្នកយល់ថាវាមានតម្លៃក្នុងការដកពិសោធន៍។ អ្នកជឿជាក់ថាមានតែត្រូវហែលឆ្លងការលំបាកប៉ុណ្ណោះទើបធ្វើឲ្យអ្នករីកចម្រើន និងកាន់តែខ្លាំង។
៨. មនុស្សសំខាន់ជុំវិញខ្លួនអ្នកមានសេចក្តីសុខ៖ មនុស្សជុំវិញខ្លួនអ្នក ពិសេសគឺបងប្អូនសាច់ញាតិ និងឪពុកម្តាយមានមោទនភាព និងអំណរចំពោះការសម្រេចបានរបស់អ្នក ហើយអ្នកក៏មិនស្ទាក់ស្ទើរនិយាយពីអ្វីដែលខ្លួនកំពុងតែធ្វើទៅកាន់អ្នកដទៃដែរ។ ទាំងនេះនឹងបន្ថែមកម្លាំងចិត្ត ដល់អ្នកកាន់តែខ្លាំងឲ្យបោះជំហានទៅមុខដើម្បីសម្រេចកិច្ចការកាន់តែធំដុំបន្ថែមទៀត៕
