• 2020-02-12 10:10:49
  • ការអប់រំ

គួរឲ្យសរសើរ! កូនខ្មែរនៅអាមេរិក ជាប់ឈ្មោះជាអ្នកផ្ដល់ប្រឹក្សាឆ្នើមថ្នាក់សកលវិទ្យាល័យ

  • 2020-02-12 10:10:49
  • ចំនួនមតិ 0 | ចំនួនចែករំលែក 0

ចន្លោះមិនឃើញ

កូន​ខ្មែរ​នៅ​សហរដ្ឋអាមេរិក​ម្នាក់ ត្រូវ​បាន​ជ្រើសរើស និង​ទទួល​ស្គាល់​ជា​អ្នក​ផ្ដល់​ប្រឹក្សា​ឆ្នើម​ថ្នាក់​សកលវិទ្យាល័យ​ក្នុង​ចំណោម ១៥​នាក់ ដែល​ចូលរួម​ពី​បេក្ខភាព​ជាង ១ ០០០​ទូទាំង​ប្រទេស។

សព្វថ្ងៃលោក គីម សម្បត្តិ គឺ​ជា​អ្នក​ផ្ដល់​ប្រឹក្សា​ថ្នាក់សកលវិទ្យាល័យ​ដែល​ជួយ​ឲ្យ​សិស្ស​ផ្ទេរ​ពី​វិទ្យាល័យ​ទៅ​ឧត្តមសិក្សា​នៅទីភ្នាក់ងារប្រឹក្សារបស់មហាវិទ្យាល័យ Utah។ បេសកកម្មរបស់ទីភ្នាក់ងារប្រឹក្សាយោបល់របស់មហាវិទ្យាល័យ គឺដើម្បីបង្កើនចំនួននៃសិស្សមានចំណូលទាប, សិស្ស​មហាវិទ្យាល័យ​ជំនាន់ទីមួយ និង​សិស្ស​វិទ្យាល័យ​ឲ្យ​ចូល​រៀន និង​បញ្ចប់​ការ​អប់រំ​ជាន់ខ្ពស់​យ៉ាង​ជោគជ័យ។ ប្រសិនបើនិស្សិតត្រូវការជំនួយក្នុងការដាក់ពាក្យសុំចូលរៀននៅមហាវិទ្យាល័យការដាក់ពាក្យសុំអាហារូបករណ៍និងជំនួយហិរញ្ញវត្ថុឬចុះឈ្មោះសម្រាប់ការប្រឡងចូល ACT និងការប្រឡងចូលមហាវិទ្យាល័យដទៃទៀត លោក​សម្បត្តិ​នឹង​ផ្ដល់​ជំនួយ​ដល់​ពួកគេ។

លោក​សម្បត្តិ​ឲ្យ​ដឹង​ថា ”វាពិតជាប្រសើរណាស់ដែលឃើញសិស្សរបស់ខ្ញុំ អាចបន្តក្តីសុបិន្តរបស់ពួកគេ, ត្រូវ​បាន​ទទួលយក​ឲ្យ​ចូល​រៀន​មហាវិទ្យាល័យនៃជម្រើសរបស់ពួកគេ, ទទួលបានអាហារូបករណ៍ និងទទួលបានជំនួយហិរញ្ញវត្ថុដែលពួកគេបានដាក់ពាក្យសុំ។" បន្ទាប់ពីបទពិសោធន៍របស់លោកក្នុងនាមជានិស្សិតជំនាន់ទី ១ លោកចង់ជួយអ្នកដទៃ​ឆ្លងកាត់បទពិសោធន៍នៃការដាក់ពាក្យចូលរៀននៅមហាវិទ្យាល័យនិងសម្រាប់អាហារូបករណ៍ដូច​ខ្លួន​ដែរ។

គួរឲ្យដឹងថា លោក សម្បត្តិ​ដែល​មាន​ដើម​កំណើត​មក​ពី​ប្រទេស​កម្ពុជា បាន​ផ្លាស់​ប្ដូរ​ទៅ​រស់​នៅ​រដ្ឋ Utah សហរដ្ឋអាមេរិក​កាល​ពី​រៀន​ថ្នាក់​ទី ៦ ហើយ​ក្លាយ​ខ្លួន​ក្នុង​ចំណោម​សិស្ស​ឆ្នើម​នៅ​វិទ្យាល័យ Hunter ផ្នែក​វិទ្យាសាស្ត្រ​ក្នុង​ឆ្នាំ ២០១៣៕

អត្ថបទ ៖ រ័ត្ន

មតិយោបល់
អត្ថបទពេញនិយម