សង្ខេបពីប្រវត្តិស្រាល្បីឈ្មោះ ៧ប្រេន នាំចូលផ្តាច់មុខមកកម្ពុជាដោយក្រុមហ៊ុនធំមួយ

2020-08-10 08:26:16
ព័ត៌មាន

2020-08-10 08:26:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន ភើណូដ រីខាដ (ខេមបូដ) ឯ.ក ត្រូវបានតែងតាំងដោយក្រុមហ៊ុន Martell Mumm Perrier Jouet, The Absolut Company AB, Irish Distillers International Limited, Havana Club International S.A. , និង Pernod Ricard Winemakers Pty Ltd ក្នុងការធ្វើជាអ្នកចែកចាយផ្តាច់មុខតែមួយគត់របស់ខ្លួនក្នុងព្រះរាជាណាចក្រកម្ពុជា និងជាម្ចាស់អាជ្ញាប័ណ្ណចែកចាយផ្តាច់មុខ ។

ក្រុមហ៊ុន អ៊ីដិនប្រ៊ីដ អេស៊ា ផាតនើស៍ អិលធីឌី ជាតំណាងស្របច្បាប់នៃម្ចាស់ម៉ាក ដូចជា MARTELL, ABSOLUT, JAMESON, HAVANA CLUB, JACOB’S CREEK, GEORGE WYNDHAM, និង PERRIER-JOUËT សូមធ្វើការប្រកាសដោយសេចក្តីសោមនស្សរីករាយចំពោះរាជរដ្ឋាភិបាលកម្ពុជាដែលបានចេញអាជ្ញាប័ណ្ណចែកចាយផ្តាច់មុខចំពោះផលិតផលម៉ាកខាងក្រោម ។

សម្រាប់ព័ត៌មានបន្ថែម សូមទាក់ទងលេខ ៖ (+855) 69936674 ។

Martell គឺជាប្រភេទស្រាកូញាក់ ដែលមានអាយុកាលចំណាស់ជាងគេបំផុត។ ជាមួយនឹងការពេញចិត្ត និងភាពជាក់លាក់របស់ក្រុមគ្រួសារ Martell រយៈពេល ៣០៥ឆ្នាំ កូញាក់ Martell គឺជាម៉ាកស្រាអន្តរជាតិនាំមុខគេ ក្នុងចំណោមម៉ាកស្រាល្បីឈ្មោះរបស់ក្រុមហ៊ុន Pernod Ricard។

Absolut គឺជាប្រភេទស្រាវ៉ូដកា ដែលត្រូវបានផលិតឡើងតាមវិធីសាស្រ្តបែបប្រពៃណីបុរាណរបស់ជនជាតិស៊ុយអ៊ែត។ ស្រាម៉ាកនេះត្រូវបានផលិតចេញពីប្រភពតែមួយប៉ុណ្ណាះ (ប្រទេសស៊ុយអ៊ែត) និងបាននាំចេញទៅកាន់ប្រទេសជាច្រើននៅលើពិភពលោក។

Jameson គឺជាប្រភេទស្រាវីស្គី ដែលផលិតឡើងពីគ្រាប់ធញ្ញជាតិសុទ្ធ ច្រើនប្រភេទផ្សេងៗគ្នា រួមទាំង ពោត និងស្រូវសាឡីនៃប្រទេសអ៊ៀកឡង់ដែលបានត្រាំ និងមិនទាន់ត្រាំជាមេស្រា ។ ស្រាម៉ាកនេះត្រូវបានបង្កើតឡើងនៅក្នុងឆ្នាំ១៨៧០ ហើយជាប្រភេទស្រាវីស្គី របស់ប្រទេសអ៊ៀកឡង់ ដែលនាំមុខគេ នៅលើពិភពលោក នាពេលបច្ចុប្បន្ន។

Havana Club ជាប្រភេទស្រាដែលលក់ដាច់បំផុតនៅលើពិភពលោក គុណភាពខ្ពស់ មានតែមួយគត់ និងមានប្រភពដើមមកពីប្រទេសគុយបា។ ស្រាម៉ាកនេះ ត្រូវបានផលិតដោយមោទនភាពនៅក្នុងប្រទេសគុយបា ដែលសំបូរទៅដោយប្រភេទដីកំអែលភ្នំភ្លើងក្រាស់ ហើយពោរពេញទៅដោយជីវជាតិ ដែលធ្វើឲ្យរាល់ការដាំដុះនៅលើដីកោះ ដូចជា ផ្លែឈើ បន្លែ ថ្នាំជក់ និងអំពៅប្រកបដោយគុណភាពខ្ពស់ ។

ស្រា Jacob’s Creek ត្រូវបានបង្កើតឡើងដំបូងនៅក្នុងឆ្នាំ១៩៧៦ ហើយត្រូវបានដាក់ឈ្មោះតាមដងអូរមួយដែលហូរកាត់តំបន់ជ្រលងភ្នំ Barossa ដែលជាតំបន់ផលិតទំពាំងបាយជូដ៏ល្បីល្បាញនៅប្រទេសអូស្ត្រាលីខាងត្បូង។ ស្រា Jacob’s Creek បានរក្សាកេរ្តិ៍ឈ្មោះអស់រយៈពេល ១៦៥ឆ្នាំនៃប្រពៃណីផលិតស្រា ហើយទទួលបានជ័យលាភីកោតសរសើរជាបន្តបន្ទាប់នៅក្នុងការប្រកួតស្រាជាលក្ខណៈអន្តរជាតិ។

ការសម្តែងនូវការគោរពដឹងគុណ និងកេរ្តិ៍ដំណែលរបស់ស្ថាបនិករបស់ខ្លួន គឺលោក George Wyndham។ ស្រាម៉ាក George Wyndham ជាប្រភេទស្រាដែលខ្លាំង មាំមួន និងជំនួយដល់ថាមពល ។

បង្កើតឡើងនៅក្នុងឆ្នាំ១៨១១ ទីតាំងផលិតស្រា Maison Perrier-Jouët ជាទីតាំងផលិតមួយកន្លែងក្នុងចំណោមទីតាំងផលិតស្រាសាមប៉ាញដែលមានប្រវត្តិសាស្រ្តដ៏យូរលង់ និងមានលក្ខណៈពិសេសជាងគេរបស់ប្រទេសបារាំង។ ស្រាសាមប៉ាញនេះជាប្រភេទស្រាទំពាំងបាយជូរបស់ប្រទេសបារាំងដ៏ល្បីឈ្មោះដោយមានក្លិនឈ្ងុយនៃផ្កា ហើយបង្ហាញពីរសជាតិសុទ្ធនៃប្រភេទទំពាំងបាយជូ Chardonnay ៕

អត្ថបទ៖ លីដា

មតិយោបល់

ជីវិតនិងសង្គម

ភ្ជាប់ទំនាក់ទំនងជាមួយ ជីវិតនិងសង្គម

ពាក្យទាក់ទង