ធូរថ្លៃហួសស្មាន! មុខងារថ្មី Visa Direct បើកឲ្យផ្ទេរប្រាក់ទៅកាត Visa នានាឆ្លងធនាគារក្នុងស្រុក

2020-10-10 01:30:00
ព័ត៌មាន

2020-10-10 01:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

“Visa Direct” គឺជាសេវាកម្មងាយស្រួលក្នុងការផ្ទេរប្រាក់ភ្លាមៗទៅកាតវីសាដែលត្រូវបានបង្កើតឡើងនៅក្នុងកម្មវិធីទូរស័ព្ទដៃ ABA ដោយសហការជាមួយក្រុមហ៊ុន Visa នៅខែមិថុនាឆ្នាំ ២០២០។ មុខងារថ្មីនេះ អាចឲ្យអ្នកប្រើកម្មវិធីទូរស័ព្ទ ABA Mobile ចុចផ្ទេរប្រាក់បានយ៉ាងងាយស្រួល ឆាប់រហ័ស និងធានាសុវត្ថិភាព ១០០% ដោយផ្ញើផ្ទាល់ពីកាតវីសាមួយ ទៅកាន់វិសាកាតមួយទៀត ក្នុងតម្លៃសេវាសមរម្យបំផុត ទោះវីសាកាតរបស់គេធ្វើនៅធនាគារណាក៏ដោយនៅក្នុងប្រទេសកម្ពុជា។

“Visa Direct” ផ្តល់ផលចំណេញច្រើនសម្រាប់ អ្នកមានតម្រូវការផ្ទេរប្រាក់ញឹកញាប់ អ្នកធ្វើជំនួញអនឡាញដែលត្រូវការបង្វិលលុយភ្លាមៗឲ្យគ្នា មិនថាគ្រួសារ ឬមិត្តភក្តិ ទោះនៅទីណាក៏ដោយ ហើយនេះគឺជាដំណោះស្រាយដ៏រហ័សទាន់ចិត្តមួយ ដែលធានាសុវត្ថិភាពបំផុត ព្រមទាំងជួយពន្លឿនល្បឿនអាជីវកម្ម និងធ្វើឲ្យទំនាក់ទំនងជំនួញកាន់តែមានទំនុកចិត្តរវាងគ្នា។ ក្នុងករណីដែលអ្នកមានបងប្អូនកូនចៅ កាន់វីសាកាតក្នុងស្រុក ចេញក្រៅប្រទេស អ្នកក៏អាចប្រើ “Visa Direct” ដើម្បីផ្ទេរប្រាក់បន្ទាន់ដល់ពួកគេបានយ៉ាងងាយស្រួល និងឆាប់រហ័សផងដែរ តាមរយៈកម្មវិធីទូរស័ព្ទ ABA ពីប្រទេសកម្ពុជា។ ចំណុចពិសេសរបស់មុខងារថ្មីនេះ គឺអាចឲ្យអ្នកប្រើប្រាស់ផ្ទេរប្រាក់បានភ្លាមៗ គ្រប់ពេលវេលា និង គ្រប់ទីកន្លែង ដោយគ្រាន់តែចុចលើទូរស័ព្ទ តាមរយៈកម្មវិធីធនាគារក្នុងទូរស័ព្ទ ABA ( ABA Mobile) ផ្ទេរប្រាក់ទៅបានគ្រប់វីសាកាតក្នុងស្រុកទាំងអស់ ទោះឆ្លងធនាគារ ផ្ញើភ្លាមទទួលបានដោយមិនបាច់រង់ចាំយូរ ។ គួរបញ្ជាក់ផងដែរថា កន្លងមកសម្រាប់រាល់ការផ្ទេរប្រាក់ឆ្លងធនាគារ ត្រូវចំណាយពេលយ៉ាងហោចណាស់ក៏ចាប់ពីមួយ ទៅពីរថ្ងៃដែរ។

តាមរយៈសេវាកម្មនេះ ម្ចាស់កាត ABA Visa អាចផ្ញើប្រាក់បាន រហូតដល់ 2500ដុល្លារ ក្នុងមួយប្រតិបត្តិការ និងបានច្រើនបំផុត រហូតដល់ 10000ដុល្លារ ក្នុងមួយខែ ជាមួយថ្លៃសេវាសមរម្យ ។ អតិថិជនដែលប្រើប្រាស់កាតវីសារបស់ធនាគារ ABA ឬ ធនាគារផ្សេងទៀត ដែលជាអ្នកទទួលប្រាក់ នឹងត្រូវជូនដំណឹងតាមរយៈកម្មវិធីទូរស័ព្ទរបស់ធនាគារពួកគេ នៅពេលដែលប្រាក់ត្រូវបានដាក់ចូលក្នុងគណនីធនាគាររបស់ពួកគេ។ ដូចនេះដើម្បីទទួលបានការជូនដំណឹង អ្នកទទួលប្រាក់ត្រូវតែមានកម្មវិធីទូរស័ព្ទដៃរបស់ធនាគារដែល ពួកគេប្រើប្រាស់។ សម្រាប់តម្លៃសេវាផ្ទេរប្រាក់តាម “Visa Direct” គឺជាក់លាក់ ហើយធូរថ្លៃ ដែលសម្រាប់ការផ្ទេរពី ២,០០០ ដុល្លារ ទៅ ២,៥០០ដុល្លារ នៅក្នុងប្រទេសកម្ពុជា ដោយគិតថ្លៃត្រឹមតែ ៣.៥០ដុល្លារប៉ុណ្ណោះ។ ហើយបើផ្ទេរតិចជាងនេះ គិតថ្លៃកាន់តែធូរដែរ។ សម្រាប់ព័ត៌មានលម្អិតពីថ្លៃសេវាផ្ទេរ សូមចូលទៅកាន់ www.ababank.com/km/visa-direct-transfers ។

ដើម្បីផ្ទេរប្រាក់តាមមុខងារ Visa Direct អ្នកអាចអនុវត្តតាមជំហានៗ ដូចខាងក្រោម ៖

បើកកម្មវិធី ABA Mobile
ចុចលើប៊ូតុង ផ្ទេរប្រាក់ ហើយជ្រើសរើស ផ្ទេរទៅកាត VISA
ជ្រើសរើសកាត Visa របស់អ្នកដើម្បីផ្ទេរប្រាក់ចេញ
បញ្ចូលលេខកាត Visa 16 ខ្ទង់របស់អ្នកទទួល និងឈ្មោះអ្នកទទួល
បញ្ចូលចំនួនទឹកប្រាក់1 ដែលអ្នកចង់ផ្ទេរ
ចុចលើប៊ូតុង ផ្ទេរប្រាក់
ពិនិត្យ និងផ្ទៀងផ្ទាត់ឈ្មោះអ្នកទទួល លេខកាត Visa និងចំនួនទឹកប្រាក់
បញ្ជាក់ជាមួយនឹងលេខកូដ PIN 4 ខ្ទង់របស់កម្មវិធី ABA Mobile។

លើសពីសម្រួលការបង្វិលប្រាក់ក្នុងស្រុក អតិថិជន Visa ក៏អាចប្រើសេវាផ្ទេរប្រាក់ Visa Direct នៅ ក្នុងកម្មវិធី ABA Mobile ដើម្បីផ្ញើប្រាក់ទៅកាត Visa ដែលចេញដោយធនាគារនានា នៅក្នុង វៀតណាម, ឡាវ,ថៃ ភូមា, ម៉ាឡេស៊ី , ឥណ្ឌូនេស៊ី ,សិង្ហបុរី ,និងហ្វីលីពីន។ សម្រាប់វិធីក្នុងការផ្ទេរប្រាក់មិនថាក្នុង ឬក្រៅស្រុក គឺដូចគ្នា ដូចដែលបានរៀបរាប់ខាងលើ ហើយប្រាក់ដែលផ្ញើទៅអ្នកទទួល គឺមានភាពឆាប់រហ័សដែលមានរយៈពេលតិចជាង ៣០នាទី។ ចង់ដឹងថាងាយស្រួលប្រើ ចំណេញច្រើន ដូចរៀបរាប់ខាងលើក តោះ! សាកល្បងប្រើឥឡូវនេះ!

សម្រាប់ព័ត៌មានបន្ថែម សូមចូលទៅកាន់ ៖ www.ababank.com/km/aba-news ៕

ណារីតា