- 2015-04-07 21:45:07
- ការអប់រំ
ស្ពានវែងជាងគេនៅអាស៊ានមានប្រវែង ២៤គីឡូម៉ែត្រ
- 2015-04-07 21:45:07
- ចំនួនមតិ 0 | ចំនួនចែករំលែក 0
ស្ពានវែងជាងគេនៅអាស៊ានមានប្រវែង ២៤គីឡូម៉ែត្រ
ចន្លោះមិនឃើញ
ស្ពានត្សឹបាសា (មិត្តភាពកម្ពុជា-ជប៉ុន អ្នកលឿង) ដែលទើបសម្ពោធដាក់ឲ្យប្រើប្រាស់កាលពីថ្ងៃចន្ទម្សិលមិញ មានប្រវែងសរុប ២២១៥ម៉ែត្រ វែងជាងគេបំផុតក្នុងប្រទេសកម្ពុជា។ យ៉ាងណាមិញ បើធៀបទៅនឹងស្ពានវែងជាងគេបំផុតក្នុងតំបន់អាស៊ានវិញ ឃើញថាមានប្រវែងខ្លីជាងដល់ទៅ ១០ដងឯណោះ។ ស្ពាននោះស្ថិតនៅក្នុងរដ្ឋប៉េណាំង (Penang) ប្រទេសម៉ាឡេស៊ី ដែលមានប្រវែងសរុប ២៤ គីឡូម៉ែត្រ។
នៅក្នុងរដ្ឋប៉េណាំង មានស្ពានវែងលើសពី ១០គីឡូម៉ែត្រចំនួនពីរ ដែលភ្ជាប់ដែនដីគោកម៉ាឡេស៊ី និងសម្រួលចរាចរណ៍របស់ប្រជាជន។ ស្ពានប៉េណាំងទី១ ត្រូវបានគេចាត់ទុកថា ជាស្ពានវែងបំផុតនៅក្នុងតំបន់អាស៊ាន មុនពេលស្ពានប៉េណាំងទី២ ចាប់បដិសន្ធិឡើង និងត្រូវបានសម្ពោធដាក់ឲ្យប្រើប្រាស់តាំងពីឆ្នាំ១៩៨៥ ក្នុងប្រវែងសរុប ១៣,៥គីឡូម៉ែត្រ។
យ៉ាងណាមិញ តំណែងនោះបានបាត់បង់ទៅវិញក្នុងឆ្នាំ២០១៤ ក្រោយស្ពានប៉េណាំងទី២ លេចចេញជារូបរាង។ ស្ពានប៉េណាំងទី២ មានប្រវែងសរុប ២៤គីឡូម៉ែត្រ ដោយចំណាយទឹកប្រាក់សាងសង់អស់ជិត ១៥០០ លានដុល្លារ។ ស្ពានដ៏វែងនោះ ត្រូវចាប់ផ្ដើមសាងសង់នៅក្នុងខែវិច្ឆិកា ឆ្នាំ២០០៨ និងចប់រួចរាល់ជាស្ថាពរនៅក្នុងខែកុម្ភៈ ឆ្នាំ២០១៤៕
ចុចអាន៖ វីដេអូទស្សនាទិដ្ឋភាពទាំងស្រុងស្ពានអ្នកលឿងក្រោយសាងសង់រួចស្អាតប៉ុណ្ណា?
ប្រែសម្រួល៖ គង់ វិសាល ប្រភព៖ themalaymailonline
