- 2018-07-30 02:00:00
- ការអប់រំ
កូនខ្មែរនៅអាមេរិក មានការងារខ្ពស់ ចំណូលកប់ តែចង់មកស្រុកខ្មែរ ព្រោះហេតុផលរំជួលចិត្ត (មានវីដេអូ)
- 2018-07-30 02:00:00
- ចំនួនមតិ 0 | ចំនួនចែករំលែក 0
កូនខ្មែរនៅអាមេរិក មានការងារខ្ពស់ ចំណូលកប់ តែចង់មកស្រុកខ្មែរ ព្រោះហេតុផលរំជួលចិត្ត (មានវីដេអូ)
ចន្លោះមិនឃើញ
សម័យនេះមិនចម្លែកទេ បើនិយាយពីនិស្សិតខ្មែរ ដែលមានសមត្ថភាព និងមានឱកាសទៅរៀន ឬរស់នៅអចិន្ត្រៃយ៍នៅបរទេស។
អ្វីដែលប្លែក លឺហើយសឹងមិនគួរឲ្យជឿ គឺនៅត្រង់ថា មានអ្នកខ្លះបានទៅរៀន និងអាចរស់នៅសុខស្រួលក្នុងទឹកដីប្រទេសគេជឿនលឿនហើយ តែបែរជាចង់មកស្រុកខ្មែរ ព្រោះស្រលាញ់ប្រទេសកំណើតខ្លួន។
ជាក់ស្ដែង គឺកូនខ្មែរ១រូប ជាអ្នកជំនាញផ្នែក Softwear Engineer គឺលោកវិស្វករ យី សុជាតិ។ លោកបានបញ្ចប់ការសិក្សានៅសកលវិទ្យាល័យល្បីរបស់សហរដ្ឋអាមេរិក ឈ្មោះ Maharashi University of Managemnet។
ក្រៅពីនេះ លោកក៏ធ្លាប់បម្រើការងារនៅតាមបណ្ដាលក្រុមហ៊ុនធំ១ នៅសហរដ្ឋអាមេរិក មាន Microsoft អស់រយៈពេលប្រមាណជាង ៩ឆ្នាំ។
បច្ចុប្បន្នលោកកំពុងរស់នៅ និងធ្វើការនៅក្នុងសហរដ្ឋអាមេរិក។ លោកបានចំណាយពេលប្រមាណជាង ១៣ឆ្នាំ នៅទីនេះ។ លោកបានបញ្ជាក់ថា ដោយសារលោកមានផែនការច្បាស់លាស់តាំងពីដំបូងពេលចេញទៅរៀនស្រុកគេ ដូច្នេះទើបលោកមិនដែលគិតថា ចង់រស់នៅអចិន្ត្រៃយ៍នៅអាមេរិកឡើយ បើទោះនៅទីនេះមានអ្វីគ្រប់យ៉ាងក៏ដោយ។
ហេតុផលសំខាន់ ៣ ដឹងហើយរំភើប ដែលជំរុញ ឲ្យលោកចង់មកស្រុកខ្មែរនៅពេលអនាគត ដែលជាឆន្ទៈកម្រមាន ដែលគួរពិចារណា មានដូចជា
១. ផ្ដល់ភាពជាគំរូ ក្នុងការដោះស្រាយបញ្ហានានា
កូនខ្មែររូបនេះ បញ្ជាក់ថា ភាគច្រើននៅពេលទៅដល់ទឹកដីគេរីកចម្រើន ប្រាកដណាស់ គឺមិនសូវចង់វិលមកកន្លែង មិនសូវទំនើប ឬពិបាកទេ។
ចំពោះលោក យល់ថា អ្វីដែលពិបាក ឬមានបញ្ហា នោះហើយលោកចង់ចូលរួមដោះស្រាយ។ លោកបន្តថា ចំពោះលោក គឺចូលចិត្តដោះស្រាយបញ្ហា ជាជាងដើរគេចបញ្ហា។
២. យកចំណេះដឹងដែលមានពីស្រុកគេ មកចែកចាយនៅស្រុកខ្មែរ
ដោយសារលោកចង់យកចំណេះដឹង ដែលមានពីស្រុកគេ មកចូលរួមជួយអភិវឌ្ឍប្រទេសកម្ពុជា និងចូលរួមដោះស្រាយបញ្ហាដែលមានក្នុងសង្គម។
លោកបន្តថា បើអ្នកមានចំណេះ ទៅរៀននៅបរទេសហើយមិននាំគ្នាមកវិញ តើស្រុកយើងបានអីនឹងខ្លាំង បើខួរក្បាល និងធនធាន នៅតែប្រមូលផ្ដុំនៅបរទេស ដែលគេរីកចម្រើនស្រាប់នោះ។ លោកថា បើមានធនធានគ្រប់ នោះអាចដោះស្រាយបញ្ហាសង្គមបាន។
៣. កាត់បន្ថយផ្នត់គំនិតអាត្មានិយម
ដោយសារលោកស្រលាញ់ប្រទេសកំណើត ដូច្នេះលោកចង់មករស់នៅរហូតដល់ថ្ងៃស្លាប់។ នៅទីនោះមានសមាជិកគ្រួសារ មិត្តភក្តិ បងប្អូន និងអនុស្សាវរីយ៍ច្រើន។ ការមកនៅស្រុកខ្មែរនេះ គឺចង់ចូលរួមជួយធ្វើឲ្យកម្ពុជា ក្លាយជាប្រទេសដែលគួរគេឲ្យចង់រស់នៅ ប្រៀបដូច សហរដ្ឋអាមេរិក និងសឹង្ហបុរីជាដើម។
វីដេអូ ខាងក្រោមនេះ លោក យី សុជាតិ បានបកស្រាយបន្ថែម ពីមូលហេតុ ដែលលោកចង់វិលមកនៅស្រុកខ្មែរវិញ ដឹងហើយមិនសរសើរមិនបាន។
