- 2023-09-04 10:59:43
- ការអប់រំ
ស្នាមញញឹម ភាពកក់ក្ដៅ ចំណេះដឹងបច្ចេកទេស ទាំងនេះបានមកពីអង្គការ PSE រួមគ្នាបរិច្ចាគថវិកាដើម្បីជួយកុមារកម្ពុជា
- 2023-09-04 10:59:43
- ចំនួនមតិ 0 | ចំនួនចែករំលែក 0
ស្នាមញញឹម ភាពកក់ក្ដៅ ចំណេះដឹងបច្ចេកទេស ទាំងនេះបានមកពីអង្គការ PSE រួមគ្នាបរិច្ចាគថវិកាដើម្បីជួយកុមារកម្ពុជា
ចន្លោះមិនឃើញ
នៅថ្ងៃទី១៦ ខែកញ្ញា ឆ្នាំ២០២៣ ខាងមុខនេះអង្គការភាពញញឹមនៃកុមារ (PSE) នឹងធ្វើកម្មវិធី រាត្រីខួបកំណើតសប្បុរសធម៌ ដែលជាការប្រារព្ធខួបគម្រប់ ៨១ឆ្នាំរបស់ស្ថាបនិកអង្គការ គឺលោកស្រី Marie France Des Palliers ក្នុងគោលបំណងប្រមូលថវិកាទ្រទ្រង់ក៏ដូចជាជួយកុមារកម្ពុជា។
លោកស្រី លក្ខណា គណៈគ្រប់គ្រងអង្គការភាពញញឹម នៃកុមារ បានឲ្យដឹងថា អង្គការបង្កើតឡើងតាំងពីឆ្នាំ១៩៩៦ ក្នុងគោលបំណងដើម្បីជួយកុមារ យុវជន និងគ្រួសារក្រីក្រក្នុងរាជធានីភ្នំពេញ ខេត្តព្រះសីហនុ និងខេត្តសៀមរាប ដោយផ្ដោតសំខាន់លើការផ្ដល់អាហារ ការព្យាបាល ការការពារស្នាក់នៅ ការអប់រំចំណេះទូទៅ បណ្ដុះបណ្ដាលវិជ្ជាជីវៈ និងកិច្ចការសប្បុរសជាច្រើនទៀត។
សព្វថ្ងៃនេះអង្គការកំពុងផ្ដល់ការអប់រំ បណ្ដុះបណ្ដាលវិជ្ជាជីវៈ ព្រមទាំងឧបត្ថម្ភអាហារដល់សិស្សក្រីក្រចំនួន ៦៥០០នាក់ទាំងនៅក្នុងមណ្ឌលភ្នំពេញ និងតាមសាលារដ្ឋមួយចំនួនទៀតក្នុងរាជធានីភ្នំពេញ ខេត្តព្រះសីហនុ និងខេត្តសៀមរាប។
ដើម្បីតម្រូវការរបស់កុមារៗ គណៈគ្រប់គ្រងអង្គការ PSE បានបង្កើតនូវយុទ្ធនាការរៃអង្គាសថវិកាចំនួនពីរគឺ យុទ្ធនាការស្វែងរកជំនួយក្នុងការផ្គត់ផ្គង់អាហារ និងយុទ្ធនាការស្វែងរកសម្ភារសិក្សា។ ជម្រាបដែរថាក្នុងមួយថ្ងៃអង្គការផ្ដល់អាហារជាង ៧០០០ចានដល់កុមារក្រីក្រដែលកំពុងសិក្សា និងស្នាក់នៅក្នុងអង្គការ។
លោកស្រីអំពាវនាវដល់សប្បុរសជន និងបណ្ដាក្រុមហ៊ុនឯកជននានាដែលមានបំណងចង់ចូលរួមជួយដល់កុមារ យុវជនក្រីក្រកម្ពុជា គឺអាចធ្វើការបរិច្ចាគបានជាថវិកា កាបូបសិក្សា ឯកសណ្ឋាន ប៊ិច សៀវភៅ ឬឧបត្ថម្ភជាកញ្ចប់សិក្សារយៈពេល១ឆ្នាំក្នុងសិស្សម្នាក់ៗក៏បានដោយទំនាក់ទំនងមកអង្គការផ្ទាល់ក៏បានតាមគណនេយ្យធនធានរបស់អង្គការ ឬទំនាក់ទំនងតាមហ្វេសបុករបស់អង្គការក៏បាន (វិទ្យាស្ថាន ប៉េ អេស អឺ • PSE Institute)។
បញ្ជាក់ដែរថា កម្មវិធីរាត្រីសប្បុរសធម៌ខួបកំណើតម៉ាមី នឹងធ្វើឡើងនៅថ្ងៃទី១៦ ខែកញ្ញា ឆ្នាំ២០២៣ ក្នុងមជ្ឈមណ្ឌលតែម្ដង និងបើកជូនដល់មហាជនមកទស្សនកិច្ចដោយសារីចាប់ពីម៉ោង ៨ព្រឹកដល់ ៣រសៀ។ ចំពោះថវិកាដែលទទួលបានគឺនឹងដាក់ចូលក្នុងមូលនិធិទ្រទ្រង់ការសិក្សារបស់សិស្សានុសិស្សទាំងអស់៕
