វិទ្យាល័យ ជាស៊ីម ចាប់ផ្ដើមប្រលងជ្រើសរើសសិស្សពូកែប្រចាំសាលា

2017-01-26 08:33:05
ការអប់រំ

2017-01-26 08:33:05
ចំនួនមតិ 0 | ចំនួនចែករំលែក 0

ចន្លោះមិនឃើញ

វិទ្យាល័យជាស៊ីមបានដំណើរការប្រលងជ្រើសរើសសិស្សពូកែប្រចាំឆ្នាំ ២០១៦- ២០១៧ នៅរសៀលថ្ងៃព្រហស្បតិ៍ទី ២៦នេះ ការដឹកនាំរបស់លោកនាយក ទ្រី ឆាយ។

ថ្លែងក្នុងពិធីបើកការប្រលងនេះ លោកនាយកបានប្រាប់Sabayថា៖ បេក្ខជន-បេក្ខនារី ដែលត្រូវជ្រើសមកប្រលងនេះជាសិស្សពូកែតាមថ្នាក់ដែលមានចំណាត់ថ្នាក់ពីលេខ១ដល់លេខ៥ហើយត្រូវបានទទួលស្គាល់ដោយគ្រូតាមមុខវិជ្ជា ។

*នាយកវិទ្យាល័យ ជាស៊ីម លោក ទ្រី ឆាយ*

លោកបន្តអោយដឹងទៀតថា ចំនួនសិស្សចូលរួមប្រលងមាន៩០នាក់សម្រាប់ថ្នាក់ទី ១២ និង ថ្នាក់ទី ៩ មានបក្ខជនសរុប ១២៦នាក់ លើមុខវិជ្ជាភាសាខ្មែរ គណិតវិទ្យា និងរូបវិទ្យា។ ការប្រលងនេះចម្រាញ់យកបេក្ខជន២៧នាក់ សម្រាប់ថ្នាក់ទី១២ និង២១នាក់សម្រាប់ថ្នាក់ទី៩ ហើយបេក្ខជនដែលជាប់ត្រូវត្រៀមខ្លួនប្រលងជាមួយបេក្ខជនមកពីសាលាផ្សេងៗទៀតក្នុងកម្រងដូនកែវនៅថ្ងៃទី ១០ខែកុម្ភៈ ឆ្នាំ ២០១៧ ខាងមុខនេះ។

សូមបញ្ជាក់ថា កម្រងនៅស្រុកដូនកែវមានសាលាចំណុះ៤គឺ៖ វិទ្យាល័យជាស៊ីម វិទ្យាល័យហ៊ុនសែនឈើទាល វិទ្យាល័យហ៊ុនសែនបារាយណ៏ និងអនុវិទ្យាល័យតុំ។ ចំណែកបេក្ខជនដែលប្រលងជាប់ថ្នាក់កម្រងនឹងត្រូវប្រលងប្រកួតប្រជែងជាមួយបេក្ខជនមកពីកម្រងតាមស្រុកផ្សេងៗទៀតដើម្បីដណ្ដើមពានរង្វាន់សិស្សពូកែថ្នាក់ខេត្តនៅពេលខាងមុខ។