- 2018-01-30 00:55:00
- សេដ្ឋកិច្ច
ថាភ្នំតាម៉ៅទៅធំហើយ តែសួនសត្វធំបំផុតនៅភ្នំពេញមួយទៀតត្រៀមបើកឆាប់ៗ
- 2018-01-30 00:55:00
- ចំនួនមតិ 0 | ចំនួនចែករំលែក 0
ថាភ្នំតាម៉ៅទៅធំហើយ តែសួនសត្វធំបំផុតនៅភ្នំពេញមួយទៀតត្រៀមបើកឆាប់ៗ
ចន្លោះមិនឃើញ
សួនសត្វ Phnom Penh Safari World ជាគម្រោងសួនយក្សដ៏ធំចំណាយទុនវិនិយោគរហូតដល់ជាង ១០លានដុល្លារ របស់ក្រុមហ៊ុនអភិវឌ្ឍន៍ LYP គ្រោងនឹងដំណើរការទីតាំងថ្មីប្រមាណ ៨០ហិកតា នៅរាជធានីភ្នំពេញក្នុងពេលឆាប់ៗនេះ។
តាមការឲ្យដឹងពីលោក រឿង សុវណ្ណនិកា ជំនួយការអ្នកគ្រប់គ្រងសួនសត្វ ភ្នំពេញ សាហ្វារី ប្រាប់ Sabay ថា បច្ចុប្បន្នការសាងសង់សម្រេចបានប្រហែល ៩០ភាគរយ ហើយមិនយូរនោះគម្រោងនឹងបញ្ចប់ជាស្ថាពរក្នុងឆ្នាំនេះ។
លោកឲ្យដឹងថា សួនសត្វដ៏ធំមួយនេះ ត្រូវបានរើពីសួនចាស់ស្ថិតក្នុងខេត្តកោះកុងមកកាន់ជាយក្រុងក្នុងតំបន់អភិវឌ្ឍន៍ទីក្រុងរណបថ្មីរបស់អ្នកឧកញ៉ា លី យ៉ុង ផាត់ ក្នុងសង្កាត់ព្រែកតាសេក ខណ្ឌជ្រោយចង្វារ ប្រមាណ ១៨គីឡូម៉ែត្រពីរាជធានីភ្នំពេញ។
លក្ខណៈពិសេសនៃសួនសត្វថ្មីដើម្បីទាក់ទាញភ្ញៀវទេសចរណ៍នោះ គឺបានប្រមូលផ្ដុំសត្វគ្រប់ប្រភេទក្នុងទីតាំងតែមួយ និងបានបញ្ចូលការសាងសង់ក្បូរក្បាច់រចនាខ្មែរ នៅចំពីមុខក្លោងទ្វារតំណាងដោយ កំពូលប្រាសាទអង្គរវត្ត អមជាមួយនឹងព្រៃឈើរាប់សិបហិកតា។ នេះបើតាមជំនួយការអ្នកគ្រប់គ្រងបញ្ជាក់។
គម្រោងសាងសង់រួមមាន៖ -សាលសំដែងសត្វស្វា -សាលសំដែងសត្វបក្សី -សាលសំដែងសត្វខ្លា -សាលសំដែងសត្វក្រពើ -សួនសត្វគ្រប់ប្រភេទ -សួនទឹក -សួនផ្កា ស្មៅ រុក្ខជាតិ -អគារអាហារដ្ឋាន។ល៕
ចុចអានអត្ថបទបន្ទាប់៖
