- 2018-09-25 02:18:54
- ព័ត៌មាន
រសាត់អណ្តែតម្នាក់ឯង លើមហាសមុទ្រប៉ាស៊ីហ្វិក ៤៩ថ្ងៃ អាចមានជីវិត ត្រលប់មកផ្ទះវិញបាន (វីដេអូ)
- 2018-09-25 02:18:54
- ចំនួនមតិ 0 | ចំនួនចែករំលែក 0
រសាត់អណ្តែតម្នាក់ឯង លើមហាសមុទ្រប៉ាស៊ីហ្វិក ៤៩ថ្ងៃ អាចមានជីវិត ត្រលប់មកផ្ទះវិញបាន (វីដេអូ)
ចន្លោះមិនឃើញ
យុវជនឥណ្ឌូនេស៊ីម្នាក់អាចរស់រានមានជីវិតត្រលប់មកផ្ទះវិញ ក្រោយរសាត់អណ្ដែតអស់រយៈពេល ៤៩ថ្ងៃ លើមហាសមុទ្រប៉ាស៊ីហ្វិក បន្ទាប់ពីខ្ទមនេសាទរបស់គេត្រូវខ្យល់បក់បោកទៅឆ្ងាយ។
នៅមុនពេលកើតហេតុ យុវជន Aldi Novel Adilang អាយុ១៩ឆ្នាំ កំពុងធ្វើការនៅលើខ្ទមនេសាទ ដែលអណ្ដែតលើសមុទ្រដ៏ធំធេង ចម្ងាយប្រហែល ១២៥គីឡូម៉ែត្រពីឆ្នេរ North Sulawesi។
ជាអកុសល នៅថ្ងៃទី១៤ ខែកក្កដា ខ្យល់កម្លាំងខ្លាំងបានបក់បោកយុថ្កា និងនាំយកខ្ទមនេសាទរបស់ Aldi ទៅចម្ងាយប្រហែល ២ ៧០០គីឡូម៉ែត្រ ក្នុងរយៈពេល ៧សប្តាហ៍ ខណៈទឹក , ហ្គាស៍ និង ប្រេង សុទ្ធតែមានកំណត់។
រហូតនៅថ្ងៃទី៣១ ខែសីហា Aldi ដែលធ្វើការជាអ្នកបំភ្លឺចង្កៀងដើម្បីទាក់ទាញត្រីនៅក្នុងទឹក អស់រយៈពេល ៣ឆ្នាំ អាចផ្ញើសញ្ញាអាសន្នទៅកាន់កប៉ាល់ MV Arpeggio ដែលស្ថិតនៅលើដែនដី Guam ដើម្បីឲ្យមកជួយសង្គ្រោះរូបគេបាន។
យោងតាមអគ្គកុងស៊ុលឥណ្ឌូនេស៊ី នៅទីក្រុង Osaka ប្រទេសជប៉ុន លោក Mirza Nurhidaya បានឲ្យដឹងថា យុវជនរូបនេះអាចលៃលកអាហារដែលសេសសល់ សម្រាប់រយៈពេល ៧សប្តាហ៍។ ក្រោយពេលអស់ហ្គាស៍ចម្អិនអាហារ Aldi បានដុតឈើដើម្បីបង្កាត់ភ្លើង។ Aldi បឺតទឹកពីសំលៀកបំពាក់របស់ខ្លួន ដែលសើមដោយសារទឹកសមុទ្រ។
យ៉ាងណាមិញ ដោយសារតែជាប់គាំងនៅលើផ្ទៃសមុទ្រយូរពេក យុវជនរូបនេះបានអស់សង្ឃឹមយ៉ាងខ្លាំង និងស្ទើរតែលោតទឹកសម្លាប់ខ្លួន។ Aldi ប្រាប់ថា ពេលដែលលំបាកបំផុត គេព្យាយាមនឹកដល់ដំបូន្មានឪពុកម្ដាយរបស់គេ៕
សូមទស្សនាវីដេអូខាងក្រោម៖
ចុចអាន៖
