- 2018-09-27 06:00:00
- សេដ្ឋកិច្ច
រកស៊ីថ្មីថ្មោង កុំសង្វាតពាណិជ្ជកម្មពេក ខ្វល់ ២ចំណុចនេះសិន ពីម្ចាស់ហាងកំពុងល្បី តាំងសុទ្ធតែសត្វកម្រ
- 2018-09-27 06:00:00
- ចំនួនមតិ 0 | ចំនួនចែករំលែក 0
រកស៊ីថ្មីថ្មោង កុំសង្វាតពាណិជ្ជកម្មពេក ខ្វល់ ២ចំណុចនេះសិន ពីម្ចាស់ហាងកំពុងល្បី តាំងសុទ្ធតែសត្វកម្រ
ចន្លោះមិនឃើញ
ម្ចាស់ហាងកាហ្វេតូច១ ប៉ុន្តែកំពុងល្បី និងទាក់ទាញភ្ញៀវជាតិ អន្តរជាតិបានស្គាល់ តាមរយៈគំនិតដ៏ច្នៃប្រឌិត ប្លែកគេ។ លោកបានចែករំលែកពីគំនិតអាជីវកម្ម២ចំណុច មានប្រយោជន៍ និងមិនចាំបាច់អស់លុយផ្សាយពាណិជ្ជកម្មច្រើន។
នោះគឺលោក ជា រ៉ាទី វ័យ៣២ឆ្នាំ ជាម្ចាស់ហាងល្មូនកាហ្វេ ស្ថិតនៅរាជធានីភ្នំពេញ បានផ្ដល់បទសម្ភាសន៍មកកាន់ Sabayថា មុនចេញរកស៊ីថ្មីថ្មោង ចាំបាច់បំផុតត្រូវគិតពីអ្វីដែលថ្មី មិនទាន់មានអ្នកធ្វើ និងគំនិតអាជីវកម្មមានភាពច្នៃប្រឌិតខ្ពស់។
ត្រង់ចំណុចនេះ មិនមែនបដិសេធទាំងស្រុង ថាមិនឲ្យផ្សាយពាណិជ្ជកម្មទេ ប៉ុន្តែម្ចាស់ហាងវ័យក្មេងរូបនេះ បញ្ជាក់ថា បើមានចំណុចនេះល្អ អាចជាភាពលេចធ្លោ ធ្វើឲ្យអាជីវកម្មដើររលូន មិនចាំបាច់ចាយលុយច្រើនជួលគេផ្សាយពាណិជ្ជកម្មដដែលៗ។
១. ថ្មីប្លែកគេ និងមិនទាន់មានអ្នកធ្វើ
ម្ចាស់ហាងដដែល ចាប់បើកអាជីវកម្មនេះម្នាក់ឯង រយៈពេលជិត១ឆ្នាំមកហើយ គិតពីដើមឆ្នាំ ២០១៨មក។ លោកបានវិនិយោគទិញសត្វល្មូនជាង ២០ប្រភេទ ពីបរទេស មិនមាននៅប្រទេសកម្ពុជា។
សត្វទាំងនោះ គឺមានច្បាប់អនុញ្ញាត ពីក្រសួងកសិកម្ម រុក្ខាប្រមាញ់ និងនេសាទ ក្នុងលក្ខខណ្ឌចិញ្ចឹមតាំងជាលក្ខណៈគ្រួសារ និងមានបញ្ជីតាមដានជាប់លាប់ករណីថែម ឬថយសត្វ។
លោកថា គំនិតនេះ ពិតជាថ្មី និងទាក់ទាញភ្ញៀវជាតិ និងអន្តរជាតិ ពិសេសសារព័ត៌មានក្នុងនិងក្រៅស្រុកចុះផ្សាយជាហូរហែ។ មុនចាប់ផ្ដើម លោកបានចំណាយពេលស្រាវជ្រាវ និងរកឃើញថាវាពិតជាមិនទាន់មានអ្នកធ្វើឡើយ នៅក្នុងប្រទេសកម្ពុជា។
២. គំនិតអាជីវកម្មមានភាពច្នៃប្រឌិតខ្ពស់
ផ្ដើមពីការស្រលាញ់សត្វ ដែលធ្លាប់តែមើលក្នុងទូរទស្សន៍អន្តរជាតិ លោកមានចិត្តចង់ធ្វើអ្វីថ្មី ប្លែក និងចង់ឲ្យប្រជាជនកម្ពុជាបានឃើញផ្ទាល់។ ក្រៅពីហូបកាហ្វេ នៅទីនោះ ភ្ញៀវអាចថតរូប និងប៉ះសត្វទាំងអស់ដែលមាននៅទីនោះឥតគិតថ្លៃ មានដូចជាពស់ថ្លាន់ ឬបង្កួយជាដើម។ ការលេង ឬចាប់កាន់សត្វទាំងនោះ ម្ចាស់ហាង តម្រូវឲ្យភ្ញៀវលាងសម្អាតដៃមុន និងក្រោយ រួមជាមួយបម្រាមមិនឲ្យប៉ះក្បាល ឬកន្ទុយសត្វ ដើម្បីធានាអនាម័យ និងសុវត្ថិភាព។
សូមបញ្ជាក់ថា ជាមធ្យមមានភ្ញៀវជាតិ និងអន្តរជាតិចន្លោះពី ១០០នាក់ បានចេញចូល ទៅញ៉ាំកាហ្វេ និងលេងកម្សាន្ត ទទួលអារម្មណ៍ប្លែកបំផុត ជាមួយពពួកសត្វល្មូនទាំងនោះ។ ក្រុមសត្វទាំងអស់ដាក់តាំងនៅទីនេះ គឺអាចឲ្យភ្ញៀវប៉ះ ថតរូប ឬថើបបាន ព្រោះពួកវាមិនមានពិស។ នេះបើតាម ការបញ្ជាក់ពីលោក ជា រ៉ាទី។