- 2018-12-04 02:32:30
- សេដ្ឋកិច្ច
អ្នករកស៊ីអចលនទ្រព្យ បើមាន២យ៉ាងនេះ ដឹងតែអាចរកចំណូលខ្ទង់ម៉ឺនដុល្លារ
- 2018-12-04 02:32:30
- ចំនួនមតិ 0 | ចំនួនចែករំលែក 0
អ្នករកស៊ីអចលនទ្រព្យ បើមាន២យ៉ាងនេះ ដឹងតែអាចរកចំណូលខ្ទង់ម៉ឺនដុល្លារ
ចន្លោះមិនឃើញ
មានជំនាញច្បាស់ និងមានក្រុមហ៊ុនច្បាស់លាស់ ទើបធ្វើឲ្យអតិថិជនទុកចិត្ត ហ៊ានទិញគម្រោង ដែលមានតម្លៃរាប់សិបម៉ឺនដុល្លារ។ នេះជាអ្វីដែល លោក ខន គង្គា ជាអគ្គនាយកក្រុមហ៊ុន លក់អចលនទ្រព្យឈ្មោះថា ERA ប្រចាំនៅកម្ពុជា។ ក្រុមហ៊ុននេះ ទើបសម្ពោធជាផ្លូវការ កាលពីខែវិច្ឆិកា ឆ្នាំ២០១៨ កន្លងទៅ និងបានផ្ដល់កន្លែងការងារចំនួន១០០កន្លែង ដល់អ្នកលក់អចលនទ្រព្យកម្ពុជា។
ប្រធានក្រុមហ៊ុនរូបនេះលើកឡើងថា កត្តាធនធានមនុស្ស គឺសំខាន់ជាងគេ។ ធនធានមនុស្សដែលអាចបម្រើការក្នុងការលក់អចលនទ្រព្យបានជោគជ័យ គឺត្រូវការបណ្ដុះបណ្ដាលយ៉ាងឆ្អិនឆ្អៅ ទាំងជំនាញផ្នែកអចលនទ្រព្យ ជំនាញផ្នែកលក់ និងវិជ្ជាជីវៈក្នុងការបំពេញការងារ។
ជាមួយគ្នានេះ ភ្នាក់ងារលក់អចលនទ្រព្យម្នាក់ គឺលោក ហ៊ុន វ៉ាឡែន បានប្រាប់ថា លោកចូលប្រឡូកក្នុងរបរលក់អចលនទ្រព្យនេះ ក៏ដោយសារចង់ទទួលយកបទពិសោធន៍ក្នុងការធ្វើជំនួញ និងទទួលបានប្រាក់ចំណូលខ្ពស់ ព្រោះថា ជាភ្នាក់ងារលក់គម្រោងសំណង់ម្នាក់ ធ្វើការដូចជាម្ចាស់អាជីវកម្មមួយរូបដែរ ព្រោះមានប្រាក់ខែផង និងប្រាក់កម្រៃជើងសា (Commission) ផង។
លោកហុង សុភារ៉ា ជាអ្នកលក់គម្រោងអចលនទ្រព្យម្នាក់ទៀត បានលើកឡើងថា ដោយសារលោកមើលឃើញថា វិស័យអចលនទ្រព្យកំពុងរីកចម្រើនខ្លាំងនៅកម្ពុជា ហើយវាជាកន្លែង ដែលអាចរកចំណូលបានច្រើន និងជាចំណង់ចំណូលចិត្តផ្ទាល់ខ្លួនផង ទើបលោកឈានជើងចូលបម្រើការក្នុងវិស័យនេះ។
បើទោះបីឆ្នាំ ២០១៨នេះ ការវិនិយោគលើវិស័យសំណង់ ស្ថិតនៅក្នុងកំណើនទាបជាងឆ្នាំទៅក្ដី ពោលទាប ១ពាន់លានដុល្លារ បើតាមរបាយការណ៍ក្រសួងរៀបចំដែនដី នគរោបនីយកម្ម និងសំណង់ ក៏ប៉ុន្តែបណ្ដាអ្នកវិយោគធំៗ ជាច្រើនហាក់បង្ហាញថា មិនមានកង្វល់ឡើយ ព្រោះតម្រូវការក្នុងវិស័យអចលនទ្រព្យនៅតែមានកំណើនល្អ៕
