- 2015-04-24 22:45:12
- ការអប់រំ
អត់ជឿរឿងក្រសួងតឹង សិស្សបាក់ឌុបសាលាសម្ដេចឪឆ្នាំមុនជាប់តិច ចុះឆ្នាំនេះ?
- 2015-04-24 22:45:12
- ចំនួនមតិ 0 | ចំនួនចែករំលែក 0
អត់ជឿរឿងក្រសួងតឹង សិស្សបាក់ឌុបសាលាសម្ដេចឪឆ្នាំមុនជាប់តិច ចុះឆ្នាំនេះ?
ចន្លោះមិនឃើញ
ឆ្នាំសិក្សា២០១៣-២០១៤ នៅវិទ្យាល័យសម្ដេចឪនៃក្រុងបាត់ដំបងជាប់ត្រឹម ១៥% ប៉ុណ្ណោះក្នុងចំណោមសិស្សប្រលងបាក់ឌុប ២១៤៧ នាក់។ នេះជាការប្រាប់ឲ្យដឹងរបស់លោក លន់ ចាន់អុង នាយករងនៃវិទ្យាល័យខាងលើ។
ទន្ទឹមនឹងនឹងរឿងនេះ យុវជន ធិន ប៊ុនសង សិស្សថ្នាក់ទី ១២ B នៃវិទ្យាល័យម្ដេចឪឆ្នាំសិក្សា ២០១៤-២០១៥ បានប្រាប់ Sabay ថា ៖"ខ្ញុំគិតថាក្រសួងអប់រំអត់តឹងរ៉ឹងអីចឹងផងឆ្នាំមុន ស្មានតែថាលេងដូចរាល់ឆ្នាំ។ ដល់ឃើញលទ្ធផលធ្លាក់ច្រើនទើបខ្ញុំជឿ”។
ដោយសារតែក្រសួងរឹតបន្តឹងរឿងបើកចម្លងសំណៅឯកសារយ៉ាងដូច្នេះ បានធ្វើឲ្យ ប៊ុនសង ប្រឹងពុះពាររៀនជាងមុនដើម្បីត្រៀមប្រលង Bac II ឆ្នាំនេះ។ ប៊ុនសង រៀនគួររហូតដល់ ៥ មុខវិជ្ជារួមមាន គណិតវិទ្យា ខ្មែរ រូបវិទ្យា គីមី និង ជីវៈវិទ្យា ព្រោះមិនចង់ប្រលងធ្លាក់។
ជាមួយគ្នានេះ កញ្ញា សេរី រំដួល សិស្សថ្នាក់ទី ១២ D ឆ្នាំសិក្សា និងសាលាដដែលបានបង្ហើបប្រាប់ដែរថា ៖"ខ្ញុំត្រូវតែប្រឹងរៀន ព្រោះខ្ញុំចង់ប្រលងជាប់ឆ្នាំនេះ កុំឲ្យឌុបថ្នាក់។ ខ្ញុំភ័យ ព្រោះខ្ញុំឃើញគេធ្លាក់ច្រើនឆ្នាំមុន”។
ពាក់ព័ន្ធរឿងដែលក្រសួងរឹតបន្តឹងការប្រលងមធ្យមសិក្សាទុតិយភូមិនេះ លោក នាយករងបានថ្លែងបន្ថែមថា សិស្សានុសិស្សខិតខំប្រឹងប្រែងខ្លាំង និង ស្ទុះស្ទាជាងឆ្នាំមុន។ លោកសង្ឃឹមយ៉ាងមុតមាំថា សិស្សនៃវិទ្យាល័យរបស់លោកនឹងប្រលងជាប់ច្រើនជាងឆ្នាំសិក្សាចាស់។
លោកនាយករង លន់ ចាន់អុង
ឆ្នាំសិក្សា ២០១៣-២០១៤ សិស្សប្រឡងជាប់សញ្ញាប័ត្រទុតិយភូមិចំនួន ២៣១២៦ នាក់ប៉ុណ្ណោះ ឬ ស្នើនឹង២៥,៧២% នៃ បេក្ខជនសរុបចំនួន ៨៩៩៣៧ នាក់នៅទូទាំងប្រទេស។ ក្នុងចំណោមអ្នកជាប់ Bac II មាននិទ្ទេស A ចំនួន ១១ នាក់ និទ្ទេស B ចំនួន ២៨៩ នាក់ និទ្ទេស C ចំនួន ៨០០នាក់ និទ្ទេសD ចំនួន ១៨៣២ នាក់ និង និទ្ទេស E ជាងពីរម៉ឺននាក់៕ ចុចអាន សិស្សឆ្នើមៗ ៣០នាក់ប្រចាំសៀមរាប ត្រៀមដណ្ដើមជយលាភីសិស្សពូកែទូទាំងប្រទេស
អត្ថបទ៖ ឆន ទិត្យ
