ប្រហែល​ជា​កន្លះ​ម៉ោង​មុន​នេះ​ ក្រសួង​អប់រំ​យុវជន ​និង​ កីឡា​បាន​បង្ហោះ សេចក្ដី​ជូន​ដំណឹង​ពី​ក្រសួងការងារ​ណ្ដុះ​បណ្ដាល និង ​វិជ្ជា​ជីវៈ​ អំពី​ការ​ផ្ដល់​អាហារូបករណ៍​ ដល់​អ្នក​ជាប់​ និង​ ធ្លាក់​បាក់ឌុប ទាំង​ឆ្នាំ​ ២០១៥ និង​ ឆ្នាំ​មុន​ៗ។

ការ​ប្រកាស​លទ្ធផល សញ្ញាប័ត្រ​មធ្យមសិក្សា​ទុតិយភូមិឆ្នាំសិក្សា ​២០១៤-២០១៥ នឹង​ធ្វើ​ឡើង​នៅ​ថ្ងៃ​ទី ១៥ ខែ​កញ្ញា សម្រាប់​មណ្ឌល​ភ្នំពេញ និង ខេត្ត​កណ្ដាល ខណៈទូទាំង​ប្រទេសនៅ​ថ្ងៃ​ទី​ ១៦ ខែ​កញ្ញា។ ទោះបីជាយ៉ាងណា សាកលវិទ្យាល័យ​មួយ​ចំនួន បាន​ចាប់​ផ្ដើម​ផ្ដល់​អាហារូបករណ៍​ ជា​បណ្ដើរៗ​ហើយតួយ៉ាង​សាកលវិទ្យាល័យ​ មេគង្គ​កម្ពុជា បាន​ផ្ដល់​ការ​ប្រឡងអាហារូបករណ៍ ថ្នាក់​បរិញ្ញាបត្រ ១.០០០ កន្លែង​ ដល់​​សិស្ស​ជាប់​ចាប់​ពី​ឆ្នាំ ២០១៣ ដល់ ២០១៥។

​ដូច​មណ្ឌល​ផ្សេង​ទៀត​នៅ​ទូទាំង​ប្រទេស ​ម៉ោង​​ជាង​ ៦ ​ ​ព្រឹក​នេះ​ ​មណ្ឌល​បាក់​ទូក​​ ​និង​​វិទ្យាល័យ​ហ៊ុន សែន​សេរីភាព​បាន​បើក​ឲ្យ​បេក្ខជន​ចូល​ប្រឡង​​បាក់ឌុប​ដោយ​មាន​ការ​ឆែកឆេរ​យ៉ាង​យក​ចិត្ត​ទុក​ដាក់​ពី​សំណាក់​លោកគ្រូ ​អ្នក​គ្រូ ​​និង​មាន​ការ​ឃ្លាំ​មើល​ពី​អ្នក​សង្កេតការណ៍​ព្រមទាំង​​មន្ត្រី​ប៉ូលិស​យាមកាម​បាន​យ៉ាង​យក​ចិត្ត​ទុក។ ​​ទោះ​ជា​យ៉ាងណា ​​ការ​ឆែកឆេរ​ប្រព្រឹត្តិ​ទៅ​ដោយ​រលូន​ ឃើញ​ថា ​មិន​មាន​ករណី​យក​សំណៅ​ឯកសារ ​ឬ​សកម្មភាព​មិន​ប្រក្រតី​ណាមួយ​កើត​​ឡើងទេ។ ​​ខាង​ក្រោម​ជា​ទិដ្ឋភាព​មួយ​ចំនួន​នៃ​ការ​ឆែកឆេរ​ទៅ​លើ​បេក្ខជន​​មុន​ចូល​មណ្ឌល​ប្រឡង៖

ក្រុម​អ្នក​រកស៊ី​ថត​ចម្លង​ក្បែរ​មណ្ឌល​ប្រលង​បាក់ឌុប​ឆ្នាំ​នេះ បាន​ឲ្យ​ដឹង​ថា ពួកគេ​គាំទ្រ​ចំណាត់​ការ​របស់​ក្រសួង​អប់រំ ហើយ​បាន​ស្ម័គ្រចិត្ត​បិទ​របរ​រកស៊ី​នេះ​ពីរ​ថ្ងៃ​ក្នុង​អំឡុង​នៃ​ការ​ប្រលង​បាក់ឌុប​ ២៤-២៥ ខែ សីហា ឆ្នាំ ២០១៥។

​ក្រសួង​អប់រំ ​យុវជន និង​កីឡា​នឹង​បិទ​ទីតាំង​ថត​ចម្លង​សំណៅ​ឯកសារ​នានា​ដែល​នៅ​​កៀក​នឹង​មណ្ឌល​ប្រឡង​​រយៈពេល​ពីរ​ថ្ងៃ​ ចំ​សម័យ​ប្រឡង​មធ្យមសិក្សា​ទុតិយភូមិ​ថ្ងៃ​ទី ២៤​ និង​ ២៥ ​សីហា​ខាងមុខ​។