សាធ សូរ្យដានី៖ បង្ហើបគន្លឹះតូចៗ ធ្វើជាមនុស្សស្រីឆ្លាត ពូកែ ទាន់ខ្លួននៅក្មេង(វីដេអូ)

2018-07-04 09:34:07
ការអប់រំ

2018-07-04 09:34:07
ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្សស្រីនៅក្នុងសង្គមបច្ចុប្បន្នត្រូវបានគេមើលឃើញពីភាពផ្លាស់ប្ដូរជាច្រើន ក្រោយសម័យកាលកាន់តែទំនើបបានចូលមកដល់។ ការផ្លាស់ប្ដូរមនុស្សស្រីទៅជាមេដឹកនាំមិនមែនត្រឹមតែផ្ទះសំបែង ថែមទាំងភាពប៉ិនប្រសព្វ និងភាពម៉ត់ចត់រាល់កិច្ចការដូចមនុស្សប្រុសជោគជ័យឯទៀត។ ថ្ងៃនេះ Sabay ណែនាំប្រិយមិត្តស្គាល់ស្ត្រីកម្ពុជាមួយរូប សំបូរវោហារសព្ទ កញ្ញា សាធ សូរ្យដានី ជាមនុស្សស្រីដ៏ឆ្នើមម្នាក់ក្នុងវិស័យការងារ និងកិច្ចការសង្គម។

កញ្ញា សាធ សូរ្យដានី ជាអតីតសិស្សនិទ្ទេស A ឆ្នាំ ២០១២ នៅរាជធានីភ្នំពេញ អ្វីដែលគួរឲ្យចាប់អារម្មណ៍នោះ ដានីបានចាប់យកការងារស្ម័គ្រចិត្តតាមអង្គការតាំងពីរៀនថ្នាក់វិទ្យាល័យម្ល៉េះ។ ក្រោយបញ្ចប់ថ្នាក់ទី១២ យុវតីរូបនេះ បានទទួលអាហាររូបករណ៍សិក្សាមិនគិតថ្លៃរហូតដល់ ៣ សាកលវិទ្យាល័យដែលមានជំនាញទីផ្សារ គណនេយ្យ និងទំនាក់ទំនងអន្តរជាតិ។

បទពិសោធន៍ការងារច្រើនឆ្នាំ មិនបានធ្វើឲ្យយុវតីទីក្រុងនេះ ខកបំណងឡើយ ចូលថ្នាក់សាកលវិទ្យាល័យ ដានីត្រូវបានក្រុមហ៊ុនជាច្រើនទាក់ទងធ្វើការកាន់ដំណែងខ្ពស់។ បច្ចុប្បន្ន កញ្ញារូបស្រស់ ២២ឆ្នាំនេះ មានតួនាទីប្រធានគ្រប់គ្រងអភិវឌ្ឍធុរកិច្ចនៅក្រុមហ៊ុនអន្តរជាតិមួយ និងជាស្ថាបនិករៀបចំកម្មវិធីវេទិកាសាធារណៈផងដែរ។

យ៉ាងណាក្ដីនៅក្នុងសង្គមបច្ចុប្បន្ន ស្ត្រីកម្ពុជាមួយចំនួនធំ ពិបាកណាស់ក្នុងការគេចផុតពីច្បាប់ទម្លាប់គ្រួសារ គ្មានសមភាពក្នុងស្ថាប័នការងារ និងជួបបញ្ហាច្រើនជាងបុរស។ ប៉ុន្តែកញ្ញា ដានី និយាយថា យើងរស់នៅក្នុងសង្គមមនុស្សដែលជៀសមិនផុតពីបញ្ហា និងរឿងបរាជ័យនោះឡើយ ហេតុនេះខ្លួនយើងគឺជាបុគ្គលទី១ ដ៏សំខាន់បំផុតដែលត្រូវដាស់តឿនខ្លួនឯង កំពុងធ្វើអ្វី ដើម្បីអ្វី ធ្វើដើម្បីអ្នកណា។

ចង់ដឹងពីមេរៀនជីវិតរបស់យុវតីវ័យក្មេង រូបនេះ មានអ្វីខ្លះ អាចជួយឲ្យស្ត្រីឯទៀតអាចរឹងមាំ និងឈរបានទីកន្លែងខ្ពស់ដូចមនុស្សប្រុសដទៃនោះ សូមតាមដានវីដេអូខ្លីដូចតទៅ៖