- 2018-08-27 03:02:38
- សេដ្ឋកិច្ច
កូរ៉េខាងត្បូង និងស៊ុយអែត ជាប់ជាប្រទេសច្នៃប្រឌិតបំផុត ខណៈកម្ពុជាជាប់លេខ...
- 2018-08-27 03:02:38
- ចំនួនមតិ 0 | ចំនួនចែករំលែក 0
កូរ៉េខាងត្បូង និងស៊ុយអែត ជាប់ជាប្រទេសច្នៃប្រឌិតបំផុត ខណៈកម្ពុជាជាប់លេខ...
ចន្លោះមិនឃើញ
កូរ៉េខាងត្បូង និងស៊ុយអែត បានជាប់ឈ្មោះជាប្រទេសដែលមានការច្នៃប្រឌិតបំផុតនៅលើពិភពលោក ដោយផ្អែកលើកត្តាមួយចំនួនដូចជា អាំងតង់ស៊ីតេនៃការស្រាវជ្រាវ និងការអភិវឌ្ឍន៍ , តម្លៃបន្ថែមនៃការផលិត , ផលិតភាព , ដង់ស៊ីតេនៃបច្ចេកវិទ្យាកម្រិតខ្ពស់ , ប្រសិទ្ធិភាពនៃការអប់រំកម្រិតទី៣ , ការប្រមូលផ្ដុំអ្នកស្រាវជ្រាវ និង សកម្មភាពប៉ាតង់។
កូរ៉េខាងត្បូង គឺជាប្រទេសកំពូលមួយដែលមានក្រុមហ៊ុនបានដាក់ពាក្យប៉ាតង់ច្រើនបំផុតនៅក្នុងឆ្នាំ២០១៧។ គេហទំព័រ Bloomberg ដែលចងក្រងចំណាត់ថ្នាក់នេះ ដោយផ្អែកលើទិន្នន័យពីប្រភពនានាដូចជា ធនាគារពិភពលោក (World Bank) , មូលនិធិរូបិយវត្ថុអន្តរជាតិ (IMF) និង អង្គការសម្រាប់កិច្ចសហប្រតិបត្តិការសេដ្ឋកិច្ចនិងការអភិវឌ្ឍន៍ (OECD) បានរកឃើញថា ក្រុមហ៊ុន Samsung គឺជាមូលហេតុចម្បង ដែលជួយឲ្យកូរ៉េខាងត្បូងទទួលបានចំណាត់ថ្នាក់កំពូលនេះ។
ជាការពិតណាស់ Samsung គឺជាក្រុមហ៊ុនអេឡិចត្រូនិកយក្ស ដ៏មានតម្លៃបំផុតរបស់កូរ៉េខាងត្បូង ហើយបានទទួលប័ណ្ណប៉ាតង់របស់អាមេរិកច្រើនជាងក្រុមហ៊ុននានា ក្រៅពីក្រុមហ៊ុន IBM ចាប់តាំងពីការចាប់ផ្ដើមមក។
ចំណែកឯស៊ុយអែតវិញ ទទួលបានចំណាត់ថ្នាក់លេខ២ ដោយសារតែជារាជធានីសម្រាប់ការចាប់ផ្ដើមក្រុមហ៊ុនបច្ចេកវិទ្យា។ មិនតែប៉ុណ្ណោះ វាសម្បូរទៅដោយក្រុមហ៊ុនបច្ចេកវិទ្យាធំៗរបស់អឺរ៉ុប ហើយឈរនៅលំដាប់ទី២ បន្ទាប់ពី Silicon Valley បើនិយាយអំពីក្រុមហ៊ុនបច្ចេកវិទ្យា ដែលមានតម្លៃរាប់ពាន់លានដុល្លារ។
យ៉ាងណាមិញ នៅក្នុងចំណាត់ថ្នាក់កំពូលទាំង៥០ មានប្រទេសជាសមាជិកអាស៊ានចំនួន៣ ឈរនៅលើនោះ គឺ សិង្ហបុរី ជាប់លេខ៣ , មីយ៉ាន់ម៉ា ជាប់លេខ២៦ និង ថៃ ជាប់លេខ៤៥ ខណៈប្រទេសកម្ពុជាឈរនៅលេខ៦៧៕
ចុចអាន៖