- 2018-10-02 04:08:04
- សេដ្ឋកិច្ច
បាត់បង់មេចំណូលប្រចាំគ្រួសារ តែសំណាងមានអ្នកទប់ទល់ជួយសងជំនួសលើកម្ចីមុនៗ
- 2018-10-02 04:08:04
- ចំនួនមតិ 0 | ចំនួនចែករំលែក 0
បាត់បង់មេចំណូលប្រចាំគ្រួសារ តែសំណាងមានអ្នកទប់ទល់ជួយសងជំនួសលើកម្ចីមុនៗ
ចន្លោះមិនឃើញ
អ្នកស្រី សែន ស្រី ជាអាជីវករលក់ត្រីនៅផ្សារចាស់ក្នុងទីក្រុងភ្នំពេញ និងជាអតិថិជនកម្ចីរបស់ ហត្ថាកសិករ។ ជារឿងដែលនឹកស្មានមិនដល់ លោកស្រីបានជួបគ្រោះថ្នាក់ដោយចោរឆក់ ដែលបណ្ដាលឲ្យគ្រោះថ្នាក់ រហូតបាត់បង់ជីវិត។ ទោះបីជាបានចាកចេញទៅគ្មានថ្ងៃត្រឡប់ក្ដី ក៏អ្នកស្រីមិនឲ្យកូនៗ មានការលំបាកក្នុងការសងកម្ចីជំនួសដែរ។ ដោយអ្នកស្រី បានទិញសេវាធានារ៉ាប់រងឥណទានរបស់ក្រុមហ៊ុនធានារ៉ាប់រងអាយុជីវិត សុវណ្ណាភូមិ ឡាយហ្វ៍ ដែលជាដៃគូចែកចាយសេវាធានារ៉ាប់រងអាយុជីវិតរបស់ ហត្ថាកសិករ។
ពេលដែលទទួលកម្ចីជាមួយហត្ថាកសិករ ទើបកម្ចីទាំងអស់របស់គាត់ត្រូវបានការទូទាត់សងជំនួសក្រុមគ្រួសារមិនតែប៉ុណ្ណោះនៅសល់មួយចំណែកទៀតគឺប្រគល់ជូនអ្នកស្រី ហុង ស្រ៊ី ដែលជាកូនស្រីទៀតផង។
នៅថ្ងៃទី ០៥ ខែកញ្ញា ឆ្នាំ ២០១៨ អ្នកស្រី ហុង ស្រ៊ី បានមកទទួលសំណងពីក្រុមហ៊ុនធានារ៉ាប់រងអាយុជីវិត សុវណ្ណាភូមិ ឡាយហ្វ៍ ។ គាត់ពិតជាមានការសោកស្តាយចំចំពោះការបាត់បង់ម្ដាយជាទីស្រឡាញ់របស់គាត់ណាស់។
លោកឧកញ៉ា ហួត អៀងតុង អគ្គនាយកនៃគ្រឹះស្ថានមីក្រូហិរញ្ញវត្ថុ ហត្ថាកសិករ បានចូលរួមរំលែកទុក្ខថា៖ "តាំងនាមឲ្យថ្នាក់ដឹកនាំ និងបុគ្គលិកទាំងអស់របស់ ហត្ថាកសិករ យើងខ្ញុំសូមចូលរួមរំលែកទុក្ខយ៉ាងក្រៀមក្រំចំពោះក្រុមគ្រួសារ ដែលបាត់បង់ម្ដាយជាទីស្រឡាញ់ និង ជាទីជំហររបស់កូនៗ"។
ហត្ថកសិករ និង សុវណ្ណាភូមិ ឡាយហ្វ៍ នឹងបន្តសហការគ្នាដើម្បីផ្តល់ការការពារផ្នែកហិរញ្ញវត្ថុជូនដល់ប្រជាជនកម្ពុជាគ្រប់ជាន់ថ្នាក់ ជាពិសេសគឺក្រុមគ្រួសាររបស់អតិថិជនដែលមានកម្ចី កុំឲ្យពួកគាត់ធ្លាក់ក្នុងវិបត្តិហិរញ្ញវត្ថុ នៅពេលដែលមេចំណូលគ្រួសារជួបគ្រោះអកុសលណាមួយ ហើយមិនអាចមានលទ្ធភាពបង់កម្ចីបាន៕
