- 2018-11-04 07:39:35
- ស្នេហា
គ្មានអ្វីទៀងទាត់! រឿង៥យ៉ាងនេះ នឹងកើតឡើង ពេលស្រលាញ់គ្នាលើសពី៥ឆ្នាំ
- 2018-11-04 07:39:35
- ចំនួនមតិ 0 | ចំនួនចែករំលែក 0
គ្មានអ្វីទៀងទាត់! រឿង៥យ៉ាងនេះ នឹងកើតឡើង ពេលស្រលាញ់គ្នាលើសពី៥ឆ្នាំ
ចន្លោះមិនឃើញ
គ្មានអ្វីមួយដែលទៀងទាត់ឡើយនៅលើលោកនេះ សូម្បីចិត្តរបស់ខ្លួនឯងនៅតែគ្រប់គ្រងមិនបានផង។ មិនខុសអីពីជីវិតគូស្នេហ៍ ពេលដែលស្រលាញ់គ្នាកាន់តែយូរ អ្វីៗក៏ចាប់ផ្ដើមប្រែប្រួលទៅតាមពេលវេលា មិនអាចដូចគ្នានឹងពេលចាប់ផ្ដើមឡើយ។ ខាងក្រោមនេះ ជារឿងរ៉ាវមួយចំនួន តែងកើតឡើងនៅពេលគូស្នេហ៍ស្រលាញ់គ្នា លើសពី៥ឆ្នាំ៖
១. ពីមុនចេះលួងគ្នាពេលម្នាក់ណាអន់ចិត្ត ឬខឹង តែពេលនេះគេមិនទ្រទៀតទេ
ពេលដែលចាប់ផ្ដើមស្រលាញ់គ្នាដំបូង ពេលអ្នកណាខឹង ឬអន់ចិត្តនឹងគ្នា ម្នាក់ទៀតតែងព្យាយាមលួងលោម តាមយកចិត្ត តែពេលស្គាល់ចិត្តគ្នាច្បាស់ បែរជាលែងសូវយកចិត្តទកដាក់ឬអើពើដូចពីមុនទៀតទេ។ បែរជាមានអារម្មណ៍ថាធុញ មានអារម្មណ៍ហត់នឹងឃើញរូបភាពទាំងនេះ ចួនកាលក៏ទុកដៃគូចោល រហូតទាល់តែគេឈប់ខឹងដោយខ្លួនឯង បើគេមិនបាត់ខឹងក៏ហី។
រឿងនេះអាចកើតឡើងដោយសារម្នាក់ៗ យល់ថាធំៗអស់ហើយ មានរឿងអីបញ្ហាអី គួរតែនិយាយគ្នាឲ្យច្បាស់ និងរកដំណោះស្រាយ មិនមែនធ្វើដូចកាលស្គាល់គ្នាដំបូង បេះដូងម្នាក់ៗហាក់នៅក្មេងខ្ចីនោះទេ។
២. មិនមានពេលវេលាផ្អែមល្ហែមរាល់ថ្ងៃដូចពីមុន
កាលយើងទើបស្គាល់គ្នា ពេលដែលពន្លកស្នេហ៍កំពុងរីកដុះដាល ម្នាក់ៗបាត់មុខគ្នាមួយថ្ងៃមិនបាន ព្រោះតែបេះដូងកំពុងត្រូវការគ្នាខ្លាំង។ តែលើលោកនេះវាគ្មានអ្វីឋិតថេរ ពេលជួបមុខគ្នាឆ្អែតឆ្អន់ ស្រលាញ់គ្នាកាន់តែយូរ ធ្វើឲ្យម្នាក់ៗ មានអារម្មណ៍ថា មិនជួបគ្នាមួយថ្ងៃក៏មិនអី វាខុសកាលពីមុនសឹងតែបែក១នាទីមិនបាន។ តែនេះមិនមែនមានន័យថា អ្នកទាំង២លែងស្រលាញ់គ្នាទេ គ្រាន់តែម្នាក់ៗចង់ចំណាយពេលឲ្យអ្នកផ្សេងក្រៅពីគូស្នេហ៍ ដូចជាពេលវេលាសម្រាប់គ្រួសារ មិត្តភក្ដិ និងពេលខ្លះក៏ចង់ទៅណាមកណាតែម្នាក់ឯងដោយសេរីភាព។
៣. លែងសូវផ្ញើសារ ឬខលរកគ្នាញឹកញាប់ដូចពីមុន
ពីមុនដោយសារយើងមិនទាន់ស្គាល់គ្នាច្បាស់ ម្ល៉ោះហើយតែងចង់បង្កើតភាពស្និទ្ធស្នាល ដើម្បីឈានទៅរកទៅរកការបង្កើតស្នេហាមួយ។ ជាពិសេសនោះចង់ដឹងពីទម្លាប់ប្រចាំថ្ងៃ ពេលព្រឹកគេទៅណា ពេលថ្ងៃគេធ្វើអី? តែពេលស្គាល់គ្នាច្បាស់ ដឹងថាម្នាក់ៗមានទម្លាប់បែបណាប្រចាំថ្ងៃ ក៏លែងសូវចង់ដឹងចង់លឺដូចពីមុនទៀតហើយ។
ចំណុចនេះ អ្នកទាំងពីរត្រូវតែយល់ពីគ្នាឲ្យច្បាស់ បើមិនដូច្នេះទេ មុខជាចោទប្រកាន់រករឿងឈ្លោះគ្នាមិនឡើយ។
៤. ចាប់ផ្ដើមមើលឃើញពីកំហុសគ្នា
កាលទើបស្រលាញ់គ្នា អាក្រក់ក៏ទៅជាល្អ ខ្មៅក៏ទៅជាស ព្រោះម្នាក់ៗកំពុងស្រលាញ់គ្នា ទោះឃើញទង្វើខ្លះ ឬកាយវិការខ្លះ មិនត្រូវចិត្តរបស់ខ្លួន ក៏ព្យាយាមលាក់ទុកក្នុងចិត្ត ដោយគិតថាព្រមទទួលយកគ្រប់បែបយ៉ាងពីគេ។ តែថាមនុស្សយើង ពេលខ្លះនៅខឹងនឹងខ្លួនឯង មិនពេញចិត្តនឹងខ្លួនឯង ចុះទម្រាំគូស្នេហ៍របស់ខ្លួន ដែលពីមុនជាអ្នកដទៃសុទ្ធសាធ រឿងអីគេធ្វើឲ្យយើងពេញចិត្តតែរហូតនោះ។ ពីមុនមើលឃើញ ក៏ធ្វើមិនឃើញពីកំហុសគេដែរ តែពេលស្គាល់គ្នាច្បាស់ ម្នាក់ៗព្រលះគ្នាគ្មានទុកឡើយ។
បើមិនចង់មានរឿងឈ្លោះទាស់ទែងនឹងគ្នា គួរតែនិយាយគ្នាត្រង់ៗ ពេលមានរឿងណាមួយមិនពេញចិត្តនឹងគ្នា ហើយដោះស្រាយដោយមានគតិក្នុងខ្លួន។
៥. ទៅណាមកណាជាមួយគ្នាក៏ល្អូកល្អិនខ្លាំងដូចពីមុនដែរ
«ចាស់ៗអស់ហើយ ទៅធ្វើអីដូចពីមុនទៀត» ជាឃ្លាមួយឧស្សាហ៍លឺពីគូស្នេហ៍ភាគច្រើនបំផុត។ មិនដឹងថាមកពីឲ្យប្រាកដដែរ បានជាធ្វើឲ្យអ្នកទាំង២ទៅជាបែបនេះ ចួនកាលអាចមកពីមិនរំជើបរំជួលដូចពីមុន ភាពផ្អែមល្ហែមផ្ដល់ឲ្យគ្នាពីមុនមកវាលើសលប់ពេក ធ្វើឲ្យអ្នកទាំង២ហាក់នឿយណាយនាបច្ចុប្បន្ននេះ។ ដូចនេះអ្នកទាំង២ត្រូវទទួលស្គាល់ការពិតពីការវិវត្តន៍ នៃចិត្តរបស់ខ្លួនឯង ហើយត្រូវរៀនយល់ពីចិត្តរបស់ដៃគូ ដែលមិនខុសគ្នាពីចិត្តរបស់យើងនៅពេលនេះឡើយ៕
