- 2018-11-13 09:27:27
- ស្នេហា
ប្រុសៗសម័យ២០១៨ បើមាន៧យ៉ាងនេះ ដឹងតែលេចធ្លោបំផុត ស្រីណាក៏ចង់បានធ្វើប្ដី
- 2018-11-13 09:27:27
- ចំនួនមតិ 0 | ចំនួនចែករំលែក 0
ប្រុសៗសម័យ២០១៨ បើមាន៧យ៉ាងនេះ ដឹងតែលេចធ្លោបំផុត ស្រីណាក៏ចង់បានធ្វើប្ដី
ចន្លោះមិនឃើញ
មនុស្សម្នាក់ៗសុទ្ធតែមានចំណុចពិសេស និងភាពទាក់ទាញរៀងៗខ្លួន។ និយាយពីបុរសវិញ មានរឿងជាច្រើនដែលគួរធ្វើ ដើម្បីធ្វើឲ្យខ្លួនឯង មានភាពលេចធ្លោ ប៉ុន្តែគ្រាន់តែពេលខ្លះ បុរសៗមិនបានចាប់អារម្មណ៍ចំណុចទាំងនោះ។ ខាងក្រោមនេះ ជារឿងសាមញ្ញងាយៗ ដែលបុរសគួរអាចធ្វើបាន៖
១. ចេះស្លៀកពាក់សមនឹងរូបរាង មានរបៀបរៀបរយ
មនុស្សស្រីចូលចិត្តបុរសដែលស្លៀកពាក់ស្អាតបាតបំផុត មិនមែនស្អាតដោយសារសំលៀកបំពាក់ថ្លៃ ទៅណាមកណា ពាក់អាវធំក្រវាត់កទេ គឺស្លៀកពាក់បែបមានរបៀបរៀបរយ។ កម្រណាស់ បុរសដែលពាក់អាវភ្លឺរលោងព្រោះការអ៊ុតជាប្រចាំ តែបើមានមែននោះ ប្រាកដជាទាក់ទាញភ្នែកនារីមិនបាន។
២. និយាយពីទឹកមុខវិញញញឹមជាប់ហ្មង
សម្រាប់អ្នកមានសង្សារ អាចថាមានបញ្ហាបន្តិច នៅពេលរួសរាយញញឹមញញែមដាក់គេបែបនេះ ព្រោះអាចកើតជាការអន់ចិត្ត ប្រច័ណ្ឌ។ តែធម្មតាទេ ការញញឹមរួសរាយស្រស់ស្រាយជាប្រចាំ នឹងធ្វើឲ្យបុរសទាំងឡាយក្លាយជាមនុស្សទាក់ទាញបំផុត។
៣. មិនសូវចេះតម្អូញតម្អែរ
សាកគិតមើលថា ពេលគេរៀបរាប់ត្អូញត្អែរច្រើន យើងចូលចិត្តស្ដាប់គេអត់? កុំថាឡើយមនុស្សប្រុស ទោះមនុស្សស្រីដែលចូលចិត្តស៊ីអារម្មណ៍ច្រើន ក៏គ្មានអ្នកចូលចិត្តដែរ។ រឿងរ៉ាវតូចៗ ដូចជាបែកកង់ម៉ូតូ ដូរថ្មីទៅ កុំបង្ហោះប្រាប់គេថា ស៊យខ្លាំង អីនោះ។ ចាំមានរឿងវិបត្តិធំដុំណាមួយ ចាំស្វែងរកការប្រឹក្សា។
៤. ចេះហាត់ប្រាណថែសុខភាពតែមិនមែនយកសាច់ដុំកង់ៗនោះទេ
រូបរាងសង្ហា គឺជាអ្វីដែលមនុស្សគ្រប់រូបចង់បានបំផុត ប៉ុន្តែអ្នកខ្លះហាត់លើសធម្មតា រហូតមានសាច់ដុំធំជ្រុល ក៏អាចធ្វើឲ្យនារីមួយចំនួនមិនចូលចិត្តដែរ។ គួរហាត់ល្មមល្មម ត្រឹមមានរាងស្អាត នឹងធ្វើឲ្យអ្នកក្លាយជាមនុស្សទាក់ទាញ។
៥. សូម្បីតែការញ៉ាំក៏មានរបៀប ហើយមិនចេះផឹកស៊ីទៀត
នារីគ្រប់រូបតែងនិយាយថា មិនចូលចិត្តអ្នកផឹកគ្រឿងស្រវឹង តែបើមិនចេះផឹកសោះ នាងអាចគិតថាមិនមែនជាបុរសពិតទៅវិញ។ អាចផឹកត្រឹមកម្រិតណាមួយ ដែលមិននាំហានិភ័យដល់ខ្លួនជារឿងដ៏ត្រឹមត្រូវបំផុត ហើយនារីក៏ចូលចិត្តបុរសបែបនោះដែរ។ ចំណែកការញាំវិញ គួរកុំលោភលន់ហួសប្រមាណ តាមការឃ្លាន។
៦. ចរិតចាស់ទុំ មិនរញ៉េរញ៉ៃជាមួយមិត្តភក្ដិច្រើន
មនុស្សស្រីមិនសូវជាចូលចិត្ត មនុស្សប្រុសណាជួបជុំតែមិត្តភក្ដិ ផឹកស៊ីគ្រប់ពេលនោះទេ។ ដូច្នេះគួរតែបង្កើតមិត្តភាពជាមួយអ្នកណាដែលអាចផ្ដល់ជាបទពិសោធន៍ ចំណេះដឹង និងមនុស្សល្អៗឲ្យបានច្រើន។
៧. ការងារច្បាស់លាស់ តំណែងសមរម្យ
សម័យនេះបើទោះជាមានចិត្តស្មោះប៉ុណ្ណា បើអត់មានការងារធ្វើ ក៏ពិបាកឲ្យនារីណាមកស្រលាញ់ណាស់។ តែមានការងារក៏មិនប្រាកដថា មាននារីមកតាមស្រលាញ់ដែរ គួរតែមានការងារដែលច្បាស់លាស់ និងប្រាក់ខែសមរម្យ៕
