- 2019-04-10 08:20:15
- សេដ្ឋកិច្ច
KUBOTA បើកសេវាបង់រំលស់ ត្រាក់ទ័រ ម៉ាស៊ីនច្រូត ការប្រាក់តិចសម្រាប់ខែមេសានេះ
- 2019-04-10 08:20:15
- ចំនួនមតិ 0 | ចំនួនចែករំលែក 0
KUBOTA បើកសេវាបង់រំលស់ ត្រាក់ទ័រ ម៉ាស៊ីនច្រូត ការប្រាក់តិចសម្រាប់ខែមេសានេះ
ចន្លោះមិនឃើញ
ក្រុមហ៊ុន SIAM KUBOTA Leasing Co. , Ltd កំពុងបោះជំហានចូលក្នុងទីផ្សារបង់រំលស់គ្រឿងចក្រកសិកម្មនៅក្នុងប្រទេសកម្ពុជា ដោយបានដាក់ឲ្យដំណើរការក្រុមហ៊ុន KUBOTA Leasing (Cambodia) Plc ជាមួយដើមទុនរហូតដល់ទៅ ១៨ លានដុល្លារអាមេរិក។ ដើម្បីកំណត់ខ្លួនឯងឲ្យខុសពីបណ្តាក្រុមហ៊ុនដទៃផ្សេងទៀត ក្រុមហ៊ុនថ្មីមួយនេះផ្តល់ជូននូវអត្រាការប្រាក់ទាប ការបង់ត្រឡប់មកវិញមានច្រើនប្រភេទ និងការអនុម័តការបង់រំលស់យ៉ាងឆាប់រហ័ស ដោយគ្មានបង្កប់កម្រៃសេវា ឬថ្លៃសេវាបន្ថែមផ្សេងៗណាមួយឡើយ។
លោក Piyachart Srimarut ប្រធានក្រុមហ៊ុន KUBOTA Leasing (Cambodia) Plc. បានឱ្យដឹងថា នៅឆ្នាំនេះ ក្រុមហ៊ុនបានបើកដំណើរការជាផ្លូវការនូវក្រុមហ៊ុន Kobuta Leasing (Cambodia) Plc. ជាមួយដើមទុនចំនួន ១៨ លានដុល្លារអាមេរិក ដើម្បីផ្ដល់សេវាកម្មបង់រំលស់គ្រឿងចក្រកសិកម្មប្រកបដោយភាពច្នៃប្រឌិតរបស់ KUBOTA។
ក្រុមហ៊ុនថ្មីមួយនេះទទួលបានអាជ្ញាប័ណ្ណពីធនាគារជាតិនៃកម្ពុជា ហើយបានចាប់ផ្ដើម ប្រតិបត្តិការកាលពីថ្ងទី ៨ ខែ សីហា ឆ្នាំ ២០១៨។ ក្រុមហ៊ុនមួយនេះជាកម្មសិទ្ធិ ១០០% របស់ក្រុមហ៊ុន SIAM KUBOTA Corporation Co., Ltd., ជាមួយនឹងការវិនិយោគបន្ថែមទៀតដើម្បីតាមអោយទាន់កំណើននៃការលក់ផលិតផល KUBOTA នៅក្នុងប្រទេសកម្ពុជា។
លក្ខខណ្ឌនៃការបង់រំលស់ គឺអតិថិជនតម្រូវឲ្យបង់ប្រាក់កក់មុន ហើយចំពោះចំនួនទឹកប្រាក់ដែលនៅសល់ត្រូវបង់ជាដំណាក់កាល ដូចបានបញ្ជាក់នៅក្នុងកិច្ចកិច្ចព្រមព្រៀង។ អត្ថប្រយោជន៍នៃការបង់រំលស់ប្រភេទនេះគឺ អតិថិជនមិនចាំបាច់ចំណាយពេលវេលា ដើម្បីបង្កើនសាច់ប្រាក់ ឬដាក់ទ្រព្យបញ្ចាំផ្សេងទៀតដូចជា ដីធ្លីជាដើម ដើម្បីដាក់ពាក្យស្នើសុំនោះទេ។ ដរាបណា អតិថិជនអាចបង់ប្រាក់កក់មុន និងមានលទ្ធភាពសង ត្រឡប់មកវិញបាន នោះក្រុមហ៊ុនអាចធ្វើការអនុម័តភ្លាមៗ ដោយអនុញ្ញាតឲ្យអតិថិជនទទួលបានគ្រឿងចក្រកសិកម្មសម្រាប់ប្រើប្រាស់បានយ៉ាងងាយស្រួលបំផុត។
ដើម្បីអបអរសាទរចំពោះការដាក់សម្ពោធជាផ្លូវការនេះ ក្រុមហ៊ុន KUBOTA Leasing (Cambodia) Plc ផ្ដល់ជូននូវកម្មវិធីពិសេស ពេញមួយខែ មេសា តែម្ដង។ សម្រាប់ត្រាក់ទ័រ និងឧបករណ៍តភ្ជាប់ ការបង់ប្រាក់កក់មុនចាប់ផ្ដើមត្រឹមតែ ៣០% ប៉ុណ្ណោះ ជាមួយនឹងអត្រាការប្រាក់អប្បបរមា ១% ជាមួយនិងការបង់ត្រឡប់មកវិញជាប្រចាំខែ ប្រចាំត្រីមាស និងប្រចាំឆមាស ក្នុងរយៈពេលអតិបរមា ៤ ឆ្នាំ។ សម្រាប់ម៉ាស៊ីនច្រូតស្រូវវិញ ការបង់ប្រាក់កក់មុនចាប់ផ្ដើមត្រឹមតែ ៥០% ប៉ុណ្ណោះ ដោយអត្រាការប្រាក់អប្បបរមា ១% ជាមួយនិងការបង់ត្រឡប់មកវិញជាប្រចាំខែ ប្រចាំត្រីមាស និងប្រចាំឆមាស ក្នុងរយៈពេលអតិបរមា ២ ឆ្នាំ។
អ្នកអាចស្នើសុំសេវាកម្មបង់រំលស់នៅគ្រប់ដេប៉ូចែកចាយរបស់ KUBOTA ទាំង២៤កន្លែង ទូទាំងប្រទេស ឬទំនាក់ទំនងមកកាន់លេខទូរសព្ទលេខ ០២៣ ៩០១ ៧៤៥៕
